التحليل المالي (vs.(CFA التحليل الفني (CMT)

^^^^
اعتذر بشده منك أخوي M M M لأني توني شفت ردك !!
ابشر ياطويل العمر ،، طبعا مفتاح الفوركس هو التحليل وهذا هو زبدة موضوعنا ،، عطني بس كم يوم ان شاء الله وبدخل بالتحليل ومنها للفوركس،،، وللمعلوميه التحليل اللي بتكلم عنه يمديك تطبق نفس المبادئ للاسهم والعملات والسندات وكل اسواق المال اللي تتخيلها حتى السلع والذكي اللي يربطها مع "هندسة المشاريع" وهذا اللي قائم انا عليه!! التحليل علم كاأي علم "الاكتواري" مثلا!! التحليل هو علم مستمد من علوم كالاحصاء والرياضيات وعلم النفس!!

بالتوفييق اخوي واشكرك على اثارة الموضوع

 

^^^
تسلم لي يابعدي ..

.

.

.
هذا رد بسيط فكرت كثييير قبل مااحطه ولسبب بسيط وهو انه ممكن يحبط بعض اصدقائي المستثمرين "بالعملات" لكن هي الحقيقه المره ومثل ماشفنا بالافلام وكذا دايم تجي البنت وتقول لخويها انقلع انا ما ابيك،، وبعدها يقعد يصيح ويصيح الين مايكتشف انها "خيره" و اخر شي يتزوجها او يصير كاش !!

.
.

اولا الرد طبعا بعيد "شوي" عن موضوعنا ولكن زي ماطلب الشيخ M M M وبعض الشباب ،، راح ادخل بالموضوع <<لازم تحسوا كذا غيمه سودا جتكم ومع صوت رعد من بعيد << موضوعي وبكيفي

ثانيا احب اقول لاخواني الفوركسيين بان هذا الرد حقيقه وليس خيال ولكن اذا ماكنت مطلع مره بموضوع الفوركس "سوق تداول العملات" ممكن تقراه وتقول This is bulls**t ولكن صدقني راح تسحب على الرد (وانا اتمنى هذا) ولكن بعد ما "تغرق" راح تفهم اللي راح اقوله او اللي قلته !!

ثالثا وهو الاهم بان لو تلاحظون باأن،، كم ؟ 90% ؟ من المنتديات العربيه اللي تتخصص بالفوركس<<لاحظوا انا أتكلم عن اللي الفوركس يشكل جزء كبير من المنتدى،،، بحكم خبرتي<<حسيت ان فيها هياط لكن بحكم ناس كلمتهم وقابلتهم ان هذي المنتديات ماقامت الا عشان دعايه لشركات وساطه "تتدعي" با انها تساعدك على تداول العملات !!

رابعا وهو سبب ردي !! اللي راح اكتبه "ويعلم الله" هو كان رد باحد المواقع من النوع اللي ذكرناه وانا انقله "نصا" ولكن بعد ٢٠ دقيقه حذف ،، فا انا رحت وسويت موضوع جديد وسويت اقتباس للموضوع الاصلي وحطيت ردي ولكن بعدها بساعه او ساعتين رجعت ومالقيت موضوعي ولكن لقيت رساله من "مشرف" <<هو كان اكثر من مشرف!!!! و يقول "تعملها مره ثانيه مابتدخل المنتدى"!!! نقطه،،،ويعلم الله ماهي عنصريه ولا شي ولكن كل رؤساء ومشرفين تلك المنتديات هم من جنسيات ... خلونا نقول معينه عشان مانكون عنصرين او ظلمنا احد !!

وهذا هو الرد !!
.
.
الصراحه!! ولا اقصد بالمنتدى ولا اعضاءه والمشرفين بكلامي ،، ولكن بعد كلامي اتمنى ان احد "المشرفين" يفيدني ليش الموضوع هذا خذا باع طويل وكل المشرفين ردوا على الموضوع بالقسم اللي كل مواضيعه نايمه وبنفس الوقت مافيه اي رد او موضوع لصاحب الموضوع/المشكله اللي اختفى "الرجال "يتهم" بانه خسر ٢٣ الف دولار بسبب هالشركه وانه فيه صفقات اغلقت وفتحة دون علمه وصار نقص بالرصيد بدون علمه مع انه دفع ٢٢ دولار عشان اكسترا سيكورتي "،،، ولا حتى اثبات بانه رجع له حقه!!،،، هل كل اللي تقولونه صح لذلك الشخص ماقدر يرد عليكم لانكم افحمتوه بالحقيقه او انه "ماقدر يرد" لان المنتدى داعم وممثل للشركه اللي يتهمها صاحب الموضوع!!

