الحمد لله .. قُبِلنا في الجامعة ..!!!!!!!!!!!!

نسيت اقول لك شي لازم تسويه على الاقل مرتين اسبوعيا وهو اللاب ( المعمل)

اذا شفت نفسك فاضي فحاول انك تروح اللاب علشان تذاكر الكلمات الانجليزية الجديدة اللي بتاخذها في الفوكاب وتحل الاسئلة الموجودة في كمبيوترات اللاب

المفروض انك تحفظ يوميا من 6 الى 10 كلمات علشان بعدين يسموك دافووووور الفوكاب وعلشان بعدين تقدر تحل اسئلة الاختبار بسررررررعة لان مشكلة اختبار الفوكاب هو كثرة الاسئلة وقصر الوقت

 

أولا مبروك أخوي على القبول وبالتوفيق ..

ماراح اقول اكثر من اللي قالوه الشباب ..

لكن بالنسبة لي عندي لك نقطتين ما اشيلهم من بالي ابد ..

الاولى: اعتبر نفسك تدرس لاول مرة بحياتك, بالعربي انسى الثانوي, الثانوي غير عن اللي بتشوفه ..

الثانية: فض نفسك للجامعة بقدر الامكان, انسى كل شي حوالينك , خل الجامعة حياتك وربعك وكل شي ..

مع التوكل على الله بتلقى الموضوع وناسة

بالتوفيق

 

الف مبروك على قبولك بالجامعه . واحمد ربك اولا على قبولك في الجامعه لان فيه كثير يتمنون القبول في الجامعه . احرص اشد الحرص انك درجاتك تكون عاليه . وماعليك وانتبه من الي يقولك " يااعمي ليش تتعب نفسك وتاخذ ممتاز ؟ الي ياخذ جيد في السنة التحضيريه " الاوريا " زي الي ياخذ ممتاز " . وبنفس الوقت انتبه من الي يشجعك على الغياب والتاخر عن الحصص لانك اذا كثرت من التاخر والغياب راح تتعود ويمكن لاسمح الله تاخذ درجة الحرمان من الماده " DN " .

بالنسبة لمادة الرياضيات "MATH" ،، في بداية الايام (ممكن) انك تواجه بعض العوائق البسيطه في الماده بسبب انك راح تدرس الماده ( course) باللغه الانجليزيه ولكن مع مرور الوقت راح كل شي يكون تمام معاك وبتحس كانك تدرس الماده بالعربي .

بالنسبة للانجليزي ، الاخوان ماقصرو في الردود السابقه .

اما بالنسبة للجدول اليومي او الدراسي ،، فهذي تختلف من شخص لشخص . على العموم يوجد في الجامعه مرشد اكاديمي او مرشد اجتماعي في قسم شؤون الطلاب ممكن تساله وتتناقش معاه عن اي مشكله تواجهك في الجامعه وان شاء الله ماراح يقصرون معاك .

 

السلام عليكم ورحمة الله وبركاته

ألف مبروك يا ابن المبارك و أسأل الله عزوجل أن تكون مثل ابن المبارك في العلم و القدوة

لا أزيد على ما قالوه الشباب و لكن هناك ترتيب بسيط أرى من وجهة نظري أنه الأفضل للطالب المستجد على الأقل في الأيام الأولى له في الجامعة و هو كالتالي :

1 / حافظ على الصلوات المكتوبة في أوقاتها و دع عنك الترف و تأخيرها فلا تزال الجامعة أمر دنيوي يزول بزوالك أنت و لا يبقى معك إلا العمل الصالح
2/ حاول إيجاد روابط إجتماعية صحيحة في الجامعة من حيث إختيار الأصدقاء الصادقين الذين ترى فيهم أنهم سوف يعينونك على أمور دينك و دنياك و آخرتك و انهم لن يتأخروا عن نصحك إن وجدوا منك تقصير في أي جانب من هذه الجوانب
3/ رتب وقتك بعد الجلوس مع بعض القدامى الموجودين عن طريقة تنظيم الوقت و ما إلى ذلك و لا تجعل وقتك كله للدراسة فتمل و للعب فتفشل و لكن التوسط في الأمور مطلوب
4/ خطوة إيجابية تستطيع القيام بها حتى لا تتوه في إنهاء إجراءاتك أو السكن بأنك إذا كنت تعرف أحدا في الجامعة أن تذهب إليه فورا و تعرف منه جميع الإجراءات حتى دخولك غرفتك
5/ أخيرا و ليس آخرا إنتبه من رفقاء السوء المتلبسين بلباس الناصحين سواء من زملاء أو أي شخص و خذ الحذر دائما قبل الإقدام على أي خطوة و خذ رأي أهل المشورة

