شباب يا ليت تقولولي عن إذا واحد يبغى مدرس في مكتبه هل يطق الباب ويدخل ولا يطرق الباب وينتظر جواب من المدرس؟ لأنه صعبة أسألهم إذا هذا الشي يزعجهم أو لا
اعرف دكتور يقول لا تدخل الا بعد ما أقولك ، وبعدها بفترة يقول منتظرني افتح لك الباب ؟ طق وادخل لكن عموما ، لا تدخل الا بعد الأذن
^^^ اطلع من راسي ,,, خلك من المثاليات ,,, اخر الترم ,, اكسر الباب على الدكتور ,, وادخل وهايط عليه ,, ولا تبقي كلمه ولا تقولها ,, ثمن تطلب اللي تبغاه ,,, صدقني بيجيك f ماشي مليون ض1
شكرا للجميع جينيس وش تحس فيه!؟ دوختنا معناها اللي استنتجته أنه أدق الباب وأنتظره الين ما يقول ادخل واذا ما رد أدخل عشان يمكن ما سمعني أو ما لا يحسبني اني ابغى يقوم عشان يفتحلي الباب
عن نفسي أدق البـاب وادخل علطووول ومرّحب فيني .. وكل الدكاترة حبااايب ماعدا واحد كنت أحسب انه يكرهنـي أول ماأدق الباب وأفتح الباب شووي وأدخل راسي أطـالعه يقولي: نعم يا الـ(اسم العائلة) وش عندك وش تـبي ؟! أقوله: ليه مشغول؟ يقولي: مو مشكلة .. تعال بس تعال وش عندك؟ << بس طلـع هذا اسلـوبه مع الكل ^^^ فالشغـلة على حسب الدكتور
ستسفك وفالح وهاكس : اها فالح: تصير معي انو ادخل واشوف وجهه غير فما ادري انه زعلان ولا هو يقوللي اذا اطرق الباب وانتظر المهم أنه احد الاشياء اللي كنت ابغى اسمع اذا هي موجودة انه هل بعض الغرف لما تدق الباب ما يسمعك الدكتور ! بس خلاص
صاري موقف اعتبره من اسوأ المواقف في حياتي بسبب هالمشكلة هذه... انا مرة كنت ابغى اقابل الدكتور دقيت الباب كم مره ما سمعت شيء و انا عارف ان الدكتور جوه المهم اخوكم فتح الباب زي عادتي مع الدكاترة الاخرين و دخلت سلمت عليه الا يقولي من قالك تدخل , انا الصراحة يا جماعة الخير لفت بي الدنيا من هول الكلمة انخنقت مش عارف ايش اقول له ... عندها قلتله اسف دكتور و المعذره, قال كيف تدخل و ماحد قالك! قلته خلاص العفو دكتور و سامحني و هميت بالمغادره الا يقولك وش عندك قلتله عندي كذا و كذا و انا خلاص ما ودي حتى اجلس ثانية معه و صرت معاد اطيقه حتى لما اشوفه من بعيد انتبهوا يا اخوان يقع واحد في الموقف المحرج اللي حصل لي.
برأيي من الذوق إنتظار الدكتور حتى يأذنلك بالدخول،، (وإن قيل لكم ارجعوا فارجعوا هو أزكى لكم) << عدم الرد معناها إرجعو .. أيضا أشوف مش من حق الدكتور يلومك لإنك دخلت عليه خصوصا إذا كان بابو مفتوح،، لإنك مو داخل على بيتو (أتوقع في سياسه جامعية بهالخصوص -ما أدري إذا مطبقه هنا أم لا- )
كيف عادي ياخي اعتبر هذا الموقف من المواقف المحرجة التي مريت بها انا ما اقول ان اللي سويته صح بس حسب ما مريت بهم من الدكاترة انه اذا كان الباب مفتوح عادي انك تدخل. عموما تسلم اخوي سستم...
انا خلال دراستي في الجامعة اطق الباب كم مرة لو ما فتح ادرعم وادخل... ولا عمره اي دكتور سوى مشكلة معاي