استفسار عن ارامكو ومقاولي ارامكو

إيه ممكن يتحول إلى regular ( موظف أرامكوا عادي) ... لكن فعلا ً في صعوبة.

وتعتمد على شغلات كثيرة.
مثلا ً....الشركة المقاولة ممكن توظف شخص شهادته ( أدب ) ويشتغل في ( الشبكات ) لصالح أرامكوا .... ويكون هذا الموظف شاطر جدا ً في المشروع .... لكن لما يجي يطلب هذا الموظف التحويل .....أرامكوا ترفض إنها تنقله أو تحوله إلى موظف أرامكوا...بسبب شهادته.


لكن لو جاك شخص شهادته هندسة كمبيوتر مثلا ً ... ويشتغل في شركة مقاولة مع أرامكوا ... وتحديدا في مشاريع كمبيوتر تخص أرامكوا.... فبالتالي إحتمال تحويل هذا الموظف إلى موظف أرامكوا عادي تصبح كبيرة جدا ً.

وردا ً على سؤالك ...في إنه أرامكوا ما تاخذ موظف من المقاول إلى بصعوبة ... مربط الفرس , إنه
شركات المقاولة في أوقات عرض الوظائف لا تنظر لتخصص الشخص بقدر ما تنظر إلى المهارات والخبرات الي مع الشخص.. وبالتالي توظف أشخاص بشهادات مالها علاقة بالشغل ... عشان كذا موظفوا ما يسمى بال ( كوتنراكت ) لما يجي يبي يحول ( ريجولار ) يجد صعوبة لأنه أرامكوا تشترط إنه
الشهادة الجامعية أو الدبلوم تكون Highly related to the field ....
هذا الكلام من واقع حالات ناس أعرفهم.

في أسباب كثيرة إدارية أخرى.

ويضاف لها وجود الوساطات والمحسوبيات.
وبالتوفيق للجميع.
​

 

أعرف شخص قريب لي كان موظف بمقاول مع ارامكو بأحد المشاريع .. والمهندس هذا كان ما شاء الله عليه شغال بضمير ومبدع في عمله وأخذته أرامكو بعد تقريباً 5 سنوات وأعطوه قريد عالي ما شاء الله ،، بس هل الكلام هذا ينطبق على كل الشركات ما أدري

 

تحويل الموظف من مقاول الى موظف ارامكو رسمي على يد المانجر
وليس هناك صعوبه في التحويل
بالعكس يقدر يحولك المانجر الى موظف رسمي حتى لو كانت خدمتك في المقاوله شهر فقط
بالنسبه لاليه التحويل اذا الاداره مبسوطه من الموظف المقاول يقدرون يحولونه

 

قريبي اعطوه قريد 15

 

قريبك تلقاه جلس فتره شغال مع المقاول يمكن حول 15 سنه

 

يبن الحلال أقول لك ما صار له خمس سنوات تقول لي 15 سنة!!
هو من تخرج للحين ما صار له 10 سنوات على بعض .. اشتغل في كذا شركة وتنقل بين المقاولين وبالأخير رسى على شركة وما ضل فيها خمس سنوات وطلبته أرامكو وراح لها بالبداية كان رافض لأن راتبه في أرامكو أقل من راتبه في المقاول ولكنهم عطوه القريد وسكتوه

 

يعني الي افهمه منك انه خبرته ما تعدت عشر سنوات وتوظف في ارامكو على قريد 15

اخوي تاكد من قريبك ما اعتقد انها قريد 15 قل يمكن اعطوه 13 علشان تتأكد اكثر اساله عن المسمى الوظيفي حقه لانه
ياخوي فيه ناس اشتغلوا اكثر من قريبك وتوظفوا في ارامكو على قريد 13
اذا كان الواحد توظف في ارامكو على طول وتقييمه في كل سنه ممتاز يبغاله اقل شي15 سنه لين يوصل قريد 15
بالنسبه لقريبك اما انه له معرفه قويه بالمانجر واعطاه هذا القريد او انه مع احترامي الشديد له قاعد ينصب عليك