التفاوت بالعروض الوظيفية المقدمة من جهات التوظيف!!

اذا هالحال...اختار الامان الوظيفي في الحكومي

 

وعليكم السلام ورحمة الله وبركاته..

تعتمد على هل الجهة هي المستفيد المباشر منك؛ أو تعتبر مقدم خدمة لعميل.. اذا مقدم خدمة؛ فراتبك يعتمد بشكل أساسي على المستخلص المعتمد.. في مجال التشغيل والصيانة اكثر من شخص قال لي انه في حدود اللي جاك يقل شوي او يزيد شوي..

اللي انا اسويه وقت العروض الوظيفية اني اطلب رقم معين؛ اذا وافقوا رضيت وما سألت عن ميزانياتهم.. واذا رفضوا كملت شغلي وانا مرتاح البال.. مرتين ولله الحمد نجحت؛ وفي كلها كانت الزيادة تقريبا 30 ٪

َفي الأول والأخير؛ الرزق من رب العالمين.. الله ييسر لنا ولك البركة فيه

بالنسبة للخبرة.. السعودية إلى الآن ليست دولة صناعية؛ لذلك يندر - مقارنة بعدد الوظائف المتاحة - انك تلقى وظيفة تخصصية بحتة.. طور نفسك في المهارات الإدارية؛ وخذ دورات في المجال اللي تشتغل فيه؛ إن كان صيانة أو إنتاج أو جودة..

 

تقريبا هذا range لرواتب مهندسي الميكانيكا في السوق لكن قبل ماتقرر تطلع لشركة ثانية تحط لك معايير أهمها : زيادة الراتب على راتبك الحالي واسم الشركة اللي بتطلع لها لأن اسم الشركة مهم جدا وداعم لسيرتك الذاتية وهل position اللي بتنتقل له فيه استمرارية في خبرتك في شركتك الاولى أو لا وهذا مهم جدا ، يعني ماينفع مثلا خبرتك صيانة وتروح بعدها إنتاج أو سيفتي !!

واللي ماشي فيه حاليا انت توزيع مهامك مابين التكنكال والادارة هو الصح لأن أنت تحتاج حاليا تكنكال وبعد فترة لازم تكون اداري وكل مازادت خبرتك كل ماصرت إداري أكثر من انك تصير مهندس

 

وعليكم السلام ورحمة الله وبركاته

نفس ما قالوا الاخوان هذا حاليا هو متوسط الرواتب للمهندسين بشكل عام الي خبرتهم من ٢ الى ٤ سنوات

واهم نقطه اشوف انك قبل ماتغير شركتك شوف هل الشركة الي بتروح لها فيها مسار وظيفي تقدر تترقى فيها بين المناصب

مثلا بعض الشركات يكون القسم يبدا من فني ، مهندس، رئيس قسم ، مدير ادارة.

وبعضها نفس المصانع الكبرى مثل مصانع الاسمنت يبدا من فني، مهندس منطقه يكون فيه junior و senior، مشرف منطقه، رئيس قسم، مدير إدارة
يعني يكون فيها المناصب متعدده تقدر تترقى مو تقعد سنين بنفس منصبك بسبب انه مافيه شواغر

والله يوفق الجميع