الدورات التدريبية في الشركات الكبرى

لا هذه .. ولا هذيك

في الأساس هذا يعتمد على نظام الشركة ..

خلنا نقيس هالشئ على شركتكم .. هل فيه موظفين يطلعون دورات وأنتم ما تطلعون ؟! وكم دورة في السنة وهل هي دورات داخلية أم خارجية ؟!

الشئ الثاني .. إذا كان فيه موظفين يطلعون لدورات تدريبية .. ايش مسمياتهم الوظيفية أو بالأصح المستوى الوظيفي .. هل هم في مستوى الفنيين أو المهندسين أو المشرفين أو ..... إلخ ، وكم سنوات الخبرة عندهم ؟!

 

هل مكان وظيفتك في الظهران + في أي قسم في إدارة المشاريع ؟

 

مدري عن باقي الشركات
بس بالنسبه لمهندسي ارامكو
يحق لك اربع كورسات على الاقل في السنه
هذا الكلام جايبه من مسؤول الكورسات حق الميكانيكال في قسم التدريب والتطوير

 

الي شفته وسمعت فيه والمعروف انه حسب ادارتك .. فيه ادرات يجيبون شركات تعمل كورسات خاصه حتى وهم الي يطلبونك تطلع للكورسات الي برا غير المؤتمرات الخ .. وتعتبر شبه الزاميه عليك حتى فيه ناس صاروا مايبون يطلعون من كثرها وغير كذا بعضهم يطلعك ماستر وفيه دكتوراه ايضا خاصه لادرات البحوث والاستشارات .. وفيه ادارات على العكس قليله ومحدوده وحسب الاحتياج.

تفسيري الشخصي انه حسب ضغط العمل .. فيه ادارات عليها ضغط عمل ومافيه وقت للكورسات ويمكن ماتضيف الكورسات لك كثير في مجال عملهم مقارنة بالخبره والممارسه وفيه ادارات تحتاج عدد معين من الكورسات الي لابد تكون ملم فيها فتشوف الناس تطلع من عندهم كثير وادارات اخرى تشوف ناس يطلعون ماستر ودكتوراه بسهوله بسبب الاحتياج لمستوى عالي في البحوث والاستشاره فـ الافضل تقارن نفسك بالموظفين الي بالاداره .. المشكله وين ؟ لمى يكونون موظفين ادارتك يطلعون وانت لا هنا اقدر اقولك فيه مشكله .. لكن هل الي يصير صح او غلط في عدم توافر الفرص التطويريه لمختلف الادارات فيها كلام .. لكن انت الي عليك سوه وطالب والي اعرفه انه من ضمن ميزانية القسم جزء مخصص للتطوير فماهي حجه الا اذا كنت توك جاي جديد والعدد كبير .. طبعا فيه بعض الاقسام ماعندهم شغله فـ يطلعون كورسات عشان يملون الفراغ الي عندهم ويحطونها من باب الانجازات للااره في تطوير المهندسين .. والواسطه ايضا لها دور في بعض الحالات ماتخلى اكيد .. هذي بالاخير وجهة نظر واتمنى نسمع من الباقين

 

أتفق مع كلام أخوي ..

ولازم يكون مديرك المباشر له دور في هالمجال ، بحيث إنه يرفع خطة التدريب للإدارة العليا طبعا بعد ما يجتمع معاكم وتتناقشون فيها.