استشارة لعرض وظيفي Sales Engineer

بغض النظر عن الراتب وظيفه المبيعات الكثير يتعقد انها سهله
لكن فعليا صعبه و مو اي احد ينجح فيها
هو كويس ان الشركه جديدة معناته الادارة بتكون متحمسة و بتكون متعاونة و تبث فيكم الحماس لتحقيق النجاح
لكن النقطة الغريبة انك بتكون لحالك بالشرقية و انت فريش ما عندك خبره
انا متاكد بالبدايه و على مدار ست شهور بتكون محتاج للتوجيه و معلومات كثيره
اهم شي تكون على تواصل دائم بمديرك لانك بتكون محتاج له كثير و نجاحك مرتبط به
موفق

 

اولاً نبارك لك على تخرج من كلية الهندسة, وثانيًا كانك تبغى رأيئ من اخ لاخوه كانك تبغى مجال المبيعات وميولك له فانطلق فهو مسار ممتاز وتطوره الوظيفي سريع وبالعكس لا تنظر للراتب حاليا, وانا متاكد انك راح تبدع فيه اذا لك رغبة في المجال , واذا كنت في الشركة جديدة هذه ميزه لصالحك لان الأعمال الي تسويها يلاحظها الجميع, بس اهم شئ بالنسبة لك قبل الراتب وكل شئ مدى تعاون مديرك المباشر وبحكم انك راح تلازمة بشكل دوري لانك بحاجة الى توجيه ونصائح بشكل مستمر منه ( يومي ).
الله يوفقك وانا اخوك

 

نصيحه لك بحكم انك فرش لا تتشرط كثير واقبل الفرصه المتاحه وطور نفسك فيها واكتسب خبره وراح يتحسن وضعك مستقبلا او تحصل فرص افضل

انك تكون عامل افضل من ان تكون عاطل

مجرد نصيحه

 

السلام عليكم عزيزي .

نصيحة مني بما إني في مجال المبيعات منذ قرابة السنتين , العمل في مجال المبيعات يعتمد في البداية على رغبتك في المجال.
مجال المبيعات يفرق طبعا إذا كنت مبيعات لمنتج او مبيعات مشاريع. القصد إذا كان المطلوب منك أن يكون عندك معرفة بالمنتج و التسويق له لذا الشركات. أو تكون على سبيل المثال شركة مقاولات فيكون التسويق للخدمات من اجل الحصول على المشاريع عند الشركات.

طبعا يعتمد على الشركة و على مديرك المباشر.
بعض الشركات يكون عندها بيانات العملاء بحيث يعطوك بعض البيانات لعملاء نشطين و تبدأ منهم العمل و من ثم تتوسع في الحصول على عملاء جدد و هذا راح يسهل المهمة
و بعضهم و خصوصا اذا كان المدير المباشر كسول ف راح يضغطك بالطلبات بدون توجيه صحيح. و راح تعتمد كليا على نفسك في البحث و التواصل و هذا الخيار سيكون مرهق نفسيا إذا ما كنت تحب المجال .

في بعض الشركات هذا المسمى الوظيفي اعتبره سيء بالنسبة للمهندس لأنك راح تكون مثل مندوب المبيعات و التي يمكن ان يشغلها خريج ثانوي.

بما إنك للآن خريج جديد و إذا ما عندك مسؤوليات فلا تستعجل و يجب أن تدرس الوضع بدقة لان إذا دخلت في هذا المجال و لم تحصل على فرص افضل في مجال دراستك راح تتعب نفسيا و هذا من واقع تجربة

بشكل عام هو انك راح تعمل كمسوق مع وجود خلفية هندسية في نفس المجال و هذا راح يساعدك في الفهم التقني سواء للمنتج لو الخدمات.

عذرا على الإطالة و شكرا و ارجو من اخواني التصحيح اذا كان هناك خطأ و يعلم الله إني لا اقول هذا الكلام للتحبيط او تثبيط العزيمة و لكن لإعطاء صورة واضحة للمسمى حتى لا تقع في الاحباط و التعب النفسي.