استفسارات عن ابتعاث ارامكو

الموضوع في 'الطريق إلى جامعة الملك فهد للبترول والمعادن' بواسطة khaled_3, بتاريخ ‏24 أغسطس 2016.

  1. #1 khaled_3, ‏24 أغسطس 2016
    آخر تعديل: ‏24 أغسطس 2016
    السلام عليكم .. عندي عدة استفسارات عن ابتعاث ارامكو (برنامج CDPNE)

    باقي لي سنة واتخرج من الثانوي ، ولله الحمد نسبتي في الثانوي 98% و القدرات درجة فوق ال95 يارب لك الحمد والتحصيلي السنة الجاية بس بأذن الله درجة ما تقل عن 80 ،

    الي فهمته من انك اذا انقبلت بالبداية تختبر اختبار انجليزي ورياضيات وكيمياء وفيزياء يعني اتوقع كل المواد العلمية .. طيب كيف هو الأختبار هل هو صعب؟ وكيف اذاكر له يعني من كتب الثانوي ؟ ولا كيف ؟

    وهل راح يتختارون لك التخصص؟ ناس تقول ايه وناس تقول لا

    وحاب استفسر هل كل سنة يفتحون الابتعاث بتخصص هندسة كهربائية ولا لا ؟ لاني كنت افكر بسابك ولكن للاسف ما طلبو هندسة كهربائية ..

    ووش رايكم عن البرنامج بشكل عام هل هو ممتاز ؟ ومميزاته؟

    للأمانة اعجبني جدا البرنامج لكن خايف نوعا ما من الصعوبة يعني في السنة اللي راح ادرسها في الظهران يقولون كلها انجليزي واذا نزل معدلك عن 2.5 طرد.. وايضا راح يفهمونا ويأهلونا لأختبار ايلتس بحكم اني اغلب الجامعات اللي برى تطلبه .. هل الاختبار صعب ؟

    واذا ابتعثت هل راح اعاني بشكل كبير من ناحية اللغة ؟ انا في الانجليزي الحمد لله كويس

    وهل اذا رجعت وتوظفت مثلا في الدمام هل النقل للرياض سهل؟ او ياخذ وقت ؟

    بشكل عام تنصحوني في البرنامج ولا لا؟ خصوصا اني راح ابعد عن الاهل عدة سنوات ..

    اعذروني على كثرة الاسئلة ..
     
  2. اولا اتمنى لك القبول

    ثانيا اختبارهم على الرياضيات 40 سؤال(حاول انك تراجع كل شي اخذناه بالثانوية) وانجليزي 90 سؤال(ما اظن راح تواجه صعوبه بالانجليزي)

    بعدين اذا انك من المقبولين راح يخلونك تختار 8 تخصصات وعلى حسب درجتك باختبارهم يعطونك التخصص(مدري اذا يدخلون التحصيلي والقدرات في التفضيل على الرغبات في التخصص)

    وفيه جميع المعلومات المتعلقه بالبرنامج (التخصصات و المميزات ) بموقع ارامكو

    وبالتوفيق
     
  3. يعطيك العافية ..
     
  4. انا حالياً طالب في ارامكو CPC
    القبول فيها جدا صعب ويعتمد على اختبارهم بنسبة كبيرة جداً ( 40 سؤال رياضيات صعبة جداً + 28 سؤال فيزياء وكيمياء ماهي ذيك الصعوبة اذا كنت فاهم الاساسيات + 94 سؤال انجليزي وهذا اهم شي ، الانجليزي ينقسم الى ٤ اقسام قرامر و كلمات في وسط جمل يسألك عن معانيها يعني تستنبط المعنى من الجملة و ريدنق " قراءة" وهم الاصعب وعليها اسئلة كثيرة ، حاول تتدرب على الريدنق اكثر شي لان المستوى المطلوب جداً عالي والاسئلة فيها لفات كثير )

    طبعاً اختبار القدرات له نصيب في القبول اهم اقل شي يقبلونه 85 ( انا جبت 91 )

    بعد ما تنقبل يعطونك التخصص حسب آداءك في الاختبار وترتيب رغباتك ، اذا ما اعجبك التخصص فيه امل انك تغييره بعدين كثير اعرفهم غيروا وانا منهم حتى في اول اسبوع دراسة وبعد توقيع العقد .
    هندسة كهربائية موجودة اكيد لكن الطلاب متزاحمين عليها واغلبهم حطها رغبة اولى ( حتى انا ) وارامكو ما تحتاج التخصص هذا كثير جداً عشان كذا القبول فيه صعب
    اكثر شي تحتاجه ارامكو جيولوجيا + هندسة بترول ، اذا حطيتها من الرغبات الاولى احتمال تجيك على طول .

    اختبار التحصيلي غير مطلوب ( بس ممكن في بعض الحالات يأخذونه للمقارنة بين اثنين متعادلين في الدرجات )

    رأيي في البرنامج جداً ممتاز طبعاً للي يبغا يشتغل في ارامكو ويضمن الوظيفة ويختصر المشوار
    بالنسبة للصعوبة ما اقدر احكم لاني مالي إلا شهر بس ، لكن اعتقد ان الناس يبالغون
    اختبار الايلتس اهم شي وهو من متطلبات النجاح من cpc لازم تجيب الدرجة الي طلبوها منك ( مثل اختبار التوفل في جامعة البترول لازم تجيب الدرجة عشان تعدي التحضيرية )
    طبعاً فيه كورس كامل مخصص للايلتس حصتين كل يوم اكيد يفيدك + ارامكو تعطيك ٣ فرص تختبر ايلتس على حسابها
    بالنسبة للنقل هذا يعتمد على الادارة الي توقع معها وعلى تخصصك لان بعض التخصصات مجال عملها مناطق محددة
     
    • x 3 إعجاب إعجاب


  5. الله يجزاك خير افدتني كثير ، طيب ما عندك معلومة عن المكافئة يعني في السنه اللي بالظهران مكافئتك 3500 على ما اعتقد طيب واذا ابتعثت برى كم بتكون تقريبا ؟ ومن ناحية السكن اعتقد ان فيه سكن بالظهران للي بالبرنامج هذا بس كيف نظام الغرف هل لازم 2 في غرفه؟ والحمامات كيف مشتركة ولا كيف؟ اسف اني كثرت الاسألة لكن والله ودي ادخل البرنامج وبنفس الوقت محتار وانا في آخر سنة ثانوي فلازم اعرف وش بدخل ..
     
جاري تحميل الصفحة...

مشاركة هذه الصفحة