التحويل لجامعة حفر الباطن .. ؟

ما ادري عن الجامعات الثانية لكن بعض الجامعات مثل البترول تسال عن مدة التوقف عن الدراسة, فا تاكد من ه النقطة في الجامعات الثانية

 

كانت ( الكليات الجامعية التابعة لجامعة الملك فهد للبترول والمعادن ) جاء أمر ملكي بإنشاء جامعة حفر الباطن فصارت جامعة الحفر ، بالنسبة للتحويل ما ادري اذا يقبلونك أو لا ، لأن من شروط التحويل أن معدلك مايكون اقل من ٣ من ٥ أو ٢ من ٤ + انت جونيور الآن ومن الشروط انك تدرس ما لا يقل عن ٥٠٪‏ من متطلبات التخرج بالحفر وهذا رابط شروط التحويل للجامعة : -عمادة القبول والتسجيل | جامعة حفر الباطن لكن حاول وقدم طلب ما راح تخسر شيء .

- بالنسبة لسمعة الجامعة ما اعرف خريجين كثير لكن اللي اعرفه انهم يتوظفون بالكهرب وسابك وارامكو ومعادن .
+ المناهج نفسها تماما ففرصة معادلتك للمواد افضل بشرط تكون جايب C وفوق ، الD ما يعادل لك . واغلب الدكاتره الموجودين حاليا من البترول فما راح يختلف عليك النظام ، وشادين جدا على الطلاب لازم تشد حيلك .
+ كلية المجتمع موجوده الى الآن ومعتمده برامجها من ABET ( دبلوم عالي او مثل مايسمونه درجة المشاركة ) .

اتمنى اني افدتك واذا عندك اي استسفار انا موجود .

 

تبي نصيحتي روح لجامعة فيصل بالأحساء عند أهلك , لا تنشغل بموضوع الاعتراف وقوه الدراسة خلاص , أنت اخذت فرصتك بالبترول وماقصرت فيها حاولت لكن ما قدر الله لك تكمل فلا تشغل بالك بالشهاده حاليا, أنا اشوف انك تقدم على فيصل اكيد عندهم نظام تحويل سنوي مثل أغلب الجامعات , انت خذ أوراقك والسجل الاكاديمي وحاول تقابل عميد القبول هناك واذا يقدر الدكتور سعيد الشهراني يكتب خطاب للملك فيصل برضو راح يساعدك في القبول , لان خوفي التعثر بجامعة البترول كان سببه البعد عن الأهل فإذا قربت من أهلك ممكن تبدع أكثر

وشف أغلب الجامعات أخس من البترول من ناحيه الأنظمة وسهوله التعامل وهذا الحال بكل مكان صدقني فطووووووووووووووووووول بااااااااااااااااااااااااااااااااااااااااااالك معهم لا تعصب ولا تتنرفز اذا شفت الوضع فوضى لان هذا حال أغلب الجامعات وتعاملها مع الطلاب

 

السلام عليكم اخوي , انا خريج جامعة حفرالباطن. بالنسبة لجامعة الحفر فالكروكلوم اللي هو المناهج الدراسية نفس البترول, لكنها خلاص انفصلت. واتوقع اسم جامعة الملك فيصل كشهادة اقوى من الحفر مع ان جامعة الحفر شادة حيلها عشان تحصل ABET للبكالوريوس ولا ادري عن الدبلوم. بس حتى ولو انا تخرجت من جامعة الحفر بمعدل عالي ( بحكم انها اسهل من البترول بمراحل) واكثر الشركات يتواصلوا معي لما اقدم عليهم بسبب المعدل (يعني اسم الجامعة مو كل شي). والدكاترة والمواد تساعد انك تكون فاهم بتخصصك. يعني باختصار جامعة الحفر فهم ومعدل مقدور عليهم. وحتى الطلاب اجتماعيين و يحبون يتعرفون على الناس بكل مودة .

فأنت استخر وشف اللي افضلك. واهم شي رضا الله والوالدين ثم الراحة النفسية, ولا الرزق مكتوب لك قبل لا تنخلق.