التعليم العالي تحذِّر المقبولين في الجامعات من التقديم لبرنامج الابتعاث

زين ما سو
بداية حلوه

 

انا بصراحة لا أؤيد هذا الكلام

فمثلاً احد الطلاب يريد الالتحاق ببرنامج خادم الحرمين الشريفين للإبتعاث وتعرفوا انتم التسجيل ما يبدأ الا بعد التسجيل وارسال الوثائق في الجامعات , فهل هذا الطالب مايسجل في الجامعات علشان يُبتعث , يعني هذا الطالب يضمن الابتعاث علشان ما يسجل في الجامعات؟؟

هذا مجرد رأي فقط لا غير

تقبلوا مروري
^ـــــــــــــــ^

 

إحنا مشكلتنا قراراتنا مفاجئه ماتجي بدون تهيئة المجتمع لمثل هالنوع من التغييرات ....


ساهر مثلا .. حطوه فجأه وبشوارع تعبانه على ناس ماعندها ثقافه مروريه أبدا أبدا أبدا ...


هالقرار هذا يحل مشكلة أن الطلاب ياخذون مقاعد على كيف كيفهم ثم يختارون اللي يبون ... لكن يجيب مشكله أكبر من كذا أنك تخلي الطالب مايختار على راحته والكثير راح يتأثر بالموضوع هذا .. جودة الطلاب رح تقل لأنه مع مشكلة أنه الأهل يغصبون الخريج على نوع معين من الدراسه ( تخصص أو جامعه ) .. أنت كذا حكمت على مستوى الطلاب (((((( بالبقاء كما هو لمده أطول ))))))) !!!!



وبرغم ذلك .. تقدر تحل هالمشكله بالدفعات .. فبلوا 3500 .. وإنسحبوا 1000 .. نزل دفعة قبول أخرى .. وسمها دفعه متأخره .. على السمستر الثاني مثلا ... !!



أنا شبه متأكد لو أنهم عملوا إستفتاء بالقرارات هذي وأشركوا فيها الطلاب وأولياء الأمور والجامعات .. رح يكون فيه قرار آخر .... !!


الحلول اللي من طرف واحد عمرها ماتنجح ... مع ذلك




نتمنى التوفيق والصلاح والفلاح للأمه ككل ... وننهض ونرجع لسابق عهدنا ....

يقول الباري ..
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)

 

يعني الي قدم على البعثة ينلغى قبوله ؟؟
لاني قدمت قبل ما اعرف بذا القرار

 

لو نظرنا للموضوع بانصاف هم قصدهم الطالب الي درجاته عالية يقدم عالبترول والمعادن ويتم قبوله . ويقدم على الملك عبدالعزيز . ويتم قبوله . ويقدم عالابتعاث ويتم قبوله . وفي الاخير حجز 3 او 4 مقاعد

وكلنا نعرف ان اغلب . بل معظم الجامعات يتم القبول فيها بالتفاضل . وش ذنب الطالب ابو درجات نازلـه

اعتقد قرار صائب .

 

تمّ دمج مشآركآت موضوع روح آنسآن مع هذآ الموضوع ..

يعطيكم آلعآفية [ روح آنسآن / آبو عزّوز ]

 

طيب ليش مايقولون هالكلام من بدري ؟؟

القرار جيد لكن توقيته متأخر

 

وزارة التعليم العالي ,, من خلال خاطلاعي وتعاملاتي معهم

لا اثق باي كلام يصدرونه وبذلك اعني الجهه المسؤوله عن الابتعاث

فقراراتهم دائما تنافي الوآقع

\\

 

أحس السنة هذي كثير إلي بيطلعوا أبتعاث وهم خريجين شريعة و معدلهم 60 .


الكلام الحقيقة يقال : على أيامي كان يجي القبول بالأبتعاث قبل الجامعات فالناس تهون من الجامعات وتطلع أبتعاث .
الفترة الأخيرة صار العكس و شيء عادي

الحين الوزارة تقول محتقبل إلي قبلوا بالجامعات يعني إلي معدلة فوق ال90 راح عليه الأبتعاث بما أنه كل الجامعات تقريباً نزلت المقبولين .

يعني بالعربي محيبتعث إلا إلي معدلة 60 وشريعة وواسطة .......

اللعبة جداً مكشوفة مع أحترامي الشديد !

 

المفروض الطريقة في قبول جميع الجامعات تكون موحدة وتكون كالتالي :

1-الطالب المنتف يدخل على بوابة رقمية لوزارة التعليم العالي .
2-يحط كامل أوراقة بها مع أنه المفروض تكون خلاص شيء إليكتروني التصديق
3- يختار ثلاث خيارات بالتفاضل بحيث لو قبل في الاولى لا يعاد النظر لملفة
4-لو قبل في أحد هذه الثلاث خيارات يوضع في قائمة الأحتياط للخيار الأعلى
5- لو ماقبل في أي من الثلاث يطلب منه أختيار 5 خيارات الوزارة تحدد الرينج حقها (يعني تكون الجامعات إلي أكتفت مو داخله ) وضمن له الوزارة واحد من ال5
6- مرحلة مفاضلة جديدة ويتم التوزيع من جديد .

