الفرق بين هندسة البرمجيات وعلوم الحاسب؟

وعليكم السلام ورحمة الله وبركاته

أنا ولله الحمد والفضل توني متخرج علوم حاسب من البترول. وكل اللي بفوله رأيي وتصوري عن كلا التخصصين, بحاول اكون محايد بس يمكن اني انحاز لفريقي ههههه

بالنسبة لقلب علوم الخاسب فهو يهتم باللوعاريثميات (طريقة الحل) للمشاكل باستخدام امكانيات الحاسب الالي. طيب هذا يحتاج فهم عميق في الرياضيات من ناحية الدوال وطبيعة الدوال وتغيرها, تحتاج ايضا الى القدرة على فهم وتعلم لغة الرياضيات بالنسبة للمجال الي انت شغال فيه. يعني في مجال لغات البرمجة, لوغاريثم, داتابيس, graph theory, كل وحدة تستخدم لغة الرياضيات الخاصة فيها وبغضها داخلة في بعضها. لغة الرياضيات تعطيك قوة في التعبير عن حلولك اقوى بكثييييييير من اللغة العامية. تقدر تقول سوالف البرهنة قي ايام المدرسو هي احد اللغات في سطر واحد يمديك تعطي قصة.

طيب في برضوه مجالات كثيرة لعلوم الحاسب يعني عندك مجال لغات البرمجة (ما قصدي كتابة برنامج) وكيف صنعها وابتكارها وهندستها, مجال الارشفة والداتابيس وحفظ كم هائل من المعلومات وكيفية استرجاعها بسرعة معقولة, مجال الذكاء الاصطناعي وهذا مجال شغالين فيه الغرب وما له الا 25 سنة حسب علمي ومجال في رأيي يحتاج له قصة الحالة, محال الويب وادواتها ولغاتها, مجال الشبكات وعندك خاردوير شبكات وأمن الشبكات, ومجال التشفير وامن المعلومات وهذا تو العالم العربي صحى لأهميته حتى ان الحرص الوطني بدأ يوظف لها وترى اذا صرت بطل فيها الراتب يكون مطنوووووخ هذا في الغرب. وفي كثير واكثر.

علوم الحاسب ياخذوا اربعة تيكنيكال اليكتيف فيمديك تدهر زيادة في مجالاتها تاخذ فرضا Compiler design اذا انت مهتم بلغات البرمجة وصناعتها, او Data mining اذا تهتم بالداتابيس وهي مادة تعتمد على الستاتيستكس بشكل كبير, او computer theory, Cryptogrophy, Neural Networks, وغيرها. ونأخذ مادة وحدة عن هندسة البرمجة Intro to Software engineering تغطي عملية هندسة البرمجيات على السريع.

بالنسبة لهندسة البرمجة فهم يأخذون نفس المواد الي نأخذها ما عدا مادتين Programming Languages و Artifical Intelligence ويزيدون على ما اعتقد 6 مواد خاصة بهندسة البرمجة, وايضا لهم 2 اليكتيف تيكنيكال يعني طيب هذي المادتين يقدرون يغطونها اذا اخذوها اليكتيف وبكذا غطوا الكور حق المادتين. هم يدخلون في عملية هندسة برنامج في موادهم بدقة. يعني من البداية اخذ المعلومات من العميل عن مشكلة, اجراء مقابلات معاهم, سرد المتطلبات, ثم تقديم proposal عن المشروع للعميل, خطة عمل واضحة بتواريخها, ثم انتاج ريبورت عن متطلبات البرنامج ومواصفاته, ثم انتاج مخطط للبرنامح وريبورت له Software Design ايش اللغة الي نستخدمها والمشاكل الي قد نواجهها والمخططات وشرح لكل صغيرة و كبيرة في البرنامج, وبعدها نبدأ نبرمج و بعدها نبدأ تستنق نتأكد ما فيه اي عيوب, وبعدها نسلم البرنامج ونتابع مع الحبايب. طيب خلال الدوشة هذي لازم نتابع مع العميل ونوريه الشغل واهم شيء يكون مبسوط. طيب هم يتعمقون في كل هذي في الجامعة زي اي Design or process يستخدمون وفيه كثير ومجال ما شاء الله لحاله. طبعا هذا الي فهمنه من التخصص يعني شغله مانجمنت اكثر.

وبالنسبة لسالفة البرمجة فاي واحد يقدر يبرمج, لغات البرمجة صنعت لكي يفهمها البشر وانها تكون سهلة. طبعا ان عتدك تخصص له غلاقة تسهل عليك لكن ودي افهمك ان البرمجة ما هي المشكلة الكبيرة في التخصصين هي بس مهارة اساسية. يعني انا همني شيء واحد في خريج الحاسب انه يا بطل هذي لغة جديدة اجيك بعد اسبوع وانت متقنها. يعني عندك قدرة على التعلم بسرعة لأن كثير لغات لها قواسم مشركة.

ونجي في النهاية للتوظيف, في السعودية ما يفرقون بين خريج علوم الخاسب ومهندس البرمجيات في التوطيف اهم شيء المعدل, المقابلة, والمشاريع الي سويتها اذا كانت لها علاقة في الوظيفة. ومن الي شفته المعدل اهم شيء لان التخصصين متقاربة. برا ما ادري اذا كانوا يفرقون بس اشوف قوقل يوظفون علوم حاسب بمسمى Software Engineer entry level يعني وسع صدرك. في فرق واحد ان الناس في السعودية وحتى كثير من طلابنا عاجبتهم كلمة هندسة. اتا الخمدلله استمريت في التخصص وما ندمت لاني استفدت من الاليكتيفز الي ماخذها وترانا قليلين كلنا نعرف بعض هههههههه.

وهذا ما في جعبتي ان شاء الله افدتك والله يكتب لك الخير وللجميع آمين.

اذا عندك اسئلة زيادة حياك.