استفسار عن مقابلات الهئية الملكية بجازان

وعليكم السلام
لسى ما جاني رد، مقابلتي كانت يوم ١٤ ابريل
اول ما يجيني رد راح اعطيكم خبر هنا
الله يوفق الجميع يا شباب.

 

طيب هل أحد اتصل عليهم هل بيكون الرد قريب ولا بعد رمضان؟

 

اتصلت عليهم اكثر من مره وما حصلت رد. اعتقد الرد خلال رمضان ما اتصور يطول اكثر من كذا لكن اللي مافهمته منهم ليه بعد المقابلة يقولون الرد خلال اسبوعين!

 

UP

 

وعليكم السلام
لسى ما جاني رد، مقابلتي كانت يوم ١٤ ابريل
اول ما يجيني رد راح اعطيكم خبر هنا
الله يوفق الجميع يا شباب.

انا قد كلمتهم وقالو لسى ( الكلام الاسبوع الماضي)
قال اول ما تطلع النتائج راح يجيبكم رد بالقبول او الرفض.
اتوقع يبغى لهم كمان اسبوع إلى عشرة أيام.

 

اي جديد ي شباب؟

 

لسه والله، مدري عنهم هل يعطون أولوية لأهل المنطقة مثلاً؟ لأني من أهلها و ودي ما تفوتني ان شاء الله.

 

ماجاني اي خبر ... عايشين على الأمل الكبير... الله يكتبها لنا جميعاً ونكون زملاء عمل قريباً

 

أعتقد ممكن يكون فيه اعتبار لهالنقطة, الله يوفقك

 

باقي والله .. عسى ربي يكتب لنا اللي فيه الخير .. اليوم بنكمل ٣ أسابيع من سوينا المقابلات .. ان شاء الله الرد يكون قريب .. وربي يكتب لنا الخير جميعا

 

انا قالوا لي اسبوعين ونرد عليك ، باقي خمس ايام واكمل شهر. الصراحه المفروض انهم ردوا علينا. خوفك الواحد ينتظر ويتأمل فينا ع الفاضي. اسئل الله ان يوفقنا جميعا

 

عساه في كل تأخيرة فيها خيرة ، ان شاء الله يردون و تكون الأمور مرتبة للتوقيع و للمباشرة

 

@احمد27 على ايش مقدم بالضبط لاهنت؟

 

منسق تطوير إستثمارات صناعية ، وانت؟

 

نفس الشيء ، بس ذاك حقط علي المهندس الزهراني أسئلة و جلست ساعة مقابلة تقريباً ... سألني وش أفضل منتج ممكن تصدره المنطقة وانا قلتله بتروكيميكال و اكلني أسئلة

 

الصراحة غريبين، انا بس قلي تكلم عن نفسك وخمس دقايق قال خلاص.
عموما الله يكتب لنا اللي فيه الخير

 

لا بس يعني استقعد على بعض الأمور زي ارامكو يقول ليش ما تروح لها، طيب اذا جاك عرض وش بتسوي ، طيب هل ودك تشتغل مستشار و أسئلة كثيرة والله ...
لكن متفائل خير بإذن الله وعسى الله يكتب خير لنا ولك

 

إن شاء الله ما عاد يطول ردهم .. بإذن الله .. أنا مقدم على مهندس كهرباء ومعدات وكانت مقابلتي ربع ساعة تقريبا .. كانت أسئلة عامة .. كانت المقابلات متفاوتة .. يعني في أقسام ثانية كانت مقابلاتهم طويلة . عموما عسى الله يسمعنا الأخبار الطيبة قريييبا..

 

هل أحد كلمهم يا شباب الاسبوع ذا؟

 

انا كلمتهم قبل اسبوع وكان لسى، ياليت أحد الاخوان يدق عليهم اليوم ويعطينا العلم عن النتايج هي قبل العيد أو بعد؟
رقمهم موجود في الصفحة الثانية.
بالتوفيق جميعا