اللي جرب الثلاثي المرح يدخل

ترا أشوف معطين موضوع "الثلاثي المرح" أكبر من حجمه. ترا آلاف الطلاب جربوها.. كل اللي عليك انك تجتهد أكثر. مسيرتك في الجامعة طبيعي انه يختلف عليك ثقل سمستر و سمستر آخر.

كاتب الرد مجرب ماث 102 + فيزكس 101 + كمستري 101.

 

وعليكم السلام

الثلاثي حقي:
MATH 102
PHYS 102
CHEM 101

الترم: 152

أكثر ترم دسم مر علي في الجامعة ، خصوصا إن الثلاث مواد مزحومة بالمعلومات. كان جدولي في الذاك الترم يحتوي على IAS 101 و PE 102 ، عشان اعطي الثلاثي حقه.
للأمانة ما توفقت فيهم صح رغم فهمي الجيد للمواد الثلاث ، وأشوف إني طلعت بقريدات اقل من المتوقع فيهم - باستثناء الكيمستري طبعا ، اللي لي معه تجربة رائعة -.

قريداتي فيهم:
الماث: B
الفيزكس: +C
الكيمستري: +A

نصيحة: إذا ناوي تنزل ثلاثي ، حط في بالك شغلتين إذا تبي قريدات عالية:
١. تكون عندك خلفية كبيرة عن اثنين منهم ، أو واحد على الاقل
٢. تكون على استعداد انك تذاكر يوميا وباجتهاد

إذا كنت من النوع اللي ما يذاكر الا مع الاختبارات ، خذهم مع دكاترة يكرفون ؛ عشان يجبرونك تذاكر غصب

 

اذا تذاكر يوميا نزلهم ولا عليك ,

اذا ما تذاكر يوميا ويهمك القريد ففيه احتمالين :

- تخرج بأكثر من مادة ب D أو C .
-أو F بكل بساطة .

بيصير اسبوعياعمدك اقل شيء 3 كويزات , مياجر الكيمياء والماث قريبة من بعض و الماتريال دسم .

نصيحة تأخر ترم , عادي ترا ما يأثر عليك .

 

اسمحلي بالتعليق مع أني ما قد نزلتهم مع بعض

العب ع المضمون
كويس تبدأ أول ترم بمعدل كويس
وصدقني اذا بديت بمعدل نازل يمكن يستمر نزوله إلى آخر سمستر لك

أعرف ناس مستواهم كويس لكن للأسف غامروا بالثلاثي المرح