الاستقالة بعد شهرين من العمل؟ اراكم تهمني!

اظن انك اذا طلعت وقعدت في البيت لا شغله ولا مشغله تطلع مب زينه عليك.

لأان ال HR بقولك يوم طلعت وش كنت تسوي؟؟ ماينفع تقوله ولا شي قاعد في البيت.

اذا مسجل في التامينات راح يعرفون انت وين كنت تشتغل اول, فلازم ماتخبي شي لانهم يمكن يعرفون ويقولون لك ليش ماعلمتنا؟ خاصتا اذا سألوك في المقابله قد توظفت قبل كذا؟

 

اذا الوظيفة في مدينتك وقريبة منك لا تطلع منها الحين ، صحيح الراتب ضعيف لو قارنته بالوظائف في الشركات الثانية
لكن هذا هو الراتب الادنى في نظام تمهير ( الراتب 3000 - 6000 )
الشي الثاني صحيح ممكن ماتستفيد كثير من الوظيفة ذي لكن لا تطلع منها إلا لو كان فيه سبب قوي مثلا سبب صحي ، أو كان فيه استغلال واضح يعني مثلا يخلونك تشتغل في اماكن بعيدة و اشياء صعبة و المقابل ضعيف .
حاس بوضعك وشعورك ، انك تتخرج بمرتبة الشرف لكن الوظيفة الاولى لك تكون اقل من الطموح لكن انت حسبها :

- الوظيفة في مدينتك + هي مؤقتة و مابقى لك إلا 3 شهور تقريبا

- تقدر تطلع منها في أي وقت

- في كل الحالتين سواء طلعت او بقيت ماراح تقدر تنضم لبرنامج تمهير مرة ثانية ( يمكن تشوف فرصة تدريب في تمهير مع شركة كبيرة لكن لأنك استفدت من البرنامج ماراح تقدر تدرب فيها )


رايي تتحمل 3 - 4 شهور الي باقية وتستمر في التقديم على بقية الشركات بشكل مستمر و تتأكد هل طريقتك في التقديم صحيحة + السيرة خالية من الأخطاء أو لا .

صحيح ممكن الشغل ماتكون فيه فايدة كبيرة لكن حاول :
- تستفيد وتتعلم حتى أبسط الأشياء ممكن تفيدك في المستقبل .
- اذا فيه مشاكل عندهم مثلا هندسية أو حتى ادارية حاول تقترح حلول لها ، ماتدري يمكن يعجبون بشغلك ولما تخلص التدريب يعرضون عليك وظيفة براتب أعلى
- اذا عندك وقت فاضي في الدوام ، جرب تقرأ عن بعض الأشياء المرتبطة بتخصصك أو مثلا تذاكر لاختبار FE لو حاب تاخذه .

طبعا الكل وده تكون اول وظيفة له براتب عالي و في شركة كبيرة لكن تحمل هل كم شهر و اعتبرها فترة مؤقتة ، في النهاية ماراح تضل طول عمرك في هذي الوظيفة أو غيرها وتذكر :
- الملل أفضل بمراحل من الفراغ الي بتحس فيه لما تطلع من الوظيفة وتجلس في البيت

- كلما طالت الفترة الي بعد التخرج و كنت فيها بدون وظيفة كلما تقل الفرص وبتلاحظ هذا الشي لما يصير لك أكثر من سنة بدون وظيفة ، والسبب ان مسؤولي التوظيف ينظر بنظرة سلبية للي ماتوظف او ما سوا شي ( دورات , تطوع ، وظائف بداوم جزئي ، الخ ) خلال هذي الفترة حتى لو ماكان الخريج هو السبب .

- طلعتك مثلا بعد 6 شهور نظرة مسؤولي التوظيف لها بتكون أقل سلبية من لما تكون بدون وظيفة لأكثر من سنة


الله يوفقك

 

السلام عليكم،
ابي استفسر عن الاستقالة
ممكن اعلم الشركة اني بستقيل بعد ٤ شهور؟
بما اني في برنامج الخريجين وأول سنة بينتهي بعد ٤ شهور وانا ابي اطلع

 

احينا استمرارك في مكان يشتغل في مجال ما يناسبك يعكس عليك بشكل سلبي

بكرة لما تبي تقدم على مكان ثاني يشوفون خبرتك بهذا المجال فتنجبر تستمر عليه

خليك واضح بقرارك ايش المسار الي تشوفه يناسب
أو على حط قائمة بالمجالات الغير مناسبة لك لأنه ما في أحد يشتغل الشغله الي يبيها ١٠٠٪

 

لا، ما راح يأثر عليك سلبيا.

للامانة انا راح اقول لك رأي بكل صراحة وموضوعية،
السوق في البلد غريب عجيب من ناحية الحصول على وظيفة. للاسف الشديد hr يختاروا الاشخاص الي يعجبوهم مب الكفاءات او المهارات. مشكلتنا ان حنا نعتقد ان العالم مثالي وهذا غيير صحيح. الشاهد في الموضوع ان اذا قدمت على شركة ورفضتك لان انت طلعت من شغلك بعد شهرين ممارستهم خاطئة لان انت اساسا مش في تخصصك وامكانياتك ومهارتك غيير وان جلست في شغلك وما جتك وظيفة لان عملك ماله علاقة في تخصصك فكمان الغلط من الشركات لان الناس تبي تعيش وتاكل ومش معقول راح تظل عاطل خصوصا ان السوق تعبان.
نصيحتي لك اجلس وقدم واذا طلعت لك وظيفة ثانية اطلع.

 

مايؤثر تنقلاتك في اكثر من وظيفة حتى لو كانت ابو شهرين او اقل,

اهم شي لا تجلس فاضي بعد ماتستقيل لان اول سؤال بيسئلون هو هل بعد ماستقلت جلست عاطل او لا

 

اخوي اللي اعرفه تمهير تدريب مو وظيفه رسمية
و لا يسجلونك فالتامينات
و تقدر تمشي باي لحظه و لا يسمونها استقاله
انا كنت فتمهير و نفس حالتك شهرين مشيت و خليتهم

 

كيف يعرفون وين كنت تشتغل ؟؟؟؟؟

هل للشركات الحق في الاطلاع على سجل التأمينات الخاص بك؟

 

يقدرون يطلبون منك شهادة من التأمينات ومبين فيها كل الشركات اللي اشتغلت فيها والمسمى الوظيفي ومدة العمل

 

مالهم حق وتقدر ترفض تعطيهم شهادة بيان مدد وأجور من التأمينات
لكن هذا الشيء ممكن يسبب لك فقد الفرصة الوظيفية
وفيه طرق أخرى يقدرون يعرفون وين كنت تشتغل وكم كان راتبك