استفسار عن تغير التخصص

وعليكم السلام ,
بخصوص ics لاتستعجل , واذا عزمت تحول فأعرف الفرق بين التخصصين ics + swe لأن عدد مب قليل من طلاب هالتخصصين يحولون بينهم .


موضوع التخصص ومستقبله , صعب احد يفيديك ويعطيك العلم الأكيد لكن اتوقع الهندسة المدنية بيستمر عليها الطلب خاصة مع المشاريع الكبيرة الي بتكون في 5 سنوات الجاية والقرار الجديد 10 % من موظفي المشاريع بيكونوا حديثي التخرج .

طبعا خذ في عين الاعتبار ان بعض التخصصات الهندسية عليها طلب لكن في نفس الوقت عدد الوظائف مايتناسب مع عدد الخريجين فتلاحظ التنافس فيها اكبر من التخصصات الي عدد خريجيها قليل . اما تخصصات الحاسب ماعندي فكرة عنها لكن سمعت ان بيكون فيه سعودة لبعض مجالات الحاسب خاصة في الجهات الحكومية . بس ياليت تبين على اي اساس حكمت ان بيزيد الطلب عليها عشان بقية الشباب يفيدونك اكثر .

وفي النهاية مثل ماقلت لك صعب تتوقع وضع التخصص و الوظايف بعد 5 سنوات , لأن الأمور تتغير يعني اذكر قبل ما ادخل الجامعة تقريبا كان تخصص هندسة البترول وضعه جيد وخريجيه يحصلون وظايف بسهولة نوعا ما , لكن في 2015 الوضع بشكل عام صار صعب على المهندسين وخاصة مهندسي البترول وبعضهم ضل سنة كامل بدون وظيفة .


بالتوفيق وان شاء الله بقية الشباب يفيدونك اكثر .