اسئلة عن تخصص هندسة الحاسب

السلام عليكم ورحمة الله وبركاته



وضعت موضوع مشابه في قسم هندسة الكهرب .. وأحب أعرف نفس المعلومات عن تخصص هندسة الحاسب

1- ما هي المهارات او المواد التي يجب على الشخص ان يكون محب لها او متقن لها لكي يتمكن من التخصص في هندسة الحاسبوالاكمال فيه ؟

2- بخصوص الدراسة في تخصص هندسة الحاسب في جامعة البترول .. كيف الوضع ، هل التخصص صعب .. هل الحصول على معدل 3+ من 4 صعب ؟ اعني بصعب .. يعني الطالب العادي هل يقدر يجيبها ولا لازم لها واحد دافور ؟

3- كيف وضع دكاترة القسم ؟ رجاءً لاحد يكرر الاسطوانة المشروخة .. في كل مكان فيه الزين والشين .. ندري بهالشيء ، انا اقصد ( بشكل عام ، الاغلبية ) ايش وضعهم .. هل هم زينين ؟

4- وش هي المواضيع اللي تغطيها كورسات هندسة الحاسب؟

5- كم عدد كورسات البرمجة اللي ناخذها في هذا التخصص

6- سؤال لكل متخصصي هندسة الحاسب.. خصوصاً الجونيور والسينيور والخريجين .. لو رجع فيكم الزمن لورا ، هل راح تختارون تخصص هندسة الحاسب مرة ثانية .. مع ذكر السبب ؟

7- ما هو بنظرك افضل تخصص من تخصصات الحاسب الالي من ناحية الطلب الوظيفي ؟

8- بانهائي على بكالوريوس هندسة الحاسب ، سأكون قادر على ؟

9- سؤال لكل الخريجين .. أو اللي عنده معلومة بهالخصوص .. مهندس الحاسب في وظيفته .. وش يسوي بالضبط ؟ ما هي المهام التي توكل اليه كـ مهندس حاسب الي .. ماذا يفعل في وظيفته ؟

10- مدى طلب شركتي سابك وارامكو لهذا التخصص ؟ وهل هناك شركات افضل من سابك وارامكو لمهندس الحاسب الالي من ناحية الراتب وبيئة العمل وكل شي ؟

11- وش وضع خريجي الهندسة الكهربائية بشكل عام ؟ هل يلاقون فرص وظيفية برواتب مجزية خصوصاً في شركتي ارامكو وسابك ؟

12- ليش دائماً يقولون ان التخصص ماله مستقبلاً وانه متكدس في المملكة ؟ في المنتديات دايماً اشوف هالشيء ؟!

13- نصيحة عامّة توجهها لـ شخص مو عارف يختار ميوله ؟

 

هل يوجد رياضيات في التخصص ؟ وش تدرسون بالضبط ؟ اقصد المادة الاساسية اللي يعتمد عليها هذا التخصص .. من المعروف مثلاً ان الهندسة الكهربائية تعتمد على الرياضيات والفيزياء ، هذا التخصص وش يعتمد عليه اكثر شي ؟ من المهارات والمواد

بخصوص الخريجين .. اللي تعرفهم من الخريجين ممكن تقول لي وضعهم كيف ؟ لقوا وظائف برواتب مجزية ولا ؟
ياليت تفصل في هالنقطة ، لأن هذي النقطة هي اللي حاجزة بيني وبين التفكير في هالتخصص .. يعني معقولة كل المتخرجين واللي يكتبون المواضيع في المنتديات الاخرى كذابين ؟ هو ماحط موضوعه الا انه حق .. معليش بس انا ما اكذبك .. ابي اتبين بس .. ياليت توضح لي بشكل واضح ايش اللي صاير ..
+
لو انك حضرت لقاء مدير الجامعة الأخير ، فيه واحد سينيور متخصص في هندسة الحاسب .. وشكى نفس هالموضوع الى مدير الجامعة ، لأنه حسب كلامه يقول انه في يوم المهنة .. كان يسأل الشركات وكانوا الشركات دايماً يقولون انهم ما يبون تخصص coe ودايماً يقولون ee , cise , swe مكان الcoe ! ياليت توضيح !! ..

أنا ما أقول هالكلام تشكيك او تكذيب في أحد .. أنا أقوله عشان أتبين وأوصل للحقيقة !

 

سبب سؤالي عن وضع شركتي ( سابك وارامكو خصوصاً ) هو ان ودي اتوظف باحد هالشركتين وخصوصاً ارامكو
لأن صحيح الشركات الاخرى توفر عروض مغرية نوعاً لي كـ خريج ، لكن اللي الاحظه ما فيه سلم رواتب واضح !
ولا فيه لا امان ولا استقرار وظيفي (وهذي اهم نقطة) .. انا ابي استقر في وظيفتي مستقبلاً ، فحاجة [ أرامكو و سابك ] لهالتخصص حاجة مهمة جداً بالنسبة لي
هذا من جهة الوظائف ..

من جهة اخرى ، ممكن توضح لي مفهوم هندسة الحاسب ووش تدرسون ؟ غبنتني يوم قلت تدرسون احصاء .. وش دخل الاحصاء في الحاسب ؟!
ممكن تقول لي وش اللي تدرسونه بالضبط ! ، لا تجيب لي تعاريف من ويكيبيديا او كلام كتب .. ابي اعرف بس !!!!

نقطة اخرى ، مستقبلاً في حال توظفت ، ايش ممكن راح تكون شغلتي .. وش راح اسوي بالضبط ؟! ادري يختلف من شركة لشركة ، لكن عادة
وش هي المهمة الرئيسية لمهندس الحاسب ! يعني الحين اذا واحد سألك وش يسوي المعلم ، تقول يروح المدرسة ويحضر حصصه ويشرح للطلاب ويسوي اختبارات ويصححها ويرصد الدرجات و و و إلخ .. طيب هذا المعلم يسوي كذا ، ابي نفس الشيء وش اللي يسويه مهندس الحاسب في عمله !

+ ممكن تقول لي بعض الاشياء الملموسة في حياتنا الواقعية اللي مهندس الحاسب هو المسؤول عنها او له علاقة فيها بطريقة او باخرى ، على سبيل المثال لتوضيح هالسؤال ايضاً ، لو واحد قال لك عطني اشياء ملموسة في حياتنا الواقعية المهندس المدني هو المسؤول عنها ، راح تجاوب مباشرة الابنية اللي حولك هذي اشرف عليها مهندس مدني .. مثلاً يعني .


وش هي طبيعة المشاريع اللي تسوونها في التخصص ؟ يعني تسوون ايش مثلاً ؟ ممكن تذكر لي مثال ؟



السؤال الماقبل الاخير / التخصص بنسبة كبيرة يعتمد على الفهم ولا على الحفظ ؟ ( كم بال% فهم وكم بال% حفظ )

السؤال الاخير / ليش اخترت تخصص هندسة الحاسب بالذات ، ليش شفت نفسك فيه ، بمعنى .. وش هي المميزات اللي خلتك تقول بس خلاص .. هذا التخصص اللي يناسبني ؟!

واعتذر على الاطالة

 

يعطيك العافية ، هو انا محصل احد متخصص هندسة حاسب ، ما شفتك الا انت وغرقتك بالاسئلة هههههه

على العموم الله يعطيك العافية واشكرك على سعة صدرك واجابتك على اسئلتي ^_^

 

لازم اتواصل معاهم بايميلي الجامعي ؟

ولا عادي اقدر اراسلهم بايميلي الشخصي ؟