ملاحظة بسيطة :- لا تنساني من صالح الدعاء بظهر الغيب و جزاك الله خيرا
وسوف تذكر كل كلامي هذا عندما ترى نفسك قد بلغت مكانا في العلم الشرعي و الدراسة الجامعية و أسأل الله تعالى لنا و لك التوفيق و السداد و صلى الله على سيدنا محمد و على آله و صحبه و سلم

 

مبروك عقبال ما تتخرج من الوريا وتطلع الجبل

يااوريا ياغالي ترا الجبل عالي

 

تحذييييييييييير

الف الف الف الف مليون مبروك على القبول وعقبال الاونرز ((التفوق)) إن شاء الله
والتخرج بإمتياز

الصراحة بالنسبة للنصائح فالشباب ماقصروا قالوا كل اللي مفروض ينقال <<<يعطيهم الف عافية


بس انا حبيت احذر وانت في السكن .......نصيحة أخوية .......


إذا بتطلع من الغرفة لأي سبب من الأسباب قفل الغرفة وخذ المفتاح معك <<<طبعا قلت لك لاي سبب من الاسباب حتى اذا بتروح = الله يكرمك = دورة المياه0

































وقد اعذر من انذر <<< لانه الصراحة في شببا بالجامعة مايستحون على دمهم .. ياخي اكاديمي اخجل بس وييييييييييييين تكلم مين ...... مهنتهم السرقة من اي مكان















وآآآآآآآآآآآآسف على الإطالة وبالتوفيق 0

 

اول مبروك لاخوي ابن المبارك وشكرا له لانه وضع هذا الموضوع ووفر علي كتابته
ومشكور لشباب وما قصرتوا نفعتوني انا بعد توي انقبلت
بس بغيت اسأل
انا في جامعة الملك عبدالعزيز قبلت في قسم الهندسة فهل اسحب ملفي واجيكم؟؟؟
لانه بيني وبينكم تخصصي في الملك عبدالعزيز مضمون
وانا ارغب في البترول والمعادن وكان طموحي من زمان بس ما توقعت ادخل هندسه هنا
انا خايف اني اذا جيت البترول انغمس معاكم واضيع نفسي وادخل تخصص تعبان
الخلاصة
اسحب ممن الملك عبدالعزيز ولا لا
يعني في احد انظم لجامعة البترول وندم؟؟؟؟
صراحة خريجي البترول اللي اعرفهم كلهم يمدوحوا فيها
بس ابي رايكم انتم الطلاب الحاليين
وشكرا

 

لازم تعرف ان الراشد من مباني الجامعة ولازم تدخله باستمرار لان احيانا تكون المحاضرات في الراشد وبعض الدكاترة تكون محاضراتهم في الراشد وهذا الي صار لي السمستر الماضي كان الدكتور يقول الكلاس الجاي راح يكون بالراشد ويسأل احد عنده اعتراض؟ وطبعاً ماحد يعارض.

 

ودي اصدقك ياAdvisor بس قويه

الله يهديك

 

يا AaR

خذها من عندي طالما إنك من جدة فإحنا نحب الجداوية
المقصد:

جامعة الملك فهد للبترول و المعادن من المعروف أنها من الجامعات المعترف بها دوليا و داخليا حيث إذا تقدم طالبين واحد من البترول و الآخر من أخرى يقدم صاحب البترول على الجامعة الأخرى لأنها مشهورة بنظام التدريس مالم يأتي بشهادة خارجية و عادة لا يكون هناك فرق شاسع في القبول بين هذا و ذاك ولكن هنا المحك:-

اللي الدح لا يقول أح ) المعنى إنك تريد الإنخراط في تخصص معين و هذا شيء طيب بأنك تعرف هدفك من البداية و تسعى جاهدا في الوصول إليه و هذه إن شاء الله خطوة إيجابية إلى الأمام و لكن هناك سؤال واحد تستطيع الإجابة عليه أنت وحدك دون غيرك لأنه كما المثل ( رحم الله إمرىء عرف قدر نفسه )

