البترول Vs بعثة سابك ؟؟

الموضوع في 'الطريق إلى جامعة الملك فهد للبترول والمعادن' بواسطة عزام, بتاريخ ‏22 يوليو 2016.

  1. السلام عليكم ورحمة الله وبركاته


    بدخل سريع سريع في الموضوع وبإختصار

    أنا قدمت على بعثة سابك وحطوني انتظار
    وجاتني رسالتين من جامعة البترول انو اذا تبي تكمل معنا لازم تطلع من اي جامعة او جهة اخرى أو راح يلغى قبولك فأبي اعرف انو هل صدق ممكن يلغى قبولي ومتى راح يلغى اذا ما انسحبت من سابك (مع العلم اني ما أعرف كيف انسحب منهم اساسًا )ولكن باقي لي كم يوم بس ويردون لي سابك خبر انو اكمل معهم او لا
     
  2. دق ع البترول او كلمهم بتويتر على الخاص يشوفون وضعك حتى ما تسحب عليك سابك والبترول مع بعض
    بس ع حد علمي انك الان مقبول بالبترول واذا قبلتك سابك بينلغي قبولك بالبترول مباشره
     
  3. هممممم فكرت بموضوع المكالمة بس تدري ويكند الحين مو مداومين اما بالنسبة للقبول اخاف تتأخر سابك ويطردوني البترول ):
     
  4. كمل في البترول وسوي اوراقك معاهم عادي زي اي طالب ... حتا لو قبلوك سابك ماراح يوثر في قبولك في البترول لانه في ابتعاث من سابك للبترول فلا تخاف اعرف كثير قدموا عالاثنين زيك وكملو في البترول وجاهم قبول في سابك وناس ماجاهم وماحد انطرد من البتررول ..
     
    • x 1 إعجاب إعجاب
  5. قبولك في سابك ماراح يأثر عليك نهائيا , طلاب كثيرين انقبلوا في سابك بعد الثانوي والحين طلاب في البترول طلاب سابك في نفس الوقت .
     
  6. والله ما عرفت لكم يا جماعة واحد يقول ماراح يأثرون على بعض وواحد يقول لا اذا قبلتك سابك بتطردك البترول مدري متضادين بينكم وبين بعض ومستقبلي اللي ضايع بينكم
     
  7. نسيت اقتبس هذي عشان اوضح اختلاف الرأي
     
  8. اذا تبي تتاكد. روح مبنى المسجل الدور الثاني ادارة القبول. بتحصل احد يفيدك.
     
  9. قبل قليل اتصلت بإدارة القبول وقالوا لي انه ما يلغى قبولك الا اذا وقعت عقد غير كذا انت طالب عندنا حالك حال اي شخص ثاني احنى ما يبان عندنا انك مقدم على القطاع الخاص




    يعطيكم العافية اللي ردوا على الموضوع وحاولوا يساعدوني
    واتمنى يكون الموضوع هذا مرجع للدفعات القادمة
     
جاري تحميل الصفحة...

مشاركة هذه الصفحة