اكتب خطأ كان له تأثيرفي مقابلة العمل للشركات... للفائدة العامة

السلام عليكم. كلموني شركة اكسنتشر مقابلة هاتفية كنت توني صاحي من النوم ومتلخبط سألني تعرف شركتنا والا اشرح لك عنها وخفت يحجر لي بالاسئلة قلت لا وقام يشرح لي .. احس بسبب هذا السؤال لم اوفق في الخطوة التالية

 

السلام عليكم ورحمة الله

حياكم الله شباب هذي بعض الأخطاء الي ارتكبتها خلال مقابلاتي نبدأ بسم الله
١- مرات أتفلسلف واذكر معلومات أو مصطلاحات علمية من باب إني أثير إعجابهم وترجع عكسية لأني أكون مو ملم فيها فنصيحتي لاتذكر شي إلا وأنت مستوعبه بشكل جيد

٢- مرة سئلني في أول مقابلة وش نقطة ضعفك وهنا جبت العيد قلت إني شخص أكره الروتين وأمل منه أحب التجديد وكذا فشكله قال ذا مو وجه شغل وانظباط فنصيحتي من حسب قراءتي اذكر شي انت تعاني منه وبنفس الوقت تحاول أنك تتطور فيه مثلا Public Speaking قل انك عندك مشكله معه لكن الفترة الي راحت صرت تقدم Presentations بكثرة او انك تتولى منصب group leader في المشاريع الي تشتغل فيها

٣- سالفة الراتب مرة سئلت وعطيته وضعية الي ما اهتم اهي شي اطور نفسي واتعلم قال طيب لو عطيناك عرض بدون راتب قام يطقطق قلت ايه ماعندي مشكلة اهم شي استفيد وكذا نصيحتي اقرا عن معدل الرواتب في الشركة واطلب زيه

الله يوفقنا وياكم لكل خير

 

1- اذا لسى خريج وتسوي مقابلات لاتعلم مع مين سويت واذا جاك عرض وظيفي لاتعتبره نهاية الدنيا بالنسبة لك و لاتعلم فيه وس مقابلات بعده وخلك جاد فيها

2- لا تغير كثير من نبرة صوتك بكل الاحوال
3- لما تنساءل تعرف احد في المنشئة تراهم شبه وافقو عليك و اجحد انك تعرف احد اظبط عمرك
4- جهززززززززززززززز جواب للاسئلة التقليدية بتبهرهم .

 

انا مشكلتي مع اسئلة التكنكال , لو واحد سألني ولا عرفت الجواب وش اقول؟ صارت لي مرة وانحست
ثاني شغلة لو احد سألني كم الراتب المتوقع اجاوبه ولا؟

 

راجع أساسيات التخصص خاصة الي متعلقة بمجال الشركة وهذا ملف من خريج ميكانيكال راح يفيدك في المقابلات ان شاء الله
Eng. Abdulaziz.zh on Twitter

بخصوص الراتب المتوقع اي لازم تجاوب عليه , المفروض إنك قبل المقابلة تبحث عن الشركة وتعرف رينج الرواتب عندهم , وهالشي تقدر تعرفه عن طريق المنتدى أو عن طريق المواقع المتعلقة بالتوظيف مثلا Glassdoor

 

الخطأ الأول اللي وقعت فيه هو عدم جاهزيتي في شرح مشروع التخرج وبشكل دقيق وعميق ... مشكلتي كانت فقط معرفة اساسيات المشروع ....
الخطأ الثاني هو اني قلت صار لي حادث وتأثرت به وانه سبب تأخر نخرجي ....
الخطأ الثالث في البريزتيشن كنت اتفلسف واسولف كثير والخطأ الثاني ان نظري ماكان عليهم .. كان نظري في الجدار فوق هههههه
الخطأ الرابع هو ثوبي كان متعفط لانه كان مشوار وزحمة من الدمام الى الخبر هههههههه
الخطأ الخامس كان عدم استعدادي ومراجعتي بشكل مكثف عن عن الشركة وطبيعة عملهم (كانت مقابلة مع شركة الحفر العربية) يعني ما توسعت وقريت عن الحفر لانهم سألوني كم سؤال عن الحفر ومشاكله ورديت اني درستها لكن عندي نسيان وذكرت ان النسيان احد سلبياتي ههههههه
في الاخير تبين لي انهم طالبين خريجين حديثين وانا منهم وطالبين معنا ناس خبرة ... في الاخير اختارو ابو الخبرة هههههههه

 

ماقصرت يالغالي <<<

 

اتصل علي واحد وقال كم الراتب الي تبغاة
قلت في نفسي مدام ان الوضع عندنا فقر ومافي مشاريع على قوله,8000 ريال اساسي
قال
شو هذا قليل في حقك وتكلم بهالخصوص ممكن خمس دقايق, وقال باكر جيب الاورق واكتب راتب الاساسي المتوقع في نموذج التوظيف
اليوم الثاني سلمت النموذج وكاتب الراتب الاساسي13800 ريال
قال ليش كاتب هالمبلغ وهو متضايق
قلت قصدي الراتب الكلي
بالفعل الرجل مشكور وصلني الى مخرج باب الشركة وودعني وداع

هذا سبب استبعادي

 

ههههههههههههههههههههههههههههههههههههههه
الله يرزقك اللي احسن منها ياخوي,,, بس فعلا عينك قوية هههههههه يعني زيادة اكثر من 50%

 

تعتمد على حسب الشركة لكن غالبا اساسي يبدا من 7500 ريال اكثر الشركات المتوسطة و العالمية لذا دائما قول لهم 7000 الى 7500

و يصل الى 9000 ريال للخريج غير شامل البدلات لا تتكلم نهائيا عن الفل بكج لانه مافيه فرصة تتفاوض فيه !!

