استفسار عن مؤسسة النقد

السلام عليكم ورحمة الله وبركاته ,,,


اخواني الله يرضى عليكم , أي احد موظف بمؤسسة النقد او يعرف احد متوظف , او عنده معلومات كثيرة عنها ,, ضروري يجيني بالخاص , والله اني في حالة يرثى لها , ابي استفسر عن شي ضروري جدا جدا جدا لايحتمل التأخير ,,,


تكفوون يالنشاما ,,​

 

اي والله الى الحين جاني عرض من شركة لكن متواضع جدا ومحاسب , وكل الدعوة سعودة ,,,


لكن البنوك يطلبون فايننس كثير , لكن المشكلة في البنوك الربوية ,,,

 

وياك يالغالي , لكن مابعد قبلوني ,,,

ان كنت من خارج الرياض , اتوقع هو سبب عدم ردهم لك , لانه يهمهم انك من سكان الرياض , مجرد توقعات , والأمور في مؤسسة النقد معقدة خصوصا مع المحافظ جديد , واصبحت عملية التوظيف معقدة

 

ياشباب , من اللي قدم عليهم بيوم المهنة وسوا الاختبار والمقابلة؟ ,

انا كلموني قبل اسبوع إدارة الإستثمار وقالوا اللجنة رشحتك للقبول واخذوا رأيي بالموافقة او الرفض , وعطيتهم الموافقة , وقالوا بنرفع الأوراق للمحافظ عشان يوقعها <<<<هل الإجراء هذا روتيني ومعناتها انا مقبول نهائيا والا باقي خطوة اخيرة ؟؟!! المشكلة اتصل عليهم ولا أحد يرد وحاولت كثير ,,,


المشكلة انا متورط ومحتار جدا ,,, جاني قبول من شركة ممتازة وقوية , وبراتب مغري ومميزات حلوة وبرنامج تطويري وقالوا لازم بكرة ترد لنا أقصى شي , واخاف ارفض الشركة , ومؤسسة النقد ماضمنتها ويرفضوني بعد ّ!!,,

فيه احد عنده علم أو خلفية بالشي هذا ؟

والله اني محتار جدا

 

بخصوص مؤسسة النقد، قدمت عليهم بيوم التوظيف بجامعة البترول، وجاني ايميل منهم بعد اسبوعين، يفيدني بموعد الاختبار في مقر المؤسسة بالرياض، ،

طبعا كانوا مقسمينا لمجموعات، كل مجموعة لهم اختبار معين، انا حطوني بقسم حسابات الاستثمار واختباري يختلف عن المجموعة الثانية على سبيل المثال قسم عمليات التمويل والسيولة، ،،

الاختبار كان نصفه انجليزي وعربي وكان خيارات، بعض الاسألة عامة واكثرها في التخصص، انا تخصصي مالية لكن جتني اسألة كثيرة في المحاسبة، وبعض الاسألة نظرية واكثرها حسابية، ،،،

طبعا بناء على نتيجت الاختبار يفرزون الاعلى في النتائج ويستدعونهم للمقابلة، طبعا قسم حسابات الاستثمار اختاروا 5 فقط، مدري عن الاقسام الثانية، ،، المقابلة كانت مع لجنة من 5 اشخاص، وكلهم مدراء، وكانت مدتها 50 دقيقة، وكانت جميلة جدا واكثرها نقاشات وفيها اسألة بالتخصص لكن بسيطة، طبعا المقابلة عربي، وتعرفون اسألة المقابلة الشخصية المعروفة، ،،، بعدها بشهر ونص ردو لي بالقبول، ،لكن الى الحين معلق، ولا ادري مقبول قبول نهائي والا لا، لانهم قالوا بنرفع اوراق الترشيح لمعالي المحافظ عشان يعتمدها، والى الان ماصار شي.....


بخصوص الشركة، هي شركة املاك العالمية للتطوير العقاري، قدمت عليهم بلينكد ان، وكان على برنامج مخصص لحديثين التخرج واول مره تسويه الشركة، ويبغون فقط 4، الحمد لله سويت مقابلتين معهم وقبلوني، ولازم بكرة اعطيهم القرار النهائي، البرنامج هذا مثل مدراء المستقبل، والراتب خلال البرنامج 12000 وشوي، وبعد ماتنتهي من البرنامج تثبت على القسم اللي تبيه ويرتفع راتبك 10 في الميه، ،،

طبعا حسب كلام مدير الموارد البشرية انهم بيفتحون التقديم مره ثانية على البرنامج في شهر 5 ميلادي تقريبا وبيكون العدد اكبر من المرحلة السابقة، ،،

المشكلة ما اقدر اوقع معهم عقد واطلع منهم متى ما ابي، لانه بيكون فيه برنامج تطويري وتدريب، وبيدفعون مبالغ في المتدرب، واكيد اذا بتطلع منهم لازم تدفع تعويض لهم، ،،،،،