اسباب عدم الحصول على فرصة

معليك أخوي الوضع عادي ترى، ثلاث شهور ولا شي انا قعدت سنة لحد ماجتني وظيفة. انت ماشاء الله عليك خريج امريكا ومعدل عالي، في يوم المهنة فالبترول يوم ١٢-١٥ نوفمبر تعال الظهران وقدم وبالتوفييق.

أرجع وأقولك انه وضعك طبيعي انك مالقيت وظيفة اول ثلاث شهور، الخير جاي انت قدم واسعى والباقي على ربنا.

وبالتوفيق

 

عزيزي جدا عادي لا تحطم نفسك انا برضو خريج امريكا penn state university وأخذت معايا ٦ شهور عشان اول مقابلة. طول بالك واستمر في التقديم ولا تفوت يوم المهنة جدا مفيد

 

3 أشهر ماتعتبر فترة طويلة لكن حاول تشتغل على الأشياء الي بيدك ممكن تضبط معاك :
1- راجع السيرة مع اكثر من شخص ، يمكن فيه واحد يساعدك في الصياغة و الثاني يعدل على التنسيق .
2- قدم على الشركات بدون مايكون فيه اعلان منها على وظائف ، وحاول ترسل في الايميل وفيه نبذة بسيطة عنك وبشكل مرتب
شوف هالتغريدة بتنبهك على أمور كثيرة بخصوص التقديم بالايميل .
رضوان الجلواح on Twitter

3- احضر معارض التوظيف ، صحيح نسبة كبيرة منها دعاية لكن ممكن 4-5 شركات تكون جادة بالتوظيف و تتوفق معها .

4- بخصوص العمر ، اي مهم خاصة في برامج حديثي التخرج فحاول ماتجيب طاري العمر في السيرة ، وجرب تقدم على بعض الشركات بدون ماتذكر خبرتك في ارامكو . ممكن هي السبب لكن ما اتوقع.

لاتشيل هم فيه كثير خذوا فترات طويلة لكن الحمدلله حصلوا فرص ممتازة بعدها ، فلا تشيلهم هم لكن أهم شي استمر في التقديم ، ويوميا ارسل ايميل ل 3 -4 شركات او ارفع سيرتك على موقعهم.


الله يوفقك

 

تراك مستعجل يا اخوي غيرك قعد سنة ونص وما حصل وظيفة مهندس فاستغل هالفترة بمراجعة سيرتك الذاتية وحسنها وطور مهاراتك وتعلم مهارات جديدة وحاول تأخذ شهادات احترافية وعليك الصبر والدعاء
الله يرزقك ويرزقنا ويرزق جميع المسلمين بكل خير

 

والله نفس حالتك خريج امريكا تخصص Management وصار لي حول ٣ شهور انتظر. برضو عمري قريب من عمرك. اتمنى بصراحة ان العمر مايلعب دور بس للاسف في بعض الشركات يحطون شرط عمر مع اني ماشوف له داعي. الله يوفقنا جميع

 

معك حق يا اخوي بس هذا واقع سوق العمل

 

بهذا الوقت توكل ع الله واحرص ع الواسطة قبل الوظيفة.

اعطيك الحقيقة المرة لو ما اعحبتنا..

للاسف الخريجين الآن بالالاف وخلال هالسنتين الي اعرفهم توظفوا اقدر اقولك تسعين بالمية ولا ابالغ واسطات وبلسانهم يعترفون..

شركة كبيرة جدا موقفة التوظيف اعرف مهندسين توظفوا فيها كيف وعن طريق من ماتقدر تسأل احد ونقول عسى الله يسخر لنا وياكم الخير

 

فيه شح في الوظائف والكل عارف!

اتخرجت May 2016 واتوظفت بعد ستة شهور، كنت مقدم على وظائف كثيرة جدا قبل اتخرج بترم. اول مقابلة كانت بعد تخرجي بستة شهور وقبلوني، واخذتها بدون اي تردد مع انه كان فيه ظلم في المسمى الوظيفي (مساعد مهندس)، مازلت في هذه الوظيفة

المشكلة من أول المقابلة وإلى الآن وانا أسبوعين أتابع واقدم على وظائف. خلال السنتين هذي سويت أربع مقابلات شخصية فقط، الاولى توظفت فيها، والثلاث الباقية ما كان لي نصيب فيها.

تابع البحث، طور من نفسك دورات أون لاين في إدارة الوقت والمشاريع، تقييم موشرات الاداء، السلامة، إدارة الجودة آيزو (مهمه).

بالتوفيق

 

وضعك طبيعي جدا .. أنا ما حصلت لي مقابلة إلا بعد 8 أشهر من بحثي وكانت أول مقابلة لي ومنها توظفت ولي فيها سنتين .. الحين صار لي فوق السنة أقدم ما حصلت شي.

الله ييسرها علينا وعليك وموفق ان شاء الله

 

احيانا لا نريد الحقيقة لكي لا يكون هناك تاثير سلبي ع الغير ولكن كلامك صحيح ليس من باب الحسد لمن توظفه بتلك الشركات الموقفة للتوظيف ولكن لماذا الكذب لماذا تأتي الى مسؤول ويقول لك موقفين التوظيف وتفاجأ زميل لك نفس تخصصك ونفس جامعتك توظف فيها بواسطة انا افرح لزميلي ولكن انغبن من مواقف المسؤولين والكذب علنا فعلا واسطتك وظيفتك كما هو برنامج بعثتك وظيفتك .

