استشارة في عرض وظيفي لمهندس ميكانيكي

السلام عليكم ورحمة الله وبركاته ..

انا مهندس ميكانيكي متخرج منذ سنه و 8 اشهر تقريبا من كلية ينبع الصناعية بمعدل جيد جدا ،، والى الان لا زلت ابحث عن وظيفة للاسف .
خلال الفترة هذي ارسلت ايميلات كثييييييييير وقدمت على مواقع كثير ومعظمها بدون اي رد ما جاني غير عرض واحد من شركة تيكفين بمسمى مهندس ميكانيكي براتب 3000 ريال سته ايام في الاسبوع في ريج وكنت ناوي اقبل العرض لين عرفت احد اصحابي انقبل عندهم رجل امن براتب 5000 كنسلت.



الان وصلني عرض وظيفي لمستشفى خاص بمسمى مهندس ميكانيكي ولكن الراتب بسيط 4000 ريال و بدل مواصلات 500 ريال لا يوجد بدل سكن والتأمين فردي مع العلم اني متزوج.

انا ضايع بين اني اقبل العرض لأجل الخبرة .. او اني ارفض العرض وانتظر عروض اخرى واشتغل حاليا في اي وظيفة مؤقته براتب افضل لأن حتى ماكدونالدز عارض وظايف خريجين براتب ٦١٠٠ ريال يعني افضل من راتب المستشفى. ومعليش المادة تفرررق جدا.

اللي حصل وكان في موقف مثلي او اي احد قبل بوظيفة براتب قليل لأجل الخبرة وفادته ياليت يفيدني بتجربته الله يسعدكم ويرزقكم.