الانسحاب خلال 90 يوما!!!

فترة التجربه ثلاث شهور
خلال الفتره هذي تقدر تطلع من الشركه بدون شهر انذار
ولا تكون عليك مطالبات .. بالنسبه للشرط الجزائي اذا موجود الشركه لازم تكون موضحه هالشيء لك قبل ما توقع العقد ..

وفي شركات ترى ع نظام ست شهور فترة التجربه

 

راجع بنود العقد اللي وقعته واذا ماعندك نسخه أطلب من الموارد البشرية
وفيها تحديد فتره التجربه و إي تكاليف بتدفعها اذا قدمت استقالتك

 

بوضح المصطلحات عشان توصل الفكرة بشكل أفضل.

فترة التجربة: فترة يحق لك تستقيل فيها بدون فترة انذار.

فترة انذار: فترة لازم تجلسها بالشركة اذا انتهت فترة التجربة وقدمت استقالة.


فترة الانذار شهر واحد اذا فترة التجربة ٣ شهور وفترة الانذار شهرين اذا فترة التجربة ٦ شهو وكل هالمدد محددة بالعقد.

بالتوفيق.

 

هل الاستقاله الفورية تأثر في التوظيف؟ وهل يُبين للشركات الاخرى انك مستقيل استقاله مباشره؟

 

ع حسب اذا الشركه الثانيه طلبت منك
برنت من التامينات راح تبين خدماتك بالشركات السابقه بدون ذكر السبب .

 

اها يعني اللي افهم منك مايبين عندهم اذا استقلت استقاله فوريه أو استقاله مع نوتس.. صحيح؟

 

ايه ما تبين ولا احد يدقق اساسا

 

السلام عليكم

ي اخوان احتاج شوركم ضررررروري

انا حديث تخرج قدمت في شركة وسويت معهم مقابلة , قبل تجيني مقابلة في ارامكو وبرضو رحت قبل اسبوع وسويت المقابلة في ارامكو والحمدلله كانت مقابلة ارامكو ممتازة برضو, والان الشركة اللي قدمت عليها فالبداية خبروني انه تم قبولي وعلى وشك يرسلون لي العقد والحقيقة جدا محتار..

هل اني اوقع العقد مع هذه الشركة وبمجرد تجيني ارامكو استقيل منها؟؟ لان الصراحة مو عارف كم تاخذ اجراءات ارامكو وانا حديث تخرج وصعب اجلس كذا بدون شغل انتظر اجراءات ارامكو!!

وهل اذا وقعت مع الشركة حيأثر على قبولي في ارامكو يعني بمعنى اذا حصلوني موظف في شركة معينة حيصرفون النظر عني؟؟

افييييدووني الله يسعدكم

 

وعليكم السلام

قبولك الوظيفه الاولى مالها اي علاقه بوظيفتك مع ارامكوا

الواحد لازم يضمن شي مبدئي

اشتغل مع الشركه الاولى شهر شهرين ثلاث اربع
الي هو اهم شي ما تقعد جالس تنتظر ارامكوا وتقعد ع اعصابك وتتقروش وتعيش تحت ضغط نفسي

وارامكوا ما تدري متى تخلص اجراءاتهم ممكن شهر او شهرين .. ووقت ما يجيك تاريخ المباشره من ارامكوا قدم استقالتك ع طول وباشر مع ارامكوا ..

افرض ارامكوا قالو نبيك بهد ٨ شهور !! وراحت الوظيفه عنك وش بتستفيد !!

اسال الله لك التوفيق وان يسهل امرك ويفرج همك ويرزقك من واسع فضله ..

 

يعني بأذن الله قبولي الشركة الأولى ما حيضيع علي ارامكو ابدا؟

 

ليش مصمم انها بتضركك

انت شركه الاولى لها علاقه بارامكوا ؟

 

لا ابدًا مالها اي علاقة، بس ي اخي خايف ودوبي في مجال العمل يعني مو عارف ايش القرار الصحيح، بس انت افدتني واسعدتني الله يسعدك ي رب

 

لا ي حبيب قلبي

لا تخاف انا حاليا انتظر اوراقي تخلص في شركه

ووصلني عرض وظيفي مع شركه اخرى

واذا ارسلو لي العقد راح اوقعه واضمنهم
واذا خلصت اوراقي بالشركه الاولى اسحب ع الشركه الثاني واباشر مع الاولى


دعواتي لك بالتوفيق والله يسهل علينا وعليك

 

انا عندي تقريباً نفس المشكله، وقعت عقد مع شركة متعاقده مع ارامكو، وجالسه استنى رد من شلمبرجير وخايفه انه شلمبرجير اذا عرفو اني موظفه راح يصرفون النظر عني ):

 

طيب هل شمبلجير بتقولك لا تتوظفي الا عندنا !! وتضمن لك الوظيفه ؟ اكيد لا ، ولا في اي ضمان يخليك تكوني خايفه ما توقعي مع اي شركه ثانيه .

طبيعي ان الانسان يحرص ع الفرصه الي بين ايديه .
ولا تقولين للشركه انك وقعتي عرض مع اي احد لان مو من حقهم يعرفون الا في حالة انك خلصتي ثلاث شهور ووقتها تحتاجي تقدمي استقاله رسميه مع شهر انذار .

الخوف مبالغ وانا اخوك ترى الوضع كذا
انا لازم اضمن نفسي بشركه في حالة ان الشركه تاخرت علي او صار اي ظرف ووقفت التوظيف اكون انا كسبت الوظيفه الثانيه ولا اجلس بالبيت انتظر .


ومن حقك توقعي مع اي شركه ولا لهم اي علاقه ..


انا نفسي وضعكم انتظر مباشرتي بالشركه الاولى وتوقيع العقد .. ودامهم تاخرو انا لازم اضمن شي بيدي وراح اوقع مع الشركه الثانيه الكونتراكت مع ارامكوا . عشان ما اخسر الثنتين .


ومثل ما قلت لك في حالة ان شمبلجير اعطت لك كلمه وقالت لك لا توقعي مع اي شركه ثانيه هنا يختلف الموضوع وتكوني ماخذه منهم كلمه وعقد لان الكلام ممكن يتغير في اي لحظه .


والخطر وين يكون . لما توقع مع شركتين العقد وتباشر بشركه وانت اساسا موقع عقد مع شركه ثانيه هنا وضعك خطير .


اسف ع الاطاله واسال الله لي ولكم التوفيق والتيسير