هل أنت من الناس المنظمين وممن لا ينجذبون مع أصدقاء السوء بسهولة؟
هل أنت من الناس الذي يحافظون على واجباتهم و أداءها في أوقاتها دون توان أو تأخير؟ ( بما في ذلك واجباتك المنزلية و الشرعية من صلاة و صيام و إبتعاد عن معاصي و آثام و ما إلى ذلك........إلخ)
أقول لك و بكل صراحة أن الدراسة في الجامعة تحتاج إلى صرف الجهد و المثابرة لكي تنال المعدل الذي تحلم به و من ثم تنال الوظيفة التي تليق بشخص مثلك تكون لك جزاء حسنا على جدك و مثابرتك و إن كنت من النوع الذي لا يستطيع الجلوس على الكتاب أو المراجعة أو المذاكرة بإستمرار فالأفضل لك البقاء في جامعة الملك عبدالعزيز و عندما تتخرج ترى الفرق و لا أريد القول بأنك ستندم على هذه الفرصة التي أضعتها بيدك بسبب حب لعب Play Station و حب التماشي و كثرة الطلعات إلى المراكز و المغازلات و ما إلى ذلك مما لا يمكن حصره ( خصوصا البحرين و ما أدراك ما فعلت البحرين بطلاب الجامعة)

كل ما ذكرته لك ليس من نسج الخيال أو الروايات الرومانسية و إنما واقع و تستطيع التأكد بسؤال أي أحد تعرفه تخرج من الجامعة و سوف يثبت لك ذلك

معذرة على الإطالة و لكن كان لا بد من ذلك لأن المستشار مؤتمن

و جزاك الله خيرا

مع تمنياتي لك بالتوفيق

 

مبروك

مبروك
الف مبروك على قبولك بالجامعه

الفوكاب الفوكاب وانا اخوك
ارقد وانت ماسكه غطبه وجهك وانت نايم

الفوكاب الفوكاب

الله الله لااوصيك الفوكاب الفوكاب الفوكاب الفوكاب

 

اسمع يالولهان عاد صدقتني او ماصدقتني بكيفك وماحد غاصبك تصدق بس حاب اني اقولك انا ماكذب وفعلا كان عندنا كلاسين بالراشد

واعرف واحد بعد في الهندسة الميكانيكية صار عندهم كلاس بالراشد

وانشالله عمرك كله ماصدقت

 

اخي Advisor

ممكن سؤال

كيف يكون الكلاس في الراشد

المدرس ايش يعمل
قصدي هل يشرح لكم او يتكلم لكم عن شي او انها مجرد زيارة فقط

تحياتي:

 

اهلا يالفنان

المادة marketing والدكتور حاول تطبيق ماتعلمناه في الكلاس وقسم السكشن الى قسمين كل قسم في يوم، وبعدين وزع اوراق مثل كويز نجاوب عليها.
اتمنى ان الموضوع توضح وخصوصاً للولهان

 

الأحبة الولهان و Advisor....

ماصار إلا الخير، نحن أكبر من كذا

 

السلام عليكم......
اخوي advisor انا مثل الولهان فكرتك تمزح ...لكن ياخي لو قلت لنا من البداية ان الكلاس كان كلاس ماركتينق وكان تطبيق للي تعلمتوه بالمادة ماكان استغربنا...اكن انت الله يهداك جبت السالفة كأنها مزحة او استهزاء بالراشد وكثرة روحات الشباب لها.....
وعلى مايقولون (اذا عرف السبب بطل العجب)....وتحياتي لك

 

الحمدلله

ماصار الا الخير

 

ابارك لاخونا الصغير والله يووووفقه يااااارب

 

السلام عليكم !!!
والله ماقصر أبو مبارك على هالموضوع الجيد!!!!
يعني الصراحه إستفدت الكثير وماقصروا الشباب بنصائحهم!!!
بالنسبه لأأخوي AaR !!!
والله شف أخوي أنا ساكن في الرياض,,, وقدمت على جامعة الملك سعود في الكليات الصحيه وإنقبلت الطب
بس حذفته وحولت إلى هندسة حاسب(ياخي ميولي للهندسة الحاسب)
ويوم إنقبلت في البترول سحبت ملفي على طوووووووول وجيت للبترول!!!
مدري عاد هل ميولك لبترول ؟؟؟
أنا بالنسبه لي ميولي للبترول وأنا في الصف الثالث المتوسط !!!