استفسار عن دوام بنك سامبا .. فرع الجامعة ؟!

هههههه أي انسب وقت الله يرضى عليك ^^
هم مآ يدآومون غير يوم السبت ..

واعتقد ( اعتقد ) أن دوآمهم يبدآ 8 وينتهي 2 ..

لكن مآ انصحك تكون بدآية أو نهآية الدوآم ( عآآدي مآ تلقآهم ) ..

فـ الآمن لك تجي على السآعه 10 كيذآ ..

ومآ أنصحك تفتح عند ذآ الفرع بيمرمطووونك . .

أنآ أول مآ دخلت الجآمعة رحت لهم بفتح حسآب .. قآلي الموظف خلاص
سجل اسمك ورقمك وحنآ ندق عليك بعد اسبوع بالكثير ..

وإلى يومك مآ دقوآ علي ^^ ..

أول مآ رجعت الديرة فتحت من هنآك مآ أخذ معي 20 دقيقة ..

فـ أنصحك لو منت محتآجهآ ضروري الحين اصبر لين ترجع لديرتك وافتحه من هنآآك

تفآديآً لإرتفآع الضغط وأمرآض القلب والشرآيين ههههه

بالتوفيق حبيبي

 

كلامك صحيح 100% انا قبل الإجازة رحت بفتح حساب قال لي سجل اسمك ورقمك الجامعي وعطاني موعد بعد شهر بالضبط
قلت له: وش دعوه شهر بتصنع طيارة
قال لي: في كثير غيرك ينتضرون إلى الآن
قلت له : طيب اقدر افتح حساب من اي فرع ثاني ؟؟
قال لي : لا ما تقدر مستحيل تفتح في اي فرع ثاني ولو رحت لفرع ثاني راح يرسلوك إلى فرع الجامعه

لكن توني ادري منك اخوي اني اقدر افتح في اي فرع

طبعا بعد إنتضار دام شهر كامل رحت لهم ومافتحو انتضرتهم من الساعة 10 إلى الساعة 11 وما جو

كلمت احد الموظفين على الرقم اللي على الباب
قال لي: اليوم ما فيه دوام
قلت له: طيب انا عندي موعد اليوم كيف تقول لي ما فيه دوام
قال: بما انه آخر اسبوع قبل الإجازة احنا اجلنا الطلبات إلى بعد العيد

واليوم رحت لهم وما فتحو >> وفي الصيفي كل يوم سبت اروح ومايفتحووون

انا اوافقك الراي في عبارتك "QUOTE=baby engineer;911236]
تفآديآً لإرتفآع الضغط وأمرآض القلب والشرآيين ههههه

[/QUOTE]"

 

افتح حساب من فرع ديرتك أصرف لك..

أنا فتحته من الديرة ولا أخذ مني ربع ساعة..

موفق

 

يا رجال ... تقدر تفتح حساب من اي فرع فالعالم ...

واقربهم اللي فالدوحه مجمع ناف

 

عدمه افضل من وجوده فرع الجامعة