استشاره بخصوص عرض وظيفي من سابك

أعتقد انه طبيعة عملك مهندس صيانة .. أنصحك بقبول العرض .. شركة ابن زهر ما اعرف عنها شي ولكن اعرف انه شركات سابك كلها نفس المميزات ..

عموما بما انه معدلك اقل من 3 انا اشوف انها فرصة لك وخبرة .. واستخير ربك وبالتوفيق

 

هذا العرض الطبيعي للمهندس الجديد
أعتقد بيعطونك قريد عشرة ، اقبل وتوكل على الله والف مبروك

 

RCM=
Reliability centered maintenance

طيب يا شباب كيف المسمى الوظيفي وكذلك شرايكم في RBI =
Risk-based inspection

 

م. مكيانيكي
اول شي الف الف مبروك
ثاني شي انا انصحك تقبل العرض الوظيفي اللي جاك
لان سابك تعتبر في القمة من ناحية الرواتب والمميزات
وشي بيدك لا تطيره هذا اول شغلة


عندي سوال بسيط
العرض جاك اليوم والا امس ؟؟

 

سابك تختلف مميزاتها من شركة الى شركة

وليست كلها نفس الشي فيه شركات زينة وفيها تطوير وظيفي

وفيه شركات سيئة والتطوير فيها سئ

 

^
^

ليس الشركه ... وأنما القسم نفسه .. يعني الشركه الوحده فيها أقسام زينه و اقسام خايسه ..

ْ,~ عموما لو تاخذ الأفرج سابك تعتبر كويسه جدا ~ ,


+


ماشاء مبروك يالغالي ..

اي والله أنصحك تقبل العرض و توقع العقد معاهم ,~

مسماك الوظيفي ممتاز ,~

الى الأمام وعقبال الجميع

 

الهندسة لعبتي ..

عفوا وش قصدك بأن سابك تختلف مميزاتها من شركة لشركة .. المعروف انه الرواتب والبدلات والمزايا وحدة ؟؟

ياليت توضح قصدك ب معنى المزايا بالتفصيل ؟؟ .. وياليت تذكر الشركات الزينة والسيئة بنظرك ؟

 

بالنسبة للرواتب اوكي وحدة

لكن بالنسبة للتطوير الوظيفي والدورات تختلف

 

طيب ياليت تحدد الأفضل والأسوأ بنظرك ..

 

^

انا اشوف ان التطوير من ذات الانسان يعني لو دخل الشركة
يروح يستفيد من خبرات الاشخاص اللي معهم خبر 5 سنوات وانت طالع
يعني كثير سمعنا ان بعض الشركات ما تطور الموظف ويوم دخلوا الشركات تطوروا
بشكل رهيب لان احيانا تسال لك شخص هو نفسه ما هو مشتهي التطوير في الشركة
ويقولك مافيها تطوير وتسال ثاني بقسم ثاني ونقوله كيف التطوير ويقولك ابدااع
ونروح نمدح القسم الفلاني ونسب الثاني علشان هالكلام

وهذي وجهت نظر فيني خاص

 

ممكن توضح كيف تكون الاستفادة من خبرات الى معك.
خصوصاً الى مطولين في الشغل.

ودنا نتوظف واحنا عارفين

وشكراً لك

 

مبرووك لك

بس اخوي ممكن تسآلهم هل انتو تردو بالرفض ولا لا ؟

لاني انا برضو سويت وللحين ماردو


وبالنسبه لابن زهر سألت واحد يشتغل في سابك قال لي هو مايعرف الا انها ماهي لسابك بالكامل

في شريك معهم وهذا افضل لان سابك عندها توجه لتخفيض التكاليف بس لمٓن يكون في شريك

الشريك بيفرض سياسته ، هذا على حسب كلامه

وشكراا

 

.. معلوماتي حقيقه قليله بـ هالمسمى ولكن اللي يقولك مافيه تطوير ماعنده سالفه

هالمسمى الوظيفي يصلح للميكانيكل يعطي خبره بسرعه و قسمك هو المسؤول عن سلامه التوربينات و البمب و باقي الوحدات داخل المصنع .. اذكر لما كنت أطبق في سابك كان فيه أجتماع مرتين الى ثلاث مرات بالأسبوع بين قسم الصيانه و الأوبريشن .

وكويس أنك تبدأ في هالمسمى عشان يعطيك خبر سريعه وانتا عارف انك ما راح تظل بـ هالبوزشن الى الأبد مع الوقت راح تترقى و تتطور أن شاء الله ,~

عموما انا ما أشوف في سبب ولو بسيط يخليك ترفض العرض .


وترا السينير مانجر اللي شخصيته قويه و قياديه يخليك في سابك يخليك تتطور بسرعه يبعث الموظفين الي تحت يده

دورات الى اوربا وشرق اسيا كل فتره .. توكل على الله

 

انا عارف ان اغلب الشعب يعتقد التطوير في الدورات
احيانا الدورات تضاف لك بالاسم وليس بالفائدة العملية
لكن لما تحتك مع الشباب اللي عندهم خبرة وتحاول تاخذ
وتعطي معهم بتزيد خبرتك العملية ومنها بتزيد قيمتك في السوق

وهذه دايم تلاحظها في الشركات تلقى واحد دايم يسالونه الموظفين ويالجون له
وواحد ما يدري وش السالفة مع انهم بدو بنفس الفترة

هذا اللي اقصده

 

الله يوفقك، استخر وتوكل على الله في نظري العرض جدا ممتاز.


الغريب البيسك في سابك غير واضح، ناس تقول ١١٥٠٠ للي معدلهم فوق ٣، وناس تقول للي فوق ٢.٧٥!

*اللي عنده الخبر اليقين في هالمسألة لا يبخل علينا.

موفق يا راعي الموضوع..

 

الخبر الاكيد
انا جاني عرض بيوم المهنه اللي بالترم الاول

معدلي 2.8
الاساسي 11500

 

الكمكل + الالكتركل + ميكانكل + السيفيل (مو اكيد السيفيل بس توقعي لأنه technical major) :

11000 : الي معدله اقل من 2.75
11500 : الي معدله اعلى من 2.75 واقل من 3.5
12000 : الي معدله اعلى من 3.5


باقي التخصصات الهندسيه والعلميه (اندستريال + اي تي + كيمستري وغيرها) :
10500 : الي معدله اقل من 2.75
11000 : الي معدله اعلى من 2.75 واقل من 3.5
11500 : الي معدله اعلى من 3.5