استفسار عن اثر الحرمان على المستقبل الوظيفي

الي اعرفه انهم يسألونك عن السبب و اذا ما جاوبت عدل بتتكون نظرة سيئة عليك

على كل انت تجنب ال dn احسن لك

و بالتوفيق

 

طبعا الـ DN هو أسوا قريد ممكن يكون في سجلك

لكن مو معناه ان اللي اخذ Dn خلاص ما يتوظف

المهم المعدل .. لو معدلك عالي اي شركة راح تقبلك ان شاء الله

 

صدقني ماحد راح يطالع في سجل الدرجات
اهم شي المعدل والسي في

 

الي فات مات اهتم بالي جاي

الدي ان سيء بس الاسوء انه يتكرر

 

محد راح يدري انك اخذت حرمان الا خلال أو بعد المقابلة الشخصية ، فالمسألة بتعتمد عليك بالاخير

 

بالعادة بالمقابلة تجيب الترانسكبت معك (لانه مطلوب) بس ممكن تقول نسيت او تجيب لهم الـ detailed transcript
وواحد منهم يلفلف فيه ويشوف علومك

اتوقع دي ان واحد مو مشكلة
بس اذا اكثر بيكون مشكلة

هي بالنهاية تعتمد ع الشخص الي يسوي معك المقابلة

 

اذا عوضت ورفعت المعدل فما راح يكون له تأثير

 

يارجال سوينا مقابلات والله أهم شي السي في والوثيقة عشان يتأكد
الله يوفقك

 

انا جاني عرض نهائي من ارامكو رغم انه عندي DN ضيعني ايام الfreshman

ما سالو عنه بعينه، لكن في احد المقابلات قالي احد المقابلين:

I see that you did not have a good start during your time at the university and you were faced with alot of difficulties , but you managed to overcome them by the end

فعلا لانه معدلي طلع فوق كثير بعدها لانه الfreshman كان بحر الـCـيات وزيادة عليها DN و F في الSophomore
وطلب مني اني اعلق على الموضوع

لا تعطي الشركة الTranscript الا اذا طلبته، لكن خليه دايما في يدك. اذا طلبوه اعطيهم اياه ولا تحاول تتحايل


واهم شي

لا تياس،،

لا يجيك depression يخليك ما تذاكر وتخسف معدلك بعدها

اذا كان الDN السمستر هذا، ضروري تشد حيلك في بقية المواد عشان لا تاخذ Warning وينحط عليك hour limit السمستر اللي بعده

لا تضيع وقتك وتفكر فيه او تحاول تكلم الادارات في الجامعة عشان يتسامحو فيه لانه غير قابل للازالة

اذا كان معدلك جيد في نهاية المطاف ، ما راح تفرق كثير كيف وصلت له، بالذات اذا كان ادائك في تخصصك ممتاز

 

ترى هنا ما قليل يسألون عن تفاصيل درجاتك ،،

انا توظفت في ارامكو ،، ولا احد سأل عن الترانسكربت ..

الوضع جداً عادي // أهم شيء معدلك النهائي هو اللي بيفرق

الله يوفقك

 

طيب الdn في السنة التحضيرية شتأثيره؟
انا اخذت dn في الفيزيا والانجليز
وهل احضر الفاينل للفيزيا احين ولا شالسالفة