استفسار لمهندسين شركة موبايلي

قبل كذا وش تخصصك؟؟ ومن اي جامعه انت متخرج؟؟

موبايلي ممتازه احسن من سكيكو بكثير ولها مستقبل وعندهم مميزات احلى من ميزات قريد 48 الي عندنا بسكيكو يكفي بدل النقل حق البزران 600 وفل باكج 9600 راتب قليل بنسبه لمهندس خريج بترول مقارنه بسابك وارامكو مع غلى المعيشه الي حنا فيه..... اذا انت اداري روح موبايلي على طول اكييد راتبك لما بديت 6500 حد اقصى اساسي حتى لو انك متخرج من امريكا موبايلي كلموك علشان يسحبونك بعرض مغري لذا فاوضهم انا مره سالت موظف وانا اطلع شريحه وقالي هم يحطون ميزانيه لراتب يعني حد ادنى وحد اعلى ويجتهدون في المقابله ويعتبرونها انجاز اذا قبلت باقل شي حطوه لذا حاول تفاوضهم بنهم يعطونك اعلى حد ... ولو صيك حضر زيين ولاتقلل من خبرتك او تسب في الشركه (سكيكو وانت بكرامه اقصد) خلها محترمه علشان يعرفون انك مو سلبي لانهم مادقو عليك الا هم متيقنين انك تقدر تسوي كل اللي يبونه منك في الوظيفه.... وانتبه اذا فيه واحد من الموارد البشريه بالمقابله واسألك كم الراتب اللي تبيه لاتعطيه رقم؟؟ قوله الراتب الي اتوقعه يعتمد على طبيعه الوظيفه والمؤوليات وخبرتي والمهارات اللي راح اقدمها لشركه..

هذا دائما سؤال يستخدمونه علشان يصيدون المتقدميين ويشوفون كيف يفكر واحيانا تروح عليك الوظيفه بسبب السؤال هذا... ايضا لما تخلص المقابله لاتسئلهم اسئله قلهم انا ابي سؤال واحد و قبل السؤال قولهم انك انبسطت في المقابله ولك الشرف انك تكلمت معهم وانك مهتم تكمل معهم وتاخذ الوظيفه وقولهم اذا تكرمتو عطوني بطاقتكم الاعمال البزنس كارد الي فيها ايميلاتكم علشان يكون بينا اتصال... لما ترجع بعد المقابله بساعات ارسل رساله ضف فيها معلومات ماقلتاه بالمقابله واشكرهم وارسل شهاداتك او دورات بالسكنر علشان يشوفون قوه مؤهلاتك.... والله يوفقك مميزات موبايلي انا ماعرفها حييل اتمنى من الي اشتغلو فيها يساعدونك

موفقيين

 

الله يوفقك اخوي انا حبيت افيدك بالمقابله لان موبايلي مقابلتهم تف قويه بيسألونك سؤال؟؟

Why should I hire you???
انتبه منه وحضر له زيين

 

اول مايسالك لاتجاوب على طول ابتسم شوي ولاتصطنع الابتسامه حيل مره وخذ 3 الى 5 ثواني بعدها جاوب وقله

thank you about your concern, I should be hired because I am fair , creative, and hard working with commitment in my job responsibilities.

وانتبه من كلمه I think or I feel يعني لما يالك سؤال لاتبدا بجاوب بكلمات هذي لانها تضعف كل شي بعدها وتخليهم يشكون فيك .. فيه كتاب بجرير الخبر اسمه Interview secrets صغيير لونه اسود اذا امداك تقراه حلو بالانجليزي يفيدك جدا ويحضرك صح..

موفقيين وعقبالي يكلموني ياليت تقولي كيف قدمت؟؟انا مقدم اونلاين ولاحس ولاخبر بالرغم ان عندي خبره 7 سنوات بسكيكو اللكترونيات تخصصي وشغلي كله بالمحطات وكهرباء

 

Web Developer بالمحطات فيه بدل عن الشغل في المحطات؟ بدل السكن بعد 7 سنوات نفسه 600 ريال ولا زاد؟ فيها سكيكو قروض سكن ولا لا؟ وفيه خصوم لمدارس خاصة زي أرامكو -لعيالك مستقبلا يعني-؟
أحسك متأزم في الشركة. روح قدم على أرامكو ولا غيرها. قبل كم يوم دخلت موقع أرامكو وفي التسجيل اضغط non-saudi وبتشوف عشرات الوظايف وحده منهم مطلوب Electrical Engineer كأن كان 6 او 7 سنوات خبرة لقسم Project Management.. ياخي الحق على عمرك واطلع من الشركة حتى لو تقدم على ABB ولا Siemens في أبوظبي.

