استفسار بخصوص مكالمة التقييم من ارامكو

السلام عليكم.
سجلت في المنتدى وحابه اعرض تجربتي مع ارامكو وياليت اللي عنده اي رد ممكن يفيدني لا يبخل عليا وبذلك اكون شاكره لكم.
في البدايه بعيد عن التخصصات الهندسيه لانه حسب تصفحي في المنتدى اغلب الاستفسارات والردود عنها انا تخصصي علاقات عامه سجلت في موقع ارامكو في يناير وفي شهر جولاي تم التواصل معاي على الايميل من الدايركت هاير بخصوص اني اجاوب على بعض الاسئله وتم الرد عليها وبعدها على طول اتصلوا عليا لحضور مقابله في الظهران بتاريخ 24 جولاي مع قسم Corporate Affairs والوظيفه كانت Public Relations Representative II وفي تاريخ 28 جولاي جاني ايميل بالرفض من الاوتوميشن مانجر والحمدلله على كل حال شلت موضوع ارامكو من بالي الى هذي الفتره 12 نوفمبر جاني زي البعض ما جاهم ايميل من الدايركت هاير بتحديث المعلومات وتم ذلك اليوم صباحاً جاني اتصال من الموظفه تطلب تقييم لتجربتي كامله مع ارامكو وهل كان عندي وقت كافي للسفر وحضور المقابله علماً بإني من الغربيه وطلبت مني تقييم اللجنه اللي قابلتني والتزامهم معاي بالوقت وتقييم الموظفه اللي اتواصلت معاي اثناء المقابله فاللي عنده علم هل هذا الاتصال يعتبر بالنسبه لي شخصياً غير مفيد ؟ انا في الحقيقه استغربت من الاتصال اتوقعت حيكون شي يفيدني او على الاقل مقابله ثانيه بس الحمدلله .. لطفاً لو في احد مر عليه اتصال كذا ياليت يكتب لي