استشاره وماخاب من استشار

ما اتمنى اي احد يستسهل دروب السمستر , خصوصا في بداية المشوار لانه يمديه يعدل بعدين بكل سهولة
انصحه يكمل وقوله باقي مواد كثير يقدر يعدل فيها ويرفع المعدل , لو يقدر يطلع ب سي او دي بلس حتى هذا شيء كويس , خليه يعرف ايش المشكلة بالضبط هل هو تهاون وعدم جدية , يعني ما سوا اللي عليه , ولا مشاكل ثانية ؟
نصيحة خليه يحاول يشد حيله وقله شيل فكرة الدروب من راسك أبداً , التأخير مو سهل وسيء والله الا لظروف قوية صحية مثلا او نفسية .

 

والله شف الدروب هو اخر حل وما انصحه اني يحذف الا هو وعارف وش السبب الي خلى مستواه سيئ هذا السمستر
لأن لو سبب الحذف بس ان درجاته سيئة فنسبة مب قليلة من الي يحذفون اول مايرجعون وبعدما يجيب درجة سيئة في واحد من المياجر يفكر بالدروب ويصير الدروب شيئ عادي بالنسبة له
اذا كان السبب ظروف عائلية او شي فخل يحذف ويقدم اعادة قبول ويذكر هذ الشيئ في خطاب عشان يرجع في الصيف

.. + الدرجات زفت لكن ماحددت كم يعني ؟
لو ان درجاته حيل نازلة يعني مثل 10 من 100 في الميجر الأول و الميجر الثاني 35 من 100 في هذي الحالة ما الومه اذا فكر بالحذف لأن لو هذي حالته في كل المواد فأحتمال معدل اقل من 1 وديسميس ..
فاذا ماعنده مشكلة خل يذكر درجاته يمكن هو يفكر درجاته سيئة لكن ماهي بذيك السوء الي يتصوره

 

والله نصيحتي له بما انه اول سمستر انه يحذف الترم

شينه انك تبدأ بمعدل نازل، بس اهم شئ انه يحط براسه انه يشد حيله وما يخلي اللي صار اول يصير له مره ثانيه بعد ما يرجع

اذا معدله للترم تحت 1.75 راح تنقطع عنه المكافأه واللي تعتبر ك صدمه خصوصا انها تقعد مقطوعه اقل شئ ترم الين يحسن من معدله

ما فيه وورنج ولا شئ وان شاء الله يتم اعاده قبوله بسهوله

 

إذا حاسس إن المعدل بيكون أقل من 2 بكثير، أو بيرسب في مادة أحسن له يحذف.
بعدين إذا ما هو هذا مستواه يمديه يرفع المعدل بعدين.. هذي 13 ساعة فقط من أكثر من 130 ساعة. أنا أشوف حتى لو يجيب معدل 1.8 و لا يحذف.

 

اذا بتاخذ اف في اي مادة او معدلك حيكون اقل من 2 نصيحة احذف ! روح ارتاح وراجع نفسك وشوف ايش المشكلة

اما انك تكمل وعندك انذار ولا راسب في مادة او الاثنين مع بعض وتقعد تشيل همهم وزيادة ضغط عليك مالو داعي

 

احذف احسن، لكن بصراحة لازم يعرف أنه في حالة كارثية، 15 من 100 في ميجر ماث 101 دليل أنه ما له أي علاقة بالدراسة ولازم يذاكر ويشد حيله لأنه ترى محد بينفعه بعدين

 

معليش ع التدخل بس لفت انتباهي انه بعضكم قال لو راسب بماده احذف... أنا ضامن الf بماده ولكن باقي المواد الحمدلله كلها ممتازه هل هذا بيأثر علي بما إنها مادة وحده فقط ؟ مع العلم معدلي حلو مو عالي مره ولا منخفض بالوسط

 

احسبها تقريباً كم بيكون معدلك للفصل لو أخذت f في ذي المادة. يعني ممكن انك ترسب بس معدلك يضل 2.4(فصلي) مثلاً في هالحالة حرام تحذف عشان مادة وحدة بس.