التحويل من هندسة الى ادارة

وعليكم السلام ...
وش تخصصك عشان الشباب يفيدونك ..
وش السبب انك تواجه صعوبات في مواد التخصص اذا هو تقصير او طريقة المذاكرة و متابعة المواد خطأ في الحالة ذي لا تحول حاول تعدل من طريقتك ولو تعرف شباب مستواهم ممتاز او جيد اسئلهم خاصة في المواد الي تواجه صعوبات فيها ... احيانا طريقة المذاكرة تكون صح لكن اشيا ء بسيطة تخرب عليك فلا تحول بس لأنك جبت العيد في المياجر ومن هالكلام .. هذا اول سمستر لك في السفمور يعني مابعد تتعود وتعرف مواد تخصصك صح ..
ولو كان معدلك اقل من 1.5 كان قلت لك فكر بالتحويل لكن 1.8 يعني في فرصة كبيرة انك ترفع معدل وتحسن من وضعك

وبخصوص التحويل للإدارة اذا انت حاب تخصصك لاتحول للإدارة الا اذا انت تأكدت انه مافي امل تكمل في تخصصك .. وما اتوقع تقدر تحكم على نفسك لأن مثل ماقلت من قبل هذا اول سمستر لك في السفمور . لا تتوقع كل الشباب الي تخرجوا من الجامعة كانوا مبدعين في كل السمسترات !
فيه بعضهم بدأ الفريشمان وكان مستواه لك عليه ومع الوقت تعدل وضعه لكن اجتهد وصحح اخطاءه ونفس الوقت فيه ناس للأسف ماتوفقوا ويمكن طلعوا من الجامعة فإذا انت حريص وحاب تخصصك و ودك تكمل في الجامعة شد حيلك واعرف وين كانت اخطائك .. يعني فيه شباب يجيب العيد في المياجر وتصير عنده ردة فعل عكسية فيقوم يذاكر وبس لكن طريقة مذاكرته ماتغيرت فيعني هو يكرر نفس الخطأ لكن مع جهد أكبر والنتيجة راح تكون نفسها ويمكن أسوء فأرجع واقول
(( اعرف وين كانت اخطائك ))

هذي مواضيع يمكن تحمسك انك تبدع وتستفيد من تجارب غيرك
The Story of My Life - الصفحة 5
جولة في الترانسكربت :: ورحلة رفع المعدل الى فوق 2 تجربة رائعة من ورننق2 الى فرست اونر - الصفحة 2
أنت قادر بإذن الله على رفع معدلك من 1 إلى 2 وإلى 3 ... إليكَ المفاتيح

الله يوفقك يا نواف وصدقني الله مايضيع تعب احد حاول تجهتد وتصحح اخطائك وطريقتك لو كانت خطأ واستمر في تخصصك الي تحبه ولا تحول لتخصص بس لأنك سمعت انه سهل وبإذن الله اخر سمستر لك في الجامعة راح تجي تشوف هالموضوع وراح تبتسم وتحمدالله انك ما استعجلك

بالتوفيق

 

وفقك الله وسدد خطاك,,
اجلس مع نفسك بهدوء و في مكان هادئ و حاول تحلل المشكلة:
داؤك منك وما تبصر و دوائك فيك وما تشعر

إذا المشكلة في طريقة المذاكرة, غيرها للطريقة المناسبة واستعن بلجنة التوجيه والإرشاد.
أما إذا إمكانياتك ما تقدر تكمل هندسة فاسأل طلاب إدارة عن تخصصهم و طبيعته و كورساته عشان تكون على بينة و انت تحوٌل.

و بشكل عام الإدارة أسهل من الهندسة.