استفسار عن التسارع (لدوافير الفيزياء)

اذا كان الجسم مقذوف لفوق يكون التسارع سالب لأن السرعة تتناقص والعكس في حالة رجوعه إلى الأرض يكون موجب لأن السرعة تتزايــد,,


ان شاء الله يكون التحليل صحيح,,

 

وعليكم السلآم ورحمة الله وبركآته
..

إذآ رآيح فوق سآلب وإذآ تحت موجب < هذي حقّت القرآفيتي

 

السرعة ( Speed ) دائماً موجبة
لكن الـ ( Velocity ) إنت اللي تحددها .. يعطيك مثلاً إتجاهها يمين فـ تروح تعطيها ( + ) أو تحت فـ تعطيها ( - ) وتقدر تسوي العكس .. يعني الإشارة هنا تحدد [ الإتجاه ] لا أكثر ..

 

+1 up

 

هو الفيزياء logical
يعني شيء تحس فيه
الآن انت جرب
ارمي القلم فوق بتشوفه يوصل لنقطة تكون سرعته معدومة يعني زيرو
ثم يبدأ يتسارع بالسالب للوصول إلى الأرض
وعكس العملية يعني لما نسوي دروب لقلم من فوق عشان ينزل تحت هو جالس يكتسب تسارع لما يوصل للأرض .
توضيح بسيط ان شاء الله فهمته ..

 

الفيلوستي والتسارع ممكن يكونون (+) وممكن(-)
يعتمد عليك انت..
يعني لو فرضت ان اللي رايح إلى فوق (+)..فـ اللي نازل تعطيه (-)
واذا فرضت اللي نازل (+) فـ اللي رايح لـ فوق تعطيه (-)
نفس الشي للـ يمين ويسار..

فقط لاا غير..

وبالنهاية الناتج ما يتغير سواء فرضت هذا أو فرضت ذاك..

طبعا اغلب الناس يفرضون اليمين والفوق (+)..واليسار والتحت(-)..

بالتوفيق..

 

بشرط انك تغير اشارة اللي عكس الاتجاه..وبكذا ما يأثر أبدا أبدا..
جيب مسألة عشان اثبت لك..

 

بعطيك مثال
سياره تمشي بسرعه 60 كم/ث
بعدها بـ ثانيه صارت السرعه 55 كم/ث
وبعدها بثانيتين صارت السرعه 50 كم/ث

تسارع السياره هنا يكون بالسالب مع ان السياره ماشيه بنفس الاتجاه
يعني مو شرط السياره تكون حاطه عــ الريوس ض1
هنا يكون التسارع سالب


والسالب ترا مجرد اشاره
تحطها للتفريق بين اذا كانت اكسلريشن او ديكسلريشن
يعني مالها اي دخل بالقانون ولا تعطيها بال..احسب حساب عادي وحط عالناتج سالب فقط لتوضيح انها ديكسلريشن

 

لاا عزيزي
الديكسلريشن يعتمد على اختلااف الاشارات ..يعني ممكن يكون التسارع(ماشي يمين) (+) لكنه دسكلريشن..لان الفيلوستي ماشية عكس(يسار)..

كذلك لو كان التسارع(-) والفيلوستي(-) هنا يكون عندنا أكسلريشن..


أتمنى انها وضحت..

 

يعني يالغالي اللي بمثالي ما يعتبر ديكسلريشن..؟؟؟

 

ايه دكسلريشن..بس تعليقي على نقطتك

..واللي شرحتها بالرد السابق..
أتمنى انها وضحت لك أخي..

 

شووف خيوو أنا مادري وش نووع المسائل اللي تجيكم لكن بصوره عامه عن دراسة إشارة التسارع

التسارع : هو سرعه إضافيه تضاف لسرعه الجسم العاديه . << تعريف مو موجود بالكتاب معرفه على حسب فهمي



إذاً هذا يعني عندما تقذف جسم إلى الأعلى من المفترض أنه يكسب تسارع إضافي

لكن والجسم بالهواء مازال مقذوف تلاحظ أن سرعته تتناقص إلى أن يصل إلى نقطه تنعدم سرعته

إذاً نعبر عن التسارع المكتسب والذي أدى إلى نقصان السرعه بإشارة السالب


أتمنى يكون الشرح المبسط واضح وأي خدمه أنا حاظر

 

صحيح إحنا اللي درسناه وتعلمناه في الثانوية إنو التسارع في المقذوفات الرأسية يكون سالب عند الطلوع لأنه بعكس اتجاه السرعة.. وموجب عند النزول لأنه في اتجاه السرعة.. طبعا التسارع هنا اللي هو تسارع الجاذبية..

لكن زي ما قال أخونا إن الدكتور لحس مخنا خخخخ .. بس فهمنا قصده في النهاية.. إنك تعتبر أي شيء اتجاهه لأعلى موجب.. وأي شيء اتجاهه لأسفل سالب.. وتسارع الجاذبية دايما اتجاهه للأسفل.. يعني دايما سالب..
هذا إذا كنت معتبر إن الاتجاه لأعلى هو الموجب والاتجاه لأسفل هو السالب.. لكن إذا بتعتبر العلوي سالب فحيكون الاتجاه لأسفل موجب.. وهكذا .. وتأكد إنو الناتج نفسه راح يطلع .... يارب تكون وضحت الصورة

 

اللي يطلع وينزل هذا الجسم..
التسارع له اتجاه واحد بس..
وتسارع الجاذبية دايما لـ تحت..
التسارع يكون ثابت إلاّ اذا فيه قوة مؤثرة..

 

يا اخوان اذا افترضت ان تسارع الجاذبية سالب فلا يمكن ان يكون موجب الا اذا جات الارض فوق الجسم

يعني الجاذبية الجسم طالع سالب والجسم نازل برضة سالب لانه ما تغير اتجاه الجاذبية يعني كانت الجاذبية لتحت يوم جاء ينزل الجسم برضه كانت لتحت يوم جاء يطلع ماتغير الاتجاه