الراتب والقريد المتوقع لمهندس خبر أنقبل في سابك

لا يااخي راح يخصمون الماكسمم اللي هو عبادرة عن 10% من الاساسي و بدل السكن وايضا ساند يكون اعلى مبلغ مقطوع من التامينات 4500 ريال شهريا يعني يصفى للرجال ابو خبرة 25 سنة 48500 ريال بس الحق يقال الرجال متزوج حرمتين ورجل من البادية بكل ماتعنية الكلمة وعنده 10 اولاد

مشكلة السعوديين اذا صار عنده راتب عالي يروح يتزوج ثانية حرمة وحدة ماتكفيه فعشان كذا القطاع الخاص مايبغى يعطي رواتب للسعوديين عالية عشان لايجيبوا عيال واجد والله اعلم

نصيحة اخ طبعا مع الوضع المادي الحالي ومطلبات الحياة حاول بس طفلين ولد وبنت عشان تربيهم صح وتدخلهم مدارس عالمية لانه بعد 2030 راح يصير الجامعات بفلوس وعلى كذا انت بتسفرهم امريكا او اي دولة متقدمة عشان يدرسون صح فالله يعينك على كل ولد 500 الف ريال تعليم ذو جودة عالية ولا زم تسافر معاهم بعد التقاعد تابعهم لين يتخرجوا لانه في الزمن القادم مااعتقد الحكومة راح تقدر تدرس الشباب وبيصير بفلوس الدراسة لانه الدولة واضح جدا انها خرجت من الدولة الريعية الابوية الى دولة خدمات بفلوس والمادة راح تحكم الزمن القادم .فنصيحة اخوية عشان اولادك يذكرونك بالخير .

 

هل انت بس عندك طفلين؟

 

طبعا مهندس وخبرتة 25 سنة واستشارة وحده او عمل بسيط ممكن يحمي المحطة اللي فيها او المكان اللي فيه ملايين الريالات وش ضار الشركة اذا والله تدفع له نص مليون ريال سنويا رواتب و50 الف تامينات ولا شي . في اجانب وفي السعودية ومن مصر يستلمون 25 الف وخبرتهم 14 سنة وزعلان ويقول انا مظلوم وضحكوا عليه والله عندي مصري مقاول زعلان والمصارية الاثنين الثانين مهندسين كهرباء واحد خبرته 12 سنة وواحد 13 سنة رواتبهم 40 الف ريال مع البدلات ولا وصلت اعمارهم 40 سنة ومقاولين يشتغلون عندي وممنوع اني اكلمهم او اهزئهم على شغلهم ولا يجلي لفت نظر بكل امانة انا قاعد اسعود اعطي السعودي مقاول 13 الف بكج لكن احاسب من الادارة على تقصيرهم بس اتحمل عشان عيال البلد يقوون لانه الهندسة الخبرة تحكم والانتاج .

 

خير وبركة اول شي المهندس يتخرج بعمر كبير من 24-25 سنة ويقعد يكون نفسه ويستلم اول 5 سنوات رواتب ضعيفة متى المهندس يبداء يستلم راتب ممتاز بعد خدمة 10 سنوات يعني بالتصنيف العالمي مانجر

Bsc. Engineering +15 to 10 Years يبداء يستلم راتب صح

على الوضع العائلي والعشائري الغريب العجيب يالله يالله تتزوج ويالله يالله تحبب بنت الناس فيك ويالله يالله تقنعها بالاطفال وتضحي وتسوي والله كريم والله خير وبركة الطفلين

 

الله يباركلك فيهم ي رب ويرزق برهم هو كلامك منطقي تقريبا ١٠ سنين عشان الراتب يصير زين ويبغالك وقت عشان تتزوج ومصرافيهم كلامك سديد بس من وحهت نظري يعني اشوف من٣ الى ٤ اطفال يمدي عليهم

 

كويس حلو راتب المهندس عالي ماشاء الله حتى الطبيب الاستشاري مايوصل راتبه كذا !! ..

ارامكو ماتعطي ذا المبلغ وبعض الشركات الكبيرة عندها سيستم خاص فيها ومبدأ اتاحة الفرصة .

يعني لو كل واحد ياخذ 30 الف راح يقل عدد الموظفين طبعا .

باختصار اي راتب فوق ال 10 الاف ريال نعمة طبعا وممتاز ويكفي بالغرض .

ويفضل محد يفكر بالفلوس كثير ونحمد الله على كل شيء ولن تنفعنا يوم نفقد الحياة بشيء الا العمل الصالح .. بالتوفيق للجميع

 

انا لا اعلم مادخل الاطفال بالموضوع .. ثم الشرع حلل اربع هل هناك مشكلة بالزواج من ثانية ..

نعم اتفق معك ان الانفجار السكاني سيخلق مشاكل اقتصادية وبطالة وصعوبة للدولة .
وكل شيء لابد ان يكون بالمعقول وحسب قدرة الشخص .. واقرب مثال مصر والصين .

و مو شخص راتبه 2000 ريال ويتزوج ثلاث مثلا . صعب .. كل شيء حسب القدرة .

كل شيء بالمعقول ..