استفسار عن مقابلات الهئية الملكية بجازان

انا كلمتهم الخميس اللي فات قالوا بكل الحالتين بيجيكم مسجات اما بالقبول أو الرفض. شي غريب ما ادري ليه يقولون الرد خلال اسبوعين والموضوع ياخذ شهر. الله يوفق الجميع يارب!

 

هم ياخذون شهر وأحيان اكثر حسب ما لقيت مكتوب في بعض المواضيع المطروحة بخصوص مقابلات الهيئة الملكية لموظفين ينبع كان عندهم مقابلات العام الماضي نفس وقتنا وما جاهم الرد الا نهاية رمضان وبعضهم ما جاهم رد الا بعد العيد.

 

صبحكم الله بالخير شباب .. لا هنتوا يا ليت اللي يكلمهم أو يجيه رد يبلغنا .. أسعدكم الله جميعا..

 

اي والله اللي تواصل معهم يعطينا خبر. الله يهديهم وترونا

 

اي والله وترونا .. لا رد ولما تكلمهم يقولون انتظر..

 

اللي له نصيب بياخذه يا شباب لا تستعجلون... الله يوفقني وياكم.

 

طولت السالفة مررة
ان شاء الله يردون هذا السبوع على الاقل نعرف وش وضعنا مو كذا معلقين!!

 

اسعد الله صباحكم ي شباب. انا اقول خلونا كلنا اليوم نكلمهم عساهم ينتبهون ويتجاوبون معنا ويعطونا النتايج وما يعلقونا اكثر. واللي يصير معه شيء يعطينا خبر.

 

صباح النور .. اي والله يبغالنا نكلمهم ونشووف .. بنكمل شهر الحين تقريبا ..

 

ي اخوان استفسار
اذا كانت الشركة حقتي فارضة علي ٦٠ يوم فترة اخطار
هل الهيئة راح تاخذ عدم قدرتي علئ الحضور لها ب ٦٠ بعين الاعتبار
ولا راح تشوف مرشح من الاحتياطي ؟!
استفسار ثاني
هل لو قبلت الهيئة ال٦٠ يوم و كانت هال٦٠ يوم تكملي فترة ٦ شهور اضافية للخبرة
هل راح تحسبلي الخبرة ولا يتم احتساب الخبرة من يوم توقيع العقد و عدم دخول فترة ال ٦٠ ضمن الخبرة المحسوبة ؟
و شكرا

 

سؤال جدا مهم لان الهيئة تحتسب 6 شهور خبرة بسنة .. اتمنى الافادة من الاخوان

 

هلا وسهلا .. بالنسبة لسؤال ال60 يوم فهو جاء في بالي بس سألت أكثر من شخص وقال يقدرون هالشيء. بالنسبة لفترة الخبرة.. فأتوقع تحسب لك الخبرة اللي قبل توقيع العقد فقط لأن الراتب راح يحدد بناء على الخبرة ومستحيل توقع عقد بدون ما يكون الراتب موضح .. فأتوقع والله أعلم إنها بالخبرة اللي أعطيتهم في وقت المقابلة..

 

دامكم دخلتوا بموضوع العقد فيه شي احتاج توضيحكم ياشباب فيه. هل العقد متجدد سنوي او دائم؟ ابي معلوماتكم عن طبيعة عقودهم الله يسعدكم.

 

طيب واهم شي موضوع الخبره. هل هي تنحسب من توقيع العقد ولا المباشرة اللي هي بعد ٦٠ يوم أو من تاريخ المقابلة. ياليت اللي عنده علم يفيدنا مانبي اتوقع نبي اللي عنده العلم يعلمنا لاهنتو

 

السلام عليكم .. كلمت الهيئة الملكية بينبع ونفس الكلام إنو إنتظر لين تجيكم رسايل .. الله يكتب اللي فيه الخير..

 

خبرة الست شهور بسنة هذي لكل وظايف الهيئة او كيف؟ أول مرة اسمع فيها

 

السلام عليكم . .

اخواني اليوم بكمل شهر من تاريخ المقابلة.. اتمنى اني ابشركم وتبشروني بردهم علي وعليكم. الله يسمعنا خير قريب.

 

الله يكتب اللي فيه الخير لنا ولكم . على حسب خبرتي تاخذ الهيئة شهر واسبوعين من اول مقابله للمشرحين الاوائل واللي مايجيهم بالقبول او الرفض يكونون انتظار لمدة شهر. ان شاء الله قريب الترشيح

 

يا جماعة ما جاكم رد؟ بشرونا تكفوووون!

 

للأسف ما جاني شيء للحين والله.