 

أخي الباحث عن العمل اسال الله لك التوفيق وانصحك بالتركيز تماما ع التقديم ع الوظايف بكل ما أوتيت من قوة
كثير من الشباب اللي اعرف ..
مايسجلون في مواقع توظيف مثل bayet او linkedin دوت كوم وبعضهم يسجل ويحط صورته وبس
نسبة اكبر تنتظر احد يجي يكتب لها السيرة الذاتية او احد غيرهم كاتبها لهم ولايدرون ايش المكتوب
تسويقك لذاتك انت الشخص الوحيد المسؤوول عنه .. ممكن تحتاج للمساعده بس ينبغي ان تعرف كل كلمه فيه وتضيف وتعدل متى شئت
اخي الباحث عن العمل انت في فرصة ثمينة لاعادة ترتيب اوراقك والمنافسة في سوق العمل بقوة .. الانترنت مليء بالكثير من السير الذاتية المشابهه
يكفي لديك وقت ضخم يمديك تستغله وتطور من نفسك
انصحك
1-في مراجعة المواد التي هي في صلب تخصصك - الاسئلة الاكثر شيوعا في المقابلات
2-الانتشار الكترونيا في مواقع التوظيف العالمية والمحلية
3-كتابة مختصر عن كل مشروع اشتغلت عليه في برغراف صغير
4-هذا لايمنع انك تطور من نفسك في الانضمام للادورات عبر الانترنت بمجال تخصصك مثل edx udemy
5-استميت في التقديم على الوظائف بدون توقف وصياغة ايميل محترف لارسالة لمسؤولي التوظيف سجل في مواقع الشركات اللتي ترغب فيها خاطب لمسؤولي hr online
6-اكتب خطاب تعريفي او بما يسمى cover letter يكون مختصر فيه انجازاتك الاكاديمية والمهنيه والاجتماعية ومرجع لك لاحقا
7-انصحك بالذهاب للمنشأت التي تعلن عن وظائف في الوقت خصوصا القريبة منك او المدن الصناعية حولك.. الذهاب بشخصك يوضح للشخص المسؤول مدى جديتك في كثير من الاحيان.. مهما اوصدت الابواب لا تيأس ولا تكل ولا تمل أنت في فرصة ذهبية ان كسبت الرهان فيها فانت الرابح ..
8- وافق على المقابلات حتى في الوظايف الغير مناسبه لك انت الكاسب هنا خبرة + معارف

 

انا مثلك خريج كندا ولحد الان ماجاتني وظيفه طفشت ومليت من العطاله

 

هلا اخوي

انا بعطيك وجهة نظري واتمنى الكل يقبل بها بدون زعل

احنا عندنا مشكلتين كبرى واحدة من قطاع التعليم و اخرى من العمل

عندما ياتي شخص لا يفقه في جدول الضرب و يحصل على بعثة و يبتعث الى جامعة مخرجاتها ابوكلب درجة اولى ثم يرجع و عنده واسطة عشان ولد عمه فلان ويتوظف في كبرى الشركات هنا ياتي الخلال

نظاما هذا الشخص من الاساس مفروض ما يكون جامعي فاللي صاير الحين مشكلتين

هذا اخذ وظيفة شخص متعلم من البترول او اي جامعة محترمة و صار عبأ على السوق

الشي الثاني وزارة العمل, لو الحكومة تطلب معادلة الشهادة للاجانب لممارسة العمل الهندسي مثل ما تفرض على السعوديين كان اجزم ان اقل شي 10 الاف شخص منهم مزور شهادته و بيضطر يمشي لان مو معترف فيه كمهندس

و ممنوع يحضر اي وافد من غير خبرة 10 سنوات بعد التخرج بكذا راح تتوفر وظايف

الشي الاخير عزيزي هو منك و من غيرك و اتمنى ما تزعل مني وتاخذ الكلام بسعة صدر

انت واضح انك مريت بظروف و تخرجت متاخر وعمرك 28 فاللي مثل عمرك اخذ خبرة تلقاه او ثبت نفسه في وظيفة

اتمنى ما تزعل مني بس انا متخرج و عمري 22 ما اقول الكل مثلي من تجربتي في عدة مقابلات لما استدعى لهم عشان سببين
واحد العمر الشي الثاني المعدل ومعدلي نفسك معدلك ياصاحب الموضوع
لما سالتهم ليش كلمتوني وانا ما عندي خبرة في ذا المجال قال لانك صغير فلما يصير عمرك 24 او 25 بصير عندك خبرة و غيرك توه متخرج و يبينا نوظفه

اتمنى انك ما تزعل من كلامي بس هذا جوهر المشكلة انت جزاك الله خير تخرجت من جامعة قوية بس عندك مشكلة غيرك جاي من جامعة ابوكلب وقاعد ياخذ الوظايف

وعلى فكرة جامعتك ضمن افضل 100 جامعة في العالم بناء على تصنيف وزارة التعليم فانصح تذكر هذا في سيرتك و زور يوم المهنة و ان شاء الله تلقى وظيفة

 

اول شي ماهي قاعده ثابته العمر
نسبه وتناسب وكل شركه لها سياستها
بخصوص المبتعثين قل خروج اخر سنتين لان صار شروط عاليه بقبول الابتعاث وهذا صار شي ايجابي الحمد لله ..

نومن بموضوع الخيره وكل شي مقدر
الافضل ايجابيه قدر المستطاع

انصحك ياصاحب الموضوع تروح بنفسك لشركات الدرجه الثانيه وتقدم السي في يدوي وتتنازل عن بعض الشروط ( المهم تمسك عمل )
عندك الصناعيه الاولى بالدمام
الثانيه طريق بقيق
الثالثه الجبيل
واحد نفس وضعك قدم ١٥٠ سي في ولقى وظيفه ب٧٥٠٠ ومن هناك انطلق لى ظيفه ٩٨٠٠ ثم وظيفه ١٤٠٠٠والله يكتب لك اللي فيه الخير

 

واسطتك و ظيفتك انتهى