استشارتكم بين عرض وظيفي من أرامكو وعملي الحالي

شخصياً أشوف إنك تقبل عرض أرامكو ..
في نقطة معينة من حياتك لازم تفكر في بناء مستقبلك الوظيفي أكثر من إنك تفكر في إنك تكون عند أهلك ..
يعني لو إنك مرتاح في عملك حالياً كان شرت عليك بأن تبقى في الرياض, لكن الي فهمته منك إن بيئة العمل مو مريحة و لو إن الراتب و الزيادات جيدة ..
لكن في المقابل في أرامكو بتتعلم أكثر و بتمارس عملك أكثر, و بتستلم راتب مو جيد نوعاً ما لكن "ممتاز" ..
الشرقية قريبة من الرياض و تقدر تروح لأهلك كل ويكند لو تبي, أضف إلى ذلك عندك طيران أرامكو ..
برنامج ال PDP يتمنونه الناس ..
هذا رأيي فقط لا غير .. الله يوفقك و يقدم لك إلي فيه الخير ..

 

اللي ودي أقوله ان ارامكوا امان وظيفي واقتصاد الدولة عليها
ولفت انتبهاي انك تشتغل مع شركة مملوكة لصندوق الاستثمارات
لو تكرمت ودي اسألك عن صندوق الاستثمارات اذا ما عندك مانع
هل انت توظفت من خلال برنامج الصندوق الاستثمارات لان جاني اتصال من المعهد البريطاني لتحديد موعد اختبار انجليزي مدعوم من صندوق الاستثمارات وابحث عن معلومات عن برنامج صندوق الاستثمارات

 

و عليكم السلام، أولاً مبروك و اسأل الله لك التوفيق و للجميع، أشوفك إنك حالياً فيه مكان يعتبر ممتاز مقارنة بالسوق في الوقت الراهن، أرامكو معروفة مميزاتها و مسارك الوظيفي واضح إلى حد كبير على عكس العمل في شركة حكومية، علاقاتك و عملك و خبرتك و معارفك خلال عملك الحالي راح تفتح لك أبواب كثير خصوصاً إن ضخ الأموال في الرياض أكثر مقارنة بالأماكن الثانية، و الشركات الحكومية و الخاصة أغلبها مقرها هنا، لو كنت مكانك حتى لو بيئة العمل نوعا ما هي مريحة راح اتحمل مقابل سنتين أو ثلاث خبرة و التنقل راح يكون أسهل بإذن الله. رأيي البسيط و أتمنى للجميع التوفيق.

 

وعليكم السلام ورحمة الله وبركاته

من كلامك واضح انك حاب تستقر، وهذا شي حلو بس شخصيا اشوف ارامكو افضل لك.

مافي مانع انك تبتدي حياتك الوظيفية في مدينة جديدة وتبعد عن اهلك شوي لهدف واحد وهو تطوير نفسك واكتساب خبرة.

كحديث تخرج من الاشياء الاساسية اللي تنظر لها في العرض الوظيفي هي الراتب ثم الراتب ثم الراتب، هذا لايعني بأن الاشياء الثانية غير مهمة، بل مهمة ولكن تتعب في البداية وتضحي ببعض الامور وترتاح بعدين، وممكن تحصل لك نقل بالرياض عند اهلك.

في ارامكو طبعا في الظهران، راح تحتاج انك تحجز من نفسك على الاغلب بسبب ان الويكند عادة طيران ارامكو يكون محجوز للمناطق النائية، بس مع الوقت راح يجيك اساينمت في منطقة نائية وعندك طيران ارامكو كل ويكند يمديك ترجع لاهلك.

 

خبرة 5 سنوات ارامكو بتخليك ترجع الرياض ب سي في قوي جدا وفرصتك للحصول ع وظيفة افضل مستقبلا بتزيد . اسم ارامكو يظل له وزنه بالسي في

وبعدين دام الديبارتمنت بالظهران اشوف افضل من تكون بمنطقة نائية فماراح تخسر حياة اجتماعية . واللي جاب لك الوظيفة ذي وانت فرش بيجيب لك افضل منها دام عندك خبرة ارامكو هذا غير ان ارامكو متواجدة بالرياض بعد فممكن فيه فرصه تكون عند اهلك

بالتوفيق

 

لا تستعجل ولايغرك اسم ارامكو
اهم شي القسم حقك والباور سيستم معروف وممتاز. بس تاكد انك بالظهران لان ممكن يرسلونك تأهيل باقسام ثانيه سنه او اكثر وتكون بمحطات او كذا
السوال يمكن انت خمسه اسابيع للحين مافيه شغل بس شوف مهندسين الخبره معاك كيف وضعهم؟؟؟
اذا وضعهم مشي حالك ولافيه تطوير ولا تحدي اسحب عليهم وروح ارامكو لانك بذا الوقت تبحث عن خبره قويب باول. عشر سنوات تمون قاعده قويه لك

وبقولك شي مهم ارامكو وجودها بالسيره الذاتييه حقتك تأهلك لاي شركه وبعرض قوي صدقني.. وخلي علاقتك مع شركتك الحاليه حلوه لو بترجع لهم بعد سنه او اكثر بعرض حلو بعد ارامكو..

انت مهندس وخبرتك اهم شي، بعد فتره القيمه للخبره مو للشهاده...
وروح الرياض كل ويكند ازين ماتتيسر