استشارة عن خطتي المستقبلية... ياليت تفيدوني

كونك مجتهد هذا معناته إنه ممكن تتوظف في سابك أو غيرها بعد التخرج إن شاء الله ... بالنسبة لإنضمامك لسابك ما أشوف إنه خيار موفق لان ارتباطك بشركة معينه لمدة 4 سنين مهو بسيط .. لأنه ممكن ببساطة ما يعجبك الشغل بسابك، ممكن تفضل إنك تكمل دراستك مثلا: ممكن بعد ما تتخرج تحب تغير وتروح تشتغل في مجال مختلف عن البتروكيماويات، الإحتمالات واردة ...

ببساطة عندك خيارين:

الأول انضمامك لسابك وراتب 4 الاف شهريا، لكن راح تدفع ثمنها أول 4 سنوات من حياتك الوظيفية (شيء ماهو بسيط أبدا) .. ولو حطوك في قسم سيء راح تعرقل تطورك الوظيفي بشكل كبير وراح يمشي فيك الزمن وانت مكانك ما تطورت ... وفي المقابل ممكن تزبط معك وتروح قسم ممتاز وترتاح فيه .. المسألة في الأخير ترجع لسابك مو لك

الخيار الثاني تصبر لين تتخرج وتكون خياراتك مفتوحة، سواء حاب تروح سابك أو غيرها، ووقتها برضو راح يكون لك الحق تختار المسار اللي يناسب أهدافك الوظيفية وطموحك ... طبعا كلامي هذا على إفتراض إنك راح تستمر باجتهادك وبتتخرج بمعدل عالي ووضعك بالمقابلات الشخصية ممتاز

شخصيًا أشوف إن الخيار الثاني أفضل بكثير ...

 

بالنسبة لخيار انك " أحفظ الفلوس بالبنك وأنتظر " لاتنسى ايضا تاخذ بالحسبان انه لازم ترجع الفلوس اللي دفَعَتها سابك للجامعة اللي هي تكاليف دراستك بالجامعة ، لاني سمعت وماني متأكد انه سابك والشركات اللي مسوية بعثات تعامل الجامعة كجامعة اهلية يعني تدفع للجامعة رسوم عن كل فصل دراسي

 

وعليكم السلام ورحمة الله وبركاته


أوافق أخوي E khaloodi في الكلام اللي قاله من منظوره الخاص بالموضوع ..

ولكن وجهة نظري تختلف ( عشان تستفيد وتكون في الصورة بما يجري حولك )


بالمناسبة أنا ماني خريج ..
لكن لأنك ذكرت بين سطورك : ( أتمنى يا أخواني تفيدوني بأي شيء حتى لو مجرد رأي )
فحاب أشاركك برأيي :

طبعا قبل ما أبدأ برأيي .. أنت ذكرت لنا نقطة وهي انك ( مجتهد ومتفوق ماشاء الله )
لكن أنت ( مازلت طالب أوريا ) ! .. بمعنى انك لسه ما خضت التجربة الكاملة وهي انك تعيش حياة التخصص
و تعيش تجربتها .. فالوضع يختلف بين الأوريا والجبل
وكذلك في فترة دراستك ممكن تتغير بعض أفكارك , خططك , توجهك .. وهذا اللي صار معي شخصياً
كنت راسم خطة ثابته حتى من بعد الخرج ولكن مع الوقت بدأت بالتغيير في الخطة ..
( واتمنى انك ما تفهم من خلال كلامي اني جالس اخوفك أو أقلل من شأنك والخ .. بالعكس )
لأني أبحاول اخليك تربط كلامي هذا برأيي الآن


فـ أنا اشوف أنك تبقى في ( برنامج سابك ) أفضل لأسباب منها :

-( تضمن حياتك الوظيفية ) .. فمكانك مضمون بسابك , ولأن الانسان ماعنده علم بالغيب
بعض الخريجين الحاليين يعاني من البحث و إيجاد القبول في بعض الشركات ..فمابالك بعد( 4 سنوات )كيف راح يكون الوضع ! وهاذي النقطة تنبني عليها أمور كثيرة !
ومنها لنفرض انك كنت خارج البرنامج , و بعدها تخرجت بمعدل لا سمح الله كان غير مناسب لقبولك !

-( مميزات برنامج سابك ) وانت ذكرتها بحيث أن البرنامج مناسب لك من الناحية المادية والخ ..


