استفسار عاجل ياجماعهMENA Business Investment Group

يبونك تحمل السكايب العادي
https://www.skype.com/en
وتحمل البرنامج اللي يفك الحجب عشان اتصالك يصير سريع.
بالتوفيق في المقابلة : )

 

نفس الشيء جاني اتصال منهم وأنت تحدد لهم موعد المقابلة
صراحة السكايب ما جربته قبل كذا
ياليت اللي عنده خلفية عن أسئلتهم وطريقة المقابلة يساعدنا

 

طيب موعد المقابلة اللي في excel form ويش نكتب ؟

 

MENA تقدر تقول انه مكتب توظيف وغالبا انهم كلموك بخصوص وظيفة بالمترو لأنهم ممثلين لعدد من شركات المترو, المقابلة غالبا بتسويها معك بنت اسمها ماريا(هندية) وبتكون هي مقفلة الكاميرا وتسألك أسئلة مثل وش تخصصك وليش اخترته وليه قدمت على وظيفة بمترو الرياض وفي أسئلة مثل الراتب المتوقع(مع العلم راتبهم كحد أقصى 10,000 فل بكج على كلامها) دوام 6 أيام بالأسبوع 8 ساعات(يعني 48 ساعه فما في اوفر تايم) وفيه أسئلة تقليديه مثل أول سؤال بيجيك تكلم عن نفسك وبتسألك وش نقاط قوتك وضعفك وأظن اخر سؤال كان وش بتقدر تضيف للشركة, ما أذكر جاني سؤال غير اللي ذكرت لك.

شخصيا كلموني على انهم ممثلين لشركة SENER بالمترو وقالوا اذا عديت المقابلة فيه مقابلة ثانية لازم تجي الرياض وتسويها بشكل شخصي(أنا من سكان الشرقية) وقالوا سواء قبلناك أو رفضناك بيجيك رد(ما جاء شي للحين) وانا ذكرت لهم ان الراتب ما يستاهل المشوره للرياض فقالت حاول تتفاوض مع SENER اذا ترشحت(كانت غلطة أفاوض عالراتب من بدري) وبيرسلون لك نموذج تعبيه معلومات شخصية واكاديمية + الراتب المتوقع(شخصيا جاني النموذج قبل المقابلة).

عموما المقابلة سهالات وما فيها أي تيكنيكال أبدا من تجربتي.

اضافة/ بخصوص السكايب أنا نفس وضعك وأسوأ لأنها كلمتني 9 الصباح وقالت احنا كلمناك قبل يومين وما رديت علينا وعندك المقابلة 12 الظهريناسبك وانا قلت ايه فقالت لي نفس كلامك سكايب و VPN وما عندي حساب سكايب, تأسيسه سهل بس بالايميل وانتهينا مب معقد أما الVPN دورت دورت وما حصلت و هوتسبوت ثقيل جدا فسويت المقابلة بدون VPN وما حصلت لي مشاكل لكن الأفضل انك تشغله لو عندك.

بالتوفيق.

 

مشكور الله يعطيك العافية و كلامك صحيح اللي كلمتني هندية اسمها ماريا وقالت فيه مقابلة بالسكايب( ما أدري أنا احددها او هم) وبعدها مقابلة تيكنيكال في جدة وقالت لازم توافق على كل شروطنا خصوصا ممكن فيه تدريب في اسبانيا قلت موااااافق

 

السلام عليكم

انا سويت المقابلة الشخصية عن طريق السكايب معهم الاسبوع الماضي والي سوتها معي ماريا هندية طبعا الوظيفة الي ترشحت لها كلنت سائق قطارات يمكن هذا الي قالولك عليه. يوم كلمتني ع الجوال انا طبعا رفضت من البداية لكن هي اصرت اني اسوي المقابلة بثاني يوم وقالت بعدين نتفاهم بخصوص الوظيفة لكن لازم نشوف الكاراكتاريستيك تبعي فقلت ماعندكم مشكلة. كلمتهم سكايب وشرحت لها من قبل لا تبدأ المقابلة اني رافض وظيفة سائق قطار كونها مالها علاقة بتخصصي نهائيا فقالت شكرا لانك وضحت انك مو مهتم لان العقد اذا وقعته لازم تلتزم معنا ثلاث سنين براتب ٦٠٠٠ فل باكج. قالت لاننا راح نرسلك لاسبانيا لمدة تسع شهور تسوي ترينينق على قيادة القطارات وراح نخسر عليك كثير عشان كذا سوينا العقد الزامي ٣ سنوات.
الشركة الي كنت بسوي العقد معهم اسمها ريفني اسبانية
بالتوفيق للجميع

 

أنا المسمى الوظيفي المعروض علي commercial operation manager صراحة ما أدري كيف بيكون العمل لكن بحكم إني ما حصلت وظيفة حتى الحين قلت أمشي معهم و أشوف أيش يصير . طبعا أرسلت لهم الملفات وحتى الحين ما جاني رد

 

الله يوفقك يارب لكن حاول تتأكد من العقد كم مدته وايش الاجراءات حقت الفسخ لو بغيت تطلع

 

كلامي زي كلامكم من الاتصال الاول الى مقابلة سكايب

بعدها ماجا شي ولا تريننق ولا اسبانيا ولا مسمى وظيفه ولاشي

وارجع اقول ١٠ الالف ريال :: لمهندس وبرا منطقتي و٦ ايام دوام :: قليله بس الله ييسر

 

مساء الأنوار .. طيب بعد مقابلة السكايب وش الخطوة الجاية

 

يرفعون أوراقك للشركة اللي عندها احتياج ويحددون اذا بيسوون معك مقابلة أو لأ

 

انا سويت المقابلة قبل ثلاث أسابيع تقريباً وللحين ما احد تواصل معي .. هم قالو نرفع اوراقك للشركة طالبة التوظيف وطلبو اوراقي ارسلها على ايميلهم وبعدها ماصار شيء

 

زيك لي شهر تقريبا ماتم الرد