الحرس الوطني

الحرس الوطني اي مدينه
وهل الوظيفه في التشغيل الذاتي

 

الله يوفقك اخي الكريم

كيف قدمت عليهم؟؟

 

انا اعرف ناس في فرع الرياض .. اسم الجامعة (جامعة الملك سعود بن عبدالعزيز للعلوم الصحية) وهي تبع الشؤون الصحية في الحرس الوطني. ما ادري اذا في المستقبل راح تنظم لوزارة التعليم العالي ولكن حاليا وضعها جيد.

من ناحية الدوام دوامهم من 8 إلى 5. بيئة العمل ممتازة، ومن ناحية التطور الوظيفي فهي توها بادية وتشهد تطور كبير جدا، لكن بخصوص الدورات وغيره الأفضل انك تسألهم وتتأكد اذا بيعطونك دورات وبيطورونك أو لا.. الأكيد انها موب زي ارامكو أو سابك من ناحية الدورات وتطوير الموظفين .. عشان كذا لا تحط الراتب في المرتبة الأولى في اختيار الوظيفة، إذا حصل لك في ارامكو أو سابك أكيد أفضل.

بالتوفيق اخوي

 

أنا موظف في الأحساء لكن في المستشفى (الرواتب نفسها سواءا المستشفيات او الجامعات)

بالنسبه للرواتب فهي خاصه وتختلف عن وزارة الصحه (مالنا علاقه بهم أبد)



بيئه العمل احترافيه ومميزه جدا, اللعاب بيتعب (التحضير الكتروني من خلال النظام), يهتمون فيك كثييير وبالنسبه لهم الموظف (استثمار).


الرواتب مجزيه جدا جدا (تخصصي IT), جاني عرض من سابك والكهرباء واحد البنوك, كلهم ما يصفون جنب الحرس الوطني, سواءا بيسك او فل باكيج. بالاضافه الى العلاج في مستشفيات الحرس, أيضا عندهم نظام القروض مثل الشركات الاخرى, اعرف اصحاب خبره بين 10 الى 15 سنه, رواتبهم ان لم تكن مثل أرامكو وسابك فهي أعلى منها.



عموما الحرس تجربه مميزه جدا خصوصا ان البيئه multicultural راح تحتك بناس من كل مكان, أيضا وللعلم البيئه اختلاط وما يفرقون بين الرجل والمرأه وظيفيا, لكن اذا فيك خير فكر تتحرش او تقط كلمه منا والا منا. ثاني يوم انت برا.



الأقسام الاداريه كال IT والصيانه والتخطيط والموارد...الخ الخ. تعتبر جديده على المستشفى والجامعه ونقص الكوادر واضح والترقيات سريعه (في السابق كانت هذه الادارات في الرياض, أما الآن مستقله)

 

هل بيوظفونك كمهندس ضابط او مهندس مدني ؟

 

استخر الله اولا واخرا

بالنسبه لبند التشغيل والصيانه له سلم خاص
اكتب في الجوجل "سلم بند التشغيل والصيانه"

احلى فرع للحرس في الاحساء
وبصراحه من اي مدينه كنت وتعينت في الاحساء والله ترتاح
الحساويه طيبين ولا هم حول ازعاج ولا شي ما يجي 7 المساء الا كلا في بيته

اذا انت على البند التشغيل والصيانه للحرس الوطني
احتمال الدوام من 7 - 3 وفيه 4 ساعات يوم السبت
راتبك حديث التخرج على المرتبه السابعه الدرجه الثالثه اللي على السلم الخاص بهم
اساسي 9675 + 700 بدل نقل اعتقد في 25% بدل سكن

اما اذا انت في الحرس الوطني للشوون الصحيه التشغيل الذاتي
رواتبها لا باس بها ودوام من 8:30-4:30
والراتب اذا حديث التخرج 7740 اساسي + 700 نقل + 25% بدل سكن

 

الحرس الوطني جانبين :

1-الجانب العسكري ( لا علاقه له بالموضوع)

2-الشؤون الصحيه وتنقسم إلى :

-المدينه الطبيه بالرياض
-المدينه الطبيه بالاحساء
-مستشفى جده
-مستشفى الدمام
-مستشفى المدينه المنوره
-جامعة الحرس الوطني للعلوم الصحيه بالرياض
-جامعة الحرس الوطني للعلوم الصحيه بالأحساء
جامعة الحرس الوطني للعلوم الصحيه بجده


دامه تابع للشؤون الصحيه (مستشفى أو جامعه) فهو مدني

 

ما لك لوا.

كل ما ذكرته غير صحيح.

الشؤون الصحيه على التأمينات ولا علاقه لهم بالخدمه المدنيه ومراتبها

والدوام من 8 إلى 5 والرواتب أعلى من المذكور بمراحل

 

نقطه للتنبيه : النظام كاملا لا علاقه له بسلالم الخدمه المدنيه ولا تشغيل وزارة الصحه. سلم خاص وحتى العلاوات حسب التقييم (نفس نظام الشركات).


مكافأه نهاية الخدمه : نصف راتب عن أول 5 سنوات, وراتب عن كل سنه بعدها.

الاجازات :

-الاجازه السنويه : 30 يوم
-اجازه تسمى post leave : وهي 10 أيام متتاليه واذا ما اخذتها لا ترحل الى السنه القادمه (تروح عليك)
-الأعياد مع الخدمه المدنيه (عيد الاضحى الماضي اجازتنا كانت 11 يوم)


ملاحظه : المميزات الموجوده في موقعهم غير محدثه حيث لاحظت اختلاف بينها وبين العقد

 

انت تشتغل في it شنو تخصصك وهل تتوقع يقبلون شيئ من التخصصات الإدارية ؟​

 

السلام عليكم ..


يعطيكم العافية يا شباب ..

كيف اقدم عليهم ؟

 

ممكن الموقع طيب ؟

ما لقيته ..!!

 

طبعا, هناك البيئه متكامله وفيها كل شئ, اصلا المباني الاداريه خارج المستشفى اكبر من المستشفى نفسه ههههههههه.


عندك :

-إدارة الموارد البشريه
-إدارة التوظيف
-إدارة الماليه
-إدارة المشاريع (يقبلون اداريين ومهندسين)
-إدارة العقود
-إدارة التموين
-إدارة المراجعه الداخليه
-الشؤون الإداريه
-إدارة الاتصالات (يقبلون اداريين و it ومهندسين)
-إدارة الصيانه والتشغيل (كل ابوها مهندسين)
-إدارة الجوده (يقبلون اداريين ومهندسين)
-إدارة النقل (يقبلون اداريين ومهندسين)
-إدارة خدمات المعلومات (it)