السلام عليكم شباب اول شي مادري اذا موضوع قسم هنا صح ولا لا. علي العموم لو مكانه خلط ياريت من المشرف اذا سمح ينقله لنا طيب أنا ياشباب ادور علي مغسلة سيارات ممتازه واكرر ممتازه يعني تغسل وتنظف السياره من داخل وخارج لان سيارتي زميلي أخذها الترم الي فات وعدم ابووو شكلها من داخل فأبغي مغسله ممتازه تشيل الأوساخ من مقاعد السياره طبعا تدعك المقاعد وكذا. وكل شي ففين القى هاذي المغسله في الشرقيه ؟. وحتي لو السعر غالي مو مشكله والله يجزاكم الخير وباريه الوصف يكون واضح لان أخوكم غشيم مرره في الطرق
انا عندي لك مغسلة ممتازة بس غالية حبتين و معظم السيارات اللي يغسلون عندها تلاقيها بورشات و بي ام وسيارات فخمة المغسلة موجود في محطة بنزين قريب اكسترا الخبر خلي اكسترا على يسارك و كمل سيدا لين يجيك الدوار بعدين خذ يسار مع الدوار وبتلاقي المحطة على يمينك سعر الغسيل تقريبا 40 ريال داخلي و خارجي
اعتقد المغسلة اللي يقصدونها الشباب اسمها مغسلة المشاهير >>> مو متاكد من اسمها انا اغسل عندها .. الصراحة ممتازة جدا بس غاليه شوي للسيارات الصغيرة 60 ريال وللجيوب 100 ريال
افضل مغسلة ...زبون لي 5 سنوات *خمس كروت = غسلة مجانا *شامبو خاص بغسيل السيارات و ليس فيري اللي يعدم عليك البوية * مويه محلاه *يعطرون لك السيارة اذا خلصت أما اذا كانت المراتب مره وسخه فخذلك منظف للجلد او المخمل من محل الزينة اللي جمبه و عطه العامل قله فرك الله لا يهينك
في محل تلميع عند تقاطع البيبسي مع الملك عبدالعزيز ... وأنت جاي من عبدالعزيز بتدخل بيبسي بتلقى محطة بنزين على يمينك بعد المحطه بيكون فرع الراجحي على زاويه المحطه هذي فيها محل تلميع خاص أنــا وديت 2 من سيارات الأهل لها تلميع على أعلى مستوى بصراحة لون السيارة كان خرافي بعد التلميع أفضل من يوم أستلمناها من الوكاله بدووون مبالغه هذا الكلام من سنه تقريبا وما زالت اللمعه موجوده ومن الداخل ما يحتاج ترجع وكاله وأفضل كمان ... السعر تقريبا 200 ريال للخارج و 200 للداخل ماني متأكد وتخلص في يومها اذا جبتها الصباح ... العمال فلبينين .. لو تروح تكلمه وتتفاهم معه وتجيبها بموعد متفق أنت والفلبيني عليه يكون أفضل
آفضل مغلسة غسسيل (بدي ) آشوفهآآ .. آلآوزن في الثقبة !! بس آنت تقول مرآتب وتلميع وقلق ^.^ .. لو توديهآ محلات التلمييع آحسن لك .. أو آنك تشتري الـ آلبخآخآت وملمعات وتنسدح عليهآ بالموآقف هع هنآ بالشرقية مآ آدل الا شارع الملك سعود حق زينة يمكن تلقآ فييه .. آو تروح حول المعآرض أغلب المحلات حقت التلميع هناك .. بالتوفيق ..
جزاكم الله خير شباب. شكلي بعمل تلميع لان السياره معدومه من داخل خصوصا المقاعد! بحاول اشوف المكان وين بالضبط واتفاهم مع الفليبيني على وقت معين