استفسار عن قسم turnaround سابك

سلام عليكم اخوي سويت المقابله
ياليت تفيدنا

 

وعليكم السلام ورحمة الله وبركاته .. حسب خبرتي البسيطة في التدريب مع ارامكو بمصفاة راس تنورة اقدر اقول لك باختصار .. الـTurnaround هو عملية صيانة مجدولة او تجي فجأة للمصنع مثلا كل سنتين يسوون turnaround على بلانت معين لمدة شهر يتم ايقاف تشغيل المصنع وصيانته بالكامل ( كأنك تقول توضيب ) وطبعا يصير دوام المهندس في هذا الشهر شفتات ١٢ ساعه يوميا وبدلات بالهبل يجيك اكثر من ضعف راتبك نهاية الشهر.
بالنسبة لطبيعة عمل المهندس بيكون اشراف على اعمال الصيانة انها تتم على اكمل وجه ويكون معه اللاسلكي يوجّه العمال ويعطي تفاصيل عن كل شي جالس يصير للسوبرفايزر.
لكن في حال مافيه اعمال صيانة انت طول الفترة شغلتك انك تشوف الآلات اللي تحتاج صيانة وقت ايقاف تشغيل المصنع وتسجلها وتسوي لها شي اسمه Scope of Work بحيث انه يتم جدولة صيانتها في اقرب ايقاف تشغيل وهذي الاعمال تسمى ( Turnaround & Inspection ) او (T&I Activities) اقرا عنها ، وترا القسم ممتاز جدا واذكر ان المناصب في راس تنورة كانو اغلبهم (T&I) وانت استخير واذا احتجت ملفات بهذا الخصوص انا حاضر وبالتوفيق.