-( إكتساب الخبرة ) .. وهذه نقطة دائماً أسمعها من بعض الخريجين والموظفين
وهو أن ( اكتساب الخبرة ) أمر مهم وأفضل بكثير من انك تدرس دراسات عليا كالماستر
لأن كثير من الشركات يهمهم صاحب الخبرة أكثر من صاحب الشهادة العليا ! ..
وهي فرصة لك لما تتخرج وتروح لسابك انك تكتسب الخبرة في هذه الفترة وتطور من نفسك
وبعد انقضاء المدة المشروطة عليك تقدر بعدها تبحث عن أي شركة اخرى ومعاك خبرة ممتاز
هنا راح يكون وضعك مختلف بالشركة الجديدة , وممكن تصل لمنصب عالي بمدة زمنية قصيرة بسبب خبرتك !
وراح يكون لك الحرية لو حبيت تكمل للدراسات العليا ..

-( تحقق رغبتك في التخصص ) فالبعض يقدم على برنامج سابك أو حتى أرامكو
لكن مو شرط تتحقق له الرغبة الأولى في اختيار التخصص ! .. وكثير شباب اعرفهم اجبروا على تخصص
ما كانوا يطمحوا له ..


هاذه ابرز الأسباب .. وانت لك مطلق الحرية في الاختيار ..
وبصراحة شي جميل انك تخطط من الآن وجهتك و مستقبلك من ناحية الوظيفة وإكمال الدراسة
فالبعض للأسف يمشي على عماه ..

و انصحك دايما تصلي صلاة الاستخارة في امورك ..

وإن شاء الله باقي الشباب يفيدونك أكثر .. حط ببالك اني ماني خريج وتنقصني الخبرة في بعض المعلومات
مجر اني حبيت اشارك وافيدك .. وانت في النهاية تدرس الموضوع وتشوف الأصلح

تمنياتي لك بالتوفيق وعقبال ما تتخرج ويكون لك مكانة بين المجتمع .. ​

 

شوف اذا انت تبغى ماستر و دكتوراة سابك ما راح تعطيك دا الشي
بس احيانا شهادة البكالوريوس و الخبرة تتفوق على الماستر و الدكتوراة
يعني لا تستغرب ان مديرك شهادته بكالوريوس و انت دكتوراة عادي جدا
اذا انت تحس انك فاهم في تخصصك و حابنه و راح تبدع فيه توكل على الله و لا تنسى حتى لو ادارتك سيئة
المجتهد يفرض نفسه في كل مكان
والله يوفقك

 

ما حددوا لك إدارتك اللي بتشتغل فيها بسابك بعد التخرج ؟؟؟

 

انا اقول كمل معهم
صدقني الوظائف حاليا صعبة
والماستر والدكتوراه لاحقين عليها
نصيحة لاتفرط فيها

 

طيب ،، شوف يالحبيب نصيحتي بكل بساطة انك اكيد تكمل معهم ، ليش ،، اول شي تأمين طبي والكلاس vip كلنا نحتاج تأمين طبي ،، ثاني شي مكافأة كويسة جدا جدا ٤٠٠٠ ريال ومكافأة تفوق اذا جبت معدل فصلي عالي
هذي مزايا البرنامج ،، بالنسبة للتوظيف بتشتغل ٤ سنين مع سابك اذا تخرجت اذا عجبك الوضع كمل معهم ان ما عجبك رح شركة ثانية بعد ما تكسب خبرة ٤ سنين ، بس خذ بالك ان الخبرة اللي راح تاخذها في سابك راح يكون في صالحك، اي شركة ثانية يجيها موظف سابق في سابك بيكون مفضل لانه سابك ما قبلته الا لانه مؤهل وجدير بالوظيفة وسابك شركة لا تعرف ،، والشي الاخير ان ترى راتبك اول ما تتخرج في سابك يعتبر من اعلي الرواتب بين الشركات ،،
بالنسبة لاكمال دراستك ،، اكمالك للماستر قبل اكتسابك كم سنة خبرة عمل خطأ فادح لا تقع فيه ،، انا كمسؤول توظيف في شركة يجيني واحد ماستر بدون خبرة عمل وواحد بكالوريوس خريج افضل البكالريوس بكل تأكيد ، لانه الماستر بيكون جديد ولا يدري كيف العمل ولابد يبدأ زي ما يبدأ خريج البكلوريوس الجديد في المقابل الماستر يبغي مني راتب اعلى بحكم درجته العلمية ،، عشان كذا التوظيف راح يكون للخريج البكالوريوس
نصيحتي كمل معهم وتحمد الله تراها فرصة جدا قيمة وجمع الفلوس وضبط نفسك وربي يوفقك

 

اخوي باختصار
لا ترفس النعمة برجولك