البدلات سكن نقل غالبا في كل شركة ما فيه مجال للتفاوض فيهاااااااا


قد يكون يستغل حاجتك للوظيفة ويستعمل اوراق لوزارة العمل ك شخص متدرب معنا و دربناه وكذا كن حذر وخذ اوراقك دائما لا تبقي معهم الا السيفي فقط اذا طلبوه
الظن اثم لكن صارت لي مع الاسف !!

 

امين يارب العالمين
بخصوص عيني قوية لا والله ههههههههههههههه
لكن بعد اتصاله جلست مع ناس بشاوات يخت ومنتجع وحركات واسمع عن رواتبهم وسفراتهم انا صدقت نفسي اني زيهم واقسم لك بغيت احط الراتب 18500
وهو بعد الله يهديه رفع فيني, قلت ابي اساسي 8000 وزعل,قال حقك اكثر من كذا انت جاي من الصين وتتكلم صيني ودورات وحياتك كلها علم
حسسني من كلامه فيني اني مخترع PLC بلغتي
لا وبعد عيني قوية قبل العيد مرسل له ناس وش صار بطلب
رد عليهم تم تحويله لجهة مختصة في دراسة اصحاب الرواتب العالية

اتمنى يتصل علي الان اعتذر له عن قوة عيني واقول 9000 بكج راضي

 

مثل ماتفضلت الراتب الاساسي المعقول في هذي الاوضاع من 7000 الى8000
لكن الحمدلله على كل حال

بخصوص الاوراق اخذو كل شي,كيف اعرف انهم استغلو اسمي بوزارة الدجة,اذا الشركات تقدر تستغل هالشي فالمفترض نسمي الوزارة هذي بدجة

 

المشكله اذا في كورس ماكنت حابه ومطنشه وسالوك عنه
هنا الله يستر عليك

 

هنا تعطيهم وضعية المجنون اللي مضيع بيته

 

- الموقف الأول , اتصلت علي الموظفة وعلمتني ان عندي مقابلة مع الشركة , وسألتني عندك خبرة في الموضوع الفلاني ( قلت اي لكن خبرة بسيطة , وبسبب هالكلمة قالت بتكلم مسؤول التوظيف وبترد علي بموعد المقابلة ومكانها ) والي صار انها ما ردت ولاشي .
فكان المفروض اني ابين لها اني فاهم في مجال الوظيفة اما التفاصيل اشرحها للي يسوي معاي المقابلة لأنه فاهم في الأمور التكنيكال مب مع موظف ال hr على الجوال .

- اذا حدد لك الموظف موعد المقابلة وكان الموعد مب مناسب لكن تقدر تحضر, فنصيحة لاتقول له ما اقدر احضر لأن احتمال كبير يستبعدك حتى لو قالك إنه بيخليك في القائمة وبيتواصل معاك تالي.

- حاول تاخذ كل المعلومات من الموظف ولاتنخدع بسالفة انه راح يرسلك المعلومات مثل مكان المقابلة او موعدها على الايميل لأنها تصريفة .

 

موضوع جميل ياليت يحدث بتجارب جديدة

 

أي سؤال ماتعرف تجاوبه وخصوصا اسئلة التكنكال جهز له اجابة دوبلماسية واياك والفلسفة لانهم عارفين انك ماراح تجاوب على كل شي.

 

سويت مقابلة مع أرامكو و كان خطئي الفضيع أني ركزت على التخصص و نسيت نفسي و الاسئلة الشخصية ,
سألوني أسئلة تافهة بالتخصص + شرح مشروع التخرج لكن العيد جبته بالاسئلة الشخصية

نصيحتي أول شيء ركز على كل حرف مكتوب في CV ثم الاسئلة اللي فيها لف و دوران ( مثل نقاط ضعفك ؟ ليش بتترك شركتك الحالية ؟ ............ الخ )
ثم بعدها تبدأ تراجع المبادئ الاساسية بالتخصص

طبعا رفض من أرامكو مثل اللهب

 

طبعا من اسوأ الاسأله اللي يسألوني عنها كم عمرك احس انها سبب في رفضي في عدد من الوظائف اخرها اليوم وصلني اتصال من جهه واول ماسأل عنه كم عمرك وبعدين سال في التخصص والبوزشن اللي عندهم وجاوبت اجابات وافيه وفالنهايه سألني عمرك قلت لي كم وقلت له وقال اوكي شكرا لك وقفل الاتصال

احس انه تمييز بسبب العمر والمفترض دخلت مقابلتين الاولى سألني كم عمرك بعدين حس انه جاب العيد ولاسأل والثانيه يسوي فيها دوبلوماسي سألني تاريخ ميلادك كم

طبعا هذا ماله علاقه بالموضوع ولكن اعذروني على كتابته