استمرارا لموضوع قبل 4 سنوات .. طموح طالب ثانوي يتحول الى ( طموح خريج ثانوي ) التفاصيل

بخصوص المركبة على حسب الدفعة .. شد حيلك بالتحصيلي والله يوفقك ..
بخصوص ارامكو .. لازم تكون عندك لغة شبه ممتازة وتعدي الاختبار حقهم وبعدين المقابلة والمقابلة ان شاء الله انها تساهيل .. اهم شي تعدي اختبارهم ..

 

اتمنى لك وللجميع التوفيق والنجاح

النسبة المركبة تعتمد على عاملين مهمين
- اعداد الطلبة الذين ستقبلهم الجامعة
- مستوى الطلاب المتقدمين للجامعة

لا تهتم بالنسب والدرجات
ركز في اختباراتك
والله تعالى هو الموفق اولا واخيرا

 

اهلا اخوي

اولا مبرووووك عليك التخرج وعقبال ما نشوفك عندنا مهندس كبير .. بالنسبة للمركب عشان القبول فأنصحك انك تشيل من راسك فكرة القبول على الي هم طالبينه وخلي طموحك انك تجيب مركب فوق التسعين مثلا لان هذي الطريقة في التفكير هي بتخليك مبدع في البترول وانك ما تأخذ الكورس بس عشان تتجاوزه بسي ولا دي خلي طموحك دائماً الآي بلس

وبالنسبة لموضوع ارامكو انا ما سمعت كلام عن هالموضوع بس اللي ألاحظه اني فيه ظلم بعض الشئ في قبول ارامكو للأسف من ناحية علاقاتك ومعارفك في الشركة

وأخيرا نصيحة أخوية .. عندك فترة 6 شهور على بداية الدراسة وبأذن الله تنقبل في الجامعة فلا تضيعها كلها في الوناسة والطلعات والقيمز لكن ركز كثيييييير على تطوير لغتك بأي طريقة كانت وحاول تتطلع وتثقف نفسك في مجالات ثانية تحبها لان كثير للأسف من طلاب البترول يعتقد ان دراسته تغنيه عن الثقافة وانه بدفرته ملك الدنيا كلها وهذا غلط كبييير للأسف .. أسف على الإطالة لكن حقيقة انا استمتع دائماً بالشباب اللي يحطون لهم اهداف ويحبون مشاركة الناس لهم ويحققونها بإذن الله

موفق

 

انا رديت على موضع سابق لكك ظنناً مني انك باقي م تخرجت ...
الزبدة انامثلك خذيت أترام صيفية وباقي علي ترم واحد يعني بتخرج بعد ثلاثة شهور ..... لكن التحصيلي والقدرات املي بالله كبير ...... يبي لها مذاكرة و " تفكر" وبتمشي الأمور بأذن الله ...........
الشي الي ابي اعرفه وياليتكم تفيدوني فيه :
1_ الفرص الوظيفية للي بيدخل جامعة البترول كبيرة ولا كيف!!؟
2_ هل فيه مجال للإبداع في جامعة البترول :, يعني انا في راسي كثير من الأفكاروالابتكارات لكن ينقصني الاشراف !
3_ بعض الردود يجي الواحد يكتب " نصيحة لا تدخلون الجامعة " الجامعة صعبة مررره مررره " " اذا كانك تبي صحتك وعافيتك لا تدخل البترول " ... مدري انتبه لاكلام ذولا واحطه بالحسبان ام ماذا ...!؟

ارجو التفاعل معي يَ اخوان ...
وبالتوفيق

 

^^^^^^^^^^^^^^^^^


أخوي اللي فوق
1-الفرص الوظيفية نتكلم بكلام العقل اي شخص يقدر يتوظف لكن تفرق معه حاجات منها تخصصه +معدله ومكان التخرج وطبعا البترول لها الافضلية بس تجيب معدل 2.00 واقل شي على كلام شخص متخرج صعب تتوظف


2- تقددر تبدع بأي مكان مو شرط المكان


3- الجامعه حلوة وسهلة وانا زيك سمعت كلام يسم البدن من الناس بس بعضهم حسد والبعض يسمع من الناس وينقل ما يدري عن شي لا تقول الجامعه صعبه او سهلة مافي شي صعب او شي سهل في شخص اهتم وفي شخص اهمل واذا البترول صعبه ما كان احد تخرج منها ما كان احد يتقدم لها

ان شاء الله اكون جاوبتك +انا اوريا زيك ان شاء الله

 

اولا السلام عليكم ..

ثانيًا يَ كثر مَ سمعت هاذي الكلمة في ابتدائي متوسط صعبة معلمينهم شدخ وكذا ..

^ دخلت متوسط مَ أقول كانت مو صعبة بس تحديت ذي الصعاب وطلعت من ثالث متوسط بنسبة 97% ,,,

ثالثا سمعت وانا في متوسط ثانوي صعبة ,, ومَ في مجال تنزاد درجة , ومَفي كذا وكذا .. وحطّوا لنا نظام مقررات على دفعتنا اللي هي أول دفعة بمدرستنا (احنا) حَ نتخرج هاذي السنة بإذن الله بنظام المقررات ,, الموهيييم قالوا لنا نظام جامعة والكتب عرض ايدك , ومَعرف ايش , دخلت , وحسيت النظام أفضل بكثير من النظام العام .. وهذا انا في ثانوي ..

وقَاموا قالوا لي التخصص اللي بتدخله صعب ,, كلّه عملي , ومَ عرف ايش ,

وانا مصر وكل مَ أحد قالي صعبة كأنه يقول لي أثبت وجودك يَ ود ..

وأنـــآ في الثانوي حاط نسبة متوسطة لآ أنزل ولآ أقل منها ,, علشان النشاط كلّه أحطه

في دراستي الجامعية اللي بإذن الله انقبل في جامعة الملك فهد للبترول والمعادن..

بس حط شئ في بالك , التجربة افضل البراهين .. والمنطق آلة البرهان ..

^تذّكر كلامي..~

أنا درست صيفي مرتين , وهذا انا في ثالث ثانوي .. بس مَ اختصرت قمت أمشي على الخطة

بس مخففة بسبب المواد اللي أخذتها بالصيفي .. وإن شاء الله التوفيق والقبول من فالنا ...

 

انا اللحين ولله الحمد فرشمان دفعة 2012
الجامعه بإختصار تعتمد عليك
اذا تزلب الدراسة نهائياً ماراح تمشي
اذا تذاكر قبل الاختبارات بتمشي جنب الحيطه صح تنجح بس بتخرج بإصابات
اذا تذاكر بشكل مستمر يعني" كل اسبوع بالنسبة لي "رح تطلع كل امكانياتك
ما اقول انك راح تكون اونر لكن أأكد لك انك بتكون قريب منهم
^
الكلام السابق فقط حسب تجربتي الشخصية
قد يصيب ويخطئ