حقوق ملكية ! انا معها تماما .. و أؤيدها لكن للضرورة أحكام ! اذا انا طالب و ما عندي اي نشاط اسويه في اليوم الا الافلام و المسلسلات و المذاكرة طبعا .. اذا شلت التراكر راح اغلب نشاطي الترفيهي .. و في النهاية ما بيتغير شي كثير في الحقوق الملكية .. يعني هل فيه شخص عاقل (اذا تقفل التراكر) بيروح يشتري الفلم ؟!! امس طلعت قهوة .. و خسرت وقت كبييير بس عشان احمل حلقة مسلسل (True detetive) .. يعني ما خدمت الحقوق الفكرية بأي شي و صار هارديسكي كل يوم في غرفة واحد من الشباب ينسخ افلام و مسلسلات .. يعني ما فيه احد بيستفيد أبدا من الغاء التراكر .. لأن الشركات (صاحبة حقوق الملكية) ما بتستفيد و ما احد بيشتري افلامها من جامعتنا كما أسلفت .. لأن الفلم و ببساطة يساوي ربع دخل الطالب شهريا ! و إذا كان الغاء التراكر "شر لا بد منه" .. أين البديل ؟!! لا تعيشني سنين على التراكر .. إلى أن صار أساسي في حياتي .. و بعدين تلغيه بدون سابق إنذار و بعدين على الأقل افتح قنوات الأفلام .. زي ما تشترك الجامعة في قنوات الجزيرة الرياضية ليه ما تشترك في شوتايم او HPO ؟ ههههههه ادري ما فيه امل .. بس عطونا على الأقل MBC GROUP .. و القنوات تشتري حقوق الافلام على الأقل و تقطعها معليش اذا كان كلامي غير مرتب .. لكن والله طالع من قهررر .. قهر من مشاوير بتتركب بس عشان احمل فلم ! و في الأخير .. اذا بتقتلون التراكر .. عطونا فرصة نودعه .. عطونا يومين على الأقل نحممممل الين نقول بس بعدين شيلوه !
الهرجه زي منع الدخان في مكه منعو بيع الدخان يباع في البقايل لكن في بقايل معينه تبيع وماعليها في اي احد ليش الحكومه سامحتلهم انا اعتقد انوا لو منعوا الدخان بتاتا ,الشباب راح يحولوا على المخدرات اللي ارخص ومنتشره حاليا فلو منعو التراكر في طلاب راح يجيبوا برودباند ويحملوا بدون رقيب ولا حسيب الشي الوحيد اللي مانع الطلاب عن شراء نت خاص لهم داخل حرم الجامعه هو انو فيه التراكر فيشوف انوا خساره يجيب نت في غرفته اذا التراكر موجود اما اذا راح التراكر راح يضغط على نفسوا ويجيب نت خارجي ولاجاب نت خارجي انفتح عليه باب من زمان كان منقفل في نت الجامعه الا وهو باب الhotspot
+1000 ونعم فيك والله كلام مررررة سليم مررررررررررة طفشان لدرجة اني بديت اقرا في كتاب الفيزياء ووووع ياتصلحون المشكلة او تشوفوون لكم حل وش ذا الطفش ياجامعة تروننا بعيدين عن اهلنا واحبابنا والتراكر متنفسنا الوحيد في هذه الغربة الموحشة
يجب أن يعود التراكر جزئيا ... وفورا وبدون نقاش .. فيه أقسام لايوجد عليها مخالفات نهائيا .. وتغلق البقيه حتى حل المشكله ... بس نظام الكسالى .. قفله كله .. وبعدين فكل بالحل .. مايصلح .. وخاصه إنه ما فيه جدية ... المفترض ( وقت الإجازة .. ) تحلون المشكلة كاااامل .. وترجعونه بأي شكل .. مو إذا بدت الدراسة تقفلونه ..