ولكن اكتشفت"من زمان ولله الحمد" ان سوق العملات للاشخاص اللي ودهم يخسرون فلوسهم <<طبعا قلت سوق العملات ،، سوق عملاتـنا كاعرب للاسف!! يحتاج تعدييييل والمضاربين يحتاجوا انهم يعرفون بان هذا السوق لييييييس لاصحاب رؤوس الاموال الضعيفه وبالعربي اذا ماعندك راس مال اكثر من ٤٠ الف دولار لااااا تدخل!!! وبرضو اذا عندك المبلغ ادخل ديمو وجرب وجرب وجرب وبرضو جرب اذا حسيت انك فاهم<طبعا بعد التعليم النظري،، وعندك استراتيجيه صلبه "اقل اختبار للاستراتيجيه ٦ شهور" وباقي صلبه وتحدد اهدافك،، فا أنا اقولك ان شاء الله رأس المال (٣٠ او ٤٠ الف) يمديك تجيبه "اذا الاهداف تحققت كا هدف السهم!! " وانا ماقلت ٦ شهور عبث!! ولكن زي ماالبعض يعرف الست شهور عباره عن نصف سنه وهي اللي يتم عقد جلسات "كاربع سنويه" لمجلس ادارات الشركات وتغيرات بكبرى الشركات الامريكيه والاوربيه واليابانيه <<وهذا اللي يهمنا "كا دول عملاتها تقود السوق" وايضا خلال الست شهور من بداية كل سنه يتم اعلان كثير من الامور اللي تهمنا كا معدل العطاله ومعدل الدخل والمخزون القومي وغيره وغيره وبرضو هنالك من الامور السياسيه اللي ممكن تأثر على عملة بلد!!

سؤال ليش فيه بنوك عضمى بالعالم العربي بخبراتها و رؤوس اموالها ماعندها موضوع التداول "اللحظي" بالعملات؟!! كثير هنا مستثمرين عرب يقولوا ان البنوك اذا فيها "طريقه" تساعدنا بالتداول فاهذي الطريقه راح تاخذ رسوم عاليه ،،، طيب هل في يوم فكرتوا ليش ان فيه بنك مثلا "كا البنك العربي بالسعوديه" ياخذ اضعاف الرسوم اللي تاخذها شركة "حنا نخليك مليونير!!" <<اتوقع ان الجواب واضح !!!! "فيه عضو "جامد" هنا قال (ليش البنك العربي يحطون رافعه بمقدار ١٠ او ٢٥ بسسس ليش ترا العالم تطوروا ووصلا لرافعة اكثر من ٢٠٠!!)<<ياليت يعرف ان هالشيء ضده!!

السوق صعب! لا والله ماهو صعب ،، ولكن صعب جدااا!! وللمعلوميه ممكن البعض مايعرفها وهو ان فيه هناك اكثر من نوع لشركات الوساطه "و كلها مرخصه!" ولكن فيه شركات DD وفيه شركات الـNDD وبرضو فيه STP وكلها لععععب الا ممكن الاخيره!! وبرضو فيه افضل من ذولي وطبعا بعضكم حتى مايعرف ايش هذي الرموز وراح يبحث عنها بقوقل!!

طلب اخير !! اعرفوا ايش الشركات اللي انتم تشتغلوا معها ،،، واعرفوا كيف "تجاورون السوق" غلط اللي يقول انا ابي اسبق السوق بتوقعاتي وتحليلي وغلط اللي يقول انا راح اغلب السوق ،،،،،،،
،،،،،، واخيرا ياليت تقرأوا وتفكروا بقوله عز وجل،، قال تعالي " وَسَخَّرَ لَكُمْ مَا فِي السَّمَاوَاتِ وَمَا فِي الأَرْضِ جَمِيعًا مِنْهُ إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ" الجاثية 13

And Have A Good Hunting Everyone