اقتراحات لتطوير الخدمات التقنية للجامعة

في شغلة أعاني منها من فترة لفترة و عانيت منها مؤخرًا مع الأبروفال... و كثير من الشباب يعاني منها أيضًا

و هي الساعات المكتبية... كثير مرات نروح لمكتب الدكتور الفلاني خلال ساعاته المكتبية اللي حاطها على الباب و ما نلقاه موجود و مرات اضرب مشوار بس عشان أقابل الدكتور و بالأخير مو موجود

فإذا كان بالإمكان إنشاء موقع يظهر إذا كان الدكتور موجود بحيث يضيء اسمه بالأخضر أو مو موجود فيضيء اسمه بالأحمر... بحيث مجرد ما يمرر البطاقة على الجهاز هذا ليفتح غرفته:


يضيء اسمه أخضر و مجرد ما يغلق الباب يضيء اسمه بالأحمر

برضو أحيانًا الواحد يكون عنده استفسار مستعجل عن المادة بشكل عام و يكون دكتوره ماعنده ساعة مكتبية بالوقت هذا... فهذه ممكن تتيح فرصة أنك تقابل دكتور ثاني و كثير من الدكاترة يحبون يساعدون الطلاب

يعني مجرد فكرة... و للأمانة ماعندي علم If its technically possible

 

والله اشوف لو تسوي الجامعة نشرة ببعض التتطبيقات او المواقع المفيدة تقنيا يعني برامج ترجمة مثلا مواقع مفيدة ومو لازم تكون من الجامعة يقدر الطلاب يقترحون وتروح لمنسق يقسمها على حسب التخصص مثلا وتضع الخيار بهذا بالبورتال او موقع متخصص (عارف المنتدى موجود لكن احسه مو متخصص مره )
مثلا انا خالد عندي موقع مفيد لدراسة الرياضيات ارفع الموقع مع بعض مميزاته للموقع ذا ويصنفه المنسق او المسؤول وكل اسبوع يسون نشره بافضلها عن طريق الايميل وكذا
برضو لو نقدر نشترك بالقسم الي نبغها على شان تجينا النشرة على الايميل راح يكون ممتاز مثلا انا ابي مواقع للانجليزي مجربه او طرق او تتطبيقات تتعلق بتعلم اللغة الانجليزية فانا اشتركت بالقسم ذا راح تجييني النشرة على الايميل كل اسبوع . مدري اذا واضحة الفكره او لا لو مواضحة كلمني على الخاص

 

ايضا ما ادري اذا موجود ولا لا لكن لو تقدرون تسوون موقع لجمع الشكاووي او الافكار من الطلاب حسب القسم الجامعي مثلا قسم ادارة السكن
مثلا انا طالب كانت عندي فكرة لتحسين السكن بالجامعة او عندي مشكلة متعلقة بالسكن بشكل عام
دخلت الموقع ذا ثم ادخل على ادارة السكن موجودة بالخيارات ثم مشكلة او فكره او حل مشكلة موجودة واكتب رأي . كذا حنا نقدر نجمع كمية كبيرة من المشاكل وحلولها وكمية كبيرة من الافكار الي ممكن ما تخطر في بال المدراء نفسهم اتوقع راح يكون شي جميل

 

فيه عندي برضو فكره ثالثة الا وهي نسوي موقع نسمية مثلا موقع مناقشة يكون هذا الموقع بالسكاشن ويقدر المدرس يخش عليه مثلا انا عندي كورس ماث 102 وعندي 12 سكشن راح اسوي مكان محادثة زي الواتسب مثلا لكل سكشن وفيه الطلاب والمعلم بحيث اذا كان عند الطلاب سؤال او شي يجاوب عليهم طالب معهم او المعلم . وما يحتاج المدرس يخش عليه باستمرار لو بالاوفيس اور بس . او نقدر نخليه مفتوح لكل السكاشن يساعدون بعض ( مع اني اشك هههه الافرج ) المهم او نقدر نسوي الثنين مع بعض (مكان للسكاشن لحالها و(مكان للجميع شغال بالمواضيع زي نظام المنتدى)) . برضو لو نقدر نركب كاميرا بالفصل ترفع فديو السكشن للمحادثة راح يكون شي كويس يقدر الطلاب يراجع او يركز بالاشياء الي ما فهمها ويقدر ربما يشك على فديوهات السكاشن الثانية (نقدر نحط تقاييم للفديوهات اشان ما نضيع وقت الطالب ) . (برضو امكن بعض المدرسين يعتدلون فعصفورين او ثلاث عصافير بحجر واحد )

 

هاه انشاء الله للحين فيه استقبال افكار لاني تعبت وانا اكتب . لو ما فهمت كلمني بالخاص هع عارف انه مو واضح المهم ما ابي اثقل عليكم والله لكن احس ان الفكره الثالثه جدا مهمة مع انها اشويه يبغالها شغل لكن انا مؤمن انها فوائدها عظيمة جدا ( مدري اذا البلاك بورد يعمل بالطريقة ذي او لا لكن انا انصح بتسجيل الفديو واضافته للبلاك بورد لو ما تقدرون تسوون كل الي قلته . اعيد وازيد انا اسف اذا ثقلت عليكم

 

ايضا مو لازم نجيب كاميرات غالية وفريق رفع ونقل ووو . نقدر نستخدم الطلاب . كيف ؟
الطلاب راح يدخلوا الفصل ويجي الطالب الي عنده افضل كاميره بجواله ويحط جواله بالمكان الموجود بالصورة








ويدق زر التصوير وبعد المحاضرة ياخذ الجوال ويرفعه لكم وترفعونه لنا وبس فكره رخيصه وفعاله وما تحتاج ناس كثير يعملون فيها ( عاد كيف تقنعون الطلاب يحطون جوالتهم هذي عليكم انا لم اجد لها حل هههه )

 

اقتراحات ممتااااازه جدا ما شاء الله

لكن الاقتراح هذا >>>> ربط دخول المرافق العامة، كدورات المياه، بالبطاقة الجامعية، ومعاقبة من يسيء استخدامها.
ما اتوقع له داعي, يعني فرضاً نسيت البطاقه الجامعيه او ضيعتها الحل بيكون يا ارجع السكن عشان دورات المياه
او اني اطلب من اي طالب بطاقته عشان ادخل دورات المياه >> وبصراحه وقت الزنقه ما بينفع فيهم اي حل

غير كذا العمال اللى بيشتغلوا ب المباني راح يصعب عليهم استعمال دورات المياه في الحاله هذي.

 

Piazza • Ask. Answer. Explore. Whenever.