للمرة الأخيرة ، المشاركات المخالفة والتي لا تمت للموضوع بصلة سيتم حذفها والتبليغ عنها حتى تخالف عضويته
ماني فاهم الحين اش الردود الي خارج الموضوع . اي رد من الردود الي تشوفها خارج الموضوع لو تم فتح موضوع جديد لها راح تعتبر متعلقه بالتراكر و يتم حذفها بحجة انه هذا الموضوع الوحيد الخاص بمناقشة اي امر متعلق بالتراكر ممكن توضح الردود السابقه الخارجه عن الموضوع عشان نفتح لها موضوع منفصل لو حبينا نتناقش فيها
معناه ردود الموضوع هذا تكون عن مشكلة صارت تتعلق بالتراكر أو عندك حل لاحد المشاكل غير كذا تكون " خارج إطار الموضوع " هرج وسواليف مكانها مو هنا
اوكي .. مشرف و على عيني و راسي و اذا كان هذا نفس حسابك في التراكر .. فانت واحد من اكثر الناس اللي خدموني في الجامعة لكن .. حذف و مخالفة الردود خارج الموضوع !!!!!! من حقنا نعبر .. و في جميع اقسام المنتدى فيه ردود خارج الموضوع .. و ما عمري سمعت بمخالفة او حذف الا اذا كانت تحتوي على اساءة او تجريح بالآخرين , معلومات خاطئة ....الخ و في النهاية .. وضعنا بدون تراكر و افلام مأساوي ! و احس ان اغلاق التراكر أمر منتهي .. لكن الجامعة ما تبغى تفاجأ الطلاب و تسبب لها مشاكل .. لكن يعطونا امل بسييط انه بيرجع .. و كل يوم يقل الأمل الين يقتنع و يتأفلم الطالب مع الوضع
طيب ليش ما نفكر في حل أفضل سمعت أنه الطلاب كانوا يستخدموا الشير من قبل لكني ما لحقت عليه والطلاب عددهم بالآلاف وأعتقد أنه ما احد يمانع يتبرع بمبلغ بسيط كريلات أوفر من اشتراك نت خارجي وأضمن
أنا ما قلت لا تعبر عن رأيك لكن الموضوع له هدف واحد وهو مناقشة التراكر وأموره ومشاكله لكن مثل اللي حاط صورة " نوع من النباتات " ما أدري اش هو أصلا وش دخله بالتراكر ؟؟ أتمنى توضح القكرة ولا نشوف مثل هذه الردود
هذا الموضوع الوحيد المسموح فيه مناقشه امور التراكر يعني لو اكتب قصيدة بالتراكر اكتبها هنا هذا الشيء المعروف لان ادارة المنتدى ما تبي اي موضوع في اي قسم كان يتكلم عن التراكر === واخيراً ، رأي الشخصي في موضوع التراكر هو انه ماراح يفتح مرة ثانية وسالفة حقوق النشر سالفة كلها تضليل على الحقيقة وبالنهاية راح يفتحون التراكر "التعليمي" فيه كل شيء بخصوص المواد فقط والاشياء التعليمية ولا ننسى الامور الدينيه عشان ما يزعلون ويقفلون بعد التعليمي وشكرا اخر رد لي بالموضوع هذا
اول ما ما اعادوا التراكر قبل ثلاث سنوات كان الطلاب مسؤولين عنه و لكن اي شخص ينشر محتوى مخالف يحذفوه و يبلغوا عمادة شؤون الطلاب و كان وضعهم سليم ما عليهم اي مسؤولية تجاه حقوق النشر لكن هم خربوها و دخلوا نفسهم بالموضوع و صار الاي تي سي مسؤول عن التراكر و أي مشكلة بتكون الجامعة مسؤولة عنها الحل انهم يرجعوه للطلاب و يتركوا نظام ان التسجيل يكون بإيميل الجامعة زي ما هو الان
يبدو أنه " بلغ السيل الزبى " وانترنت الجامعة صار ما يسمن ولا يغني من جوع . على كلّ حال ، الشكر كلّ الشكر لجميع من كانوا يبذلون قصارى جهدهم ليحافظوا على بقاء التراكر من أجلنا *قلب* .