كذا 90% من الطلاب حياخذ حقة وزيادة و بدون لف ولا تعب ولا هوشة راس .

لو بعض الجامعات تبي مقابلة ومدري وش ......... ممكن يكون هالنظام قبول مبدأي مشروط

ويكون للطالب الحق في الدخول كل ترم للتقديم .





حل بسيط و ينظم الشغلة و يقلل الواوات المنشرة اليومين ذي

 

مع احترامي الشديد ,,, الحل أكثر من غبي!!!
الجامعات رح تقبل أفضل الطلاب بالتفاضل , وكل هذول المقبولين رح تلغى فرصتهم من برنامج الابتعاث وما رح يبتعث إلا ناس ما قبلتها الجامعة من الأساس عشان درجاتها نازلة!!! أو ناس ما قدمت عالجامعة من الأساس عشان الإبتعاث , وما أعتقد إن اعدادهم كبيرة لأن الطالب دائماً يلعب عالمضمون!

في 1000 طريقة تلاقي حل للموضوع بدون ما تحط الطالب بموقف ممكن يخسر فيه الفرصتين!

بعدين هالكلام ينطبق عالجامعات ,, يعني طالب البترول أكيد أنه قدم على جامعة الملك سعود ,, وبطبيعة الحال مدام إنه نقبل في البترول معناها إنه انقبل بسعود! , وكذا أخذ مقعد هنا وهنا قبل لا يصير موعد تقديم الأوراق

في كثير دول وعربية حتى! ماهي متقدمة عندها آلية فرز ممتازة بحيث كل واحد ياخذ مقعد واحد وانتهينا,,

الموضوع ماهو طلوع على سطح القمر ,, خصوصي بدولة فيها إمكانيات ما شاء الله ممتازة ,, يعني الموضوع ممكن يكون إلكتروني , لما الطالب ينقبل بابتعاث وجامعة يخير مباشرة ويعتمدله كرسي واحد وينحذف اسمه من المكان الثاني ويقبل غيره ,, ممكن تتم العملية خلال إسبوع مين قال إنو لازم نتائج القبول تطلع كلها بيوم واحد؟؟

والمفروض إنها تتوحد مواعيد القبول عند وزارة التعليم العالي بغرض التنظيم ,, مو جامعة بيوم والثانية بعدها بشهر بحيث إن الطالب ينجبر يقدم ملفه وبعدين يسحبه! وكلنا يعرف إجراءات السحب والحوسة إلي فيها,,

الحين كل هالإقتراحات جتني وأنا قاعد أكتب الرد ,, يعني العملية ما تحتاج مفكرين واستقطاب خبرات أجنبية ,, بدل الحوسة هذي .

 

كلام فاضي ، وكل سنة يتكرر ...

أغلب المبتعثين إذا مو كلهم ، كانوا بجامعات المملكة ودرسوا كم شهر لين ما طلعت اسماء المقبولين .. وانتهت الاجراءات ..

يعني أخذوا مقعد من جامعة سعودية ، ومقعد للابتعاث .. وهذي مشكلة الوزارة ..

مثلا: أعرف واحد من الشباب تخرج من الثانوي وقدم على الجامعات السعودية والابتعاث ..

وتم قبوله في البترول .. فراح البترول لأنه مو ضامن إن الابتعاث يقبله، وبعد كم شهر من الدراسة طلعت اسماء المقبولين في الابتعاث ، وراح ابتعاث .

وكثير كثير من المبتعثين كذا ..


___

** وجهة نظر ، وإن لم تكن في صلب الموضوع : إيقاف ابتعاث الملك، وجعل الابتعاث خاص بالقطاعات ..

كل شركة تبتعث وكل مؤسسة تبتعث، منها : الدولة ما تتكفل في ميزانية مبتعثين ، والشيء الأهم إن يكون المبتعثين كلهم ضامنين الوظائف في الشركات التي ابتعثتهم .

يعني لا ميزانية على الدولة للابتعاث + تقليل نسبة البطالة .. وما راح يبتعث إلا اللي قدها وقدود .. لأن الشركات راح تحرص انها تاخذ الطلاب الممتازين، مو مثل اللي صاير الحين ناس داشرة تصرف عليها الحكومة ملايين على الفاضي !!

واسألوا المبتعثين :d

حاليا ما فيه إلا أرامكو وسابك والتأمينات .. طيب باقي المؤوسسات والشركات الكبيرة .. وينها؟


بالتوفيق للجميع؛؛؛؛