 

اشكر لك اهتمامك اخوي ارامكو مايبوني لان من سكيكو موقعيين اتفاقيه معاهم بان موظفيين سكيكو مايرحون ارمكو الا اذا قدم استقاله وقدم من جديد بالموقع يعني لازم اشووف شركه ثانيه بعدها اروح ارمكو... على فكره انا قدمت على 20 شركه ومافي رد لكن الصبر وربنا ييسرها ان شا الله قدمت على سمينس الخبر وقدمت على abb الرياض لاحس ولاخبر انا شهادتين دبلوم الكترونيات معاها خبره في مجال الكهرباء وبروتكشين وانظمه السكادا 7 سنوات والان خذيت باكالوريوس كمبيوتر من الجامعه العربيه المفتوحه بالرياض تخرج قبل خمس شهوور ... الشركه رفضت ترقيتي مع اني اشتغل وظيفه مهندس نظم الان بالدمام يقولون مانقبل الشهاده هذي والسبب الى الان مو واضح... والشغله ماخذيها شخصيه وعناد مو بس انا كل الخريجين من جامعتنا بمختلف التخصصات مع ان معترف فيها بموقع الوزاره التعليم العالي رسميا...

الله المستعان على مايصفون وحسبي الله ونعم الوكيل

 

فقط أحببت أن أعلق على هذا الكلام، بأن لي صديق مهندس كهربائي خبرة خمس سنوات في سكيكو وقد تم الاتصال به من قبل أرامكو ومقابلته وهو على رأس العمل في سكيكو ومن ثم قبوله فيها مؤخراً.

 

فيه حالتيين يصير كذا الاولى واسطه الثانيه انه هم محتاجيين بالمره وهو احسن مرشح انا رحت لتوظييف وقالولي املك ضعيف يعني الارزاق بيد الله والله يعين ويوفقه ويرزقنا يارب

 

أخوي السبب واضح: الجامعة العربية المفتوحة صحيح أنها معتمدة من الوزارة ولكنها غير معتمدة من الشركات. مو بس شركتك ترا. حتى البعض في سابك ينبع وشركا ثانية.. ما يعترفوا بهالشيء.

أرامكو يمكن الوحيدة الي تسمح للطالب بأنه يكمل دراسته, وأعتقد أني ذكرت هالشيء في موضوع من قبل.

وأيضا التخصص كمبيوتر ترا ما هو ذاك الزود.

ما أدري ولكن حتى أشوف في موقع أرامكو فيه وظايف Senior Electrical Technician والمطلوب فيها 7 سنوات خبرة.. صراحة أنا أتمنى لك تطلع من سكيكو وتشتغل في شركة ثانية, وبعدين تقدم على أرامكو..

الله يعينك. لا تيأس وحاول..

 

معليش اخوي احب اقولك ان رفض الشهاده في سكيكو مو للجامعه العربيه حتى جامعات حكوميه انتساب يبونك تدرس انتظام وانت تشتغل شلون تجي مادري بالرغم ان في واحد عندنا بالقسم سواها ودرس انتظام لان عنده واسطه vp في خدمات المشتركيين ولاحد قدر يوقف بوجه لما خلص الدراسه وترقياته وراتبخ ماشي... موضعنا هو المساله شخصيه وعناد من تبع الموارد البشريه للموظفين مايبون احد يترقى وياخذ فرص المناصب على ربوعهم بحكم ان اغلب الكباريه دبلوم مه خبره وباكلوريس نادر جدا اما ماجستيير ماذكر مافيه عندنا.... بنسبه اني اشتغل فني اسمح لو انت محلي ماراح ترضى تخسر فوق 58 الف وتدرس 4 سنوات ونص تعب مره بحكم اني متزوج واشتغل وادرس واخدم الوالد في شغل البييت في نفس الوقت..... والحمدلله بدعاءهم تخرجت برتبه الشرف ثاني واحد على الدفعه... وبنهايه اشتغل فني ... انا الان اشتغل مهندس ادارتي تبغاني لكن الموارد البشريه ماراضيين يدخلونها بالسيستم علشان مايبون يزيدون راتبي كمهندس مخليني اشتغل مهندس كمبيوتر ومبرمج براتب فني ... قلبي محترق وروح ازيده ...

الي عنده رقم احد بالموارد البشريه بسابك يديني اياه على الخاص او يدعو لي بالتوفيق والله يرزقني ويعطيني على قد نياتي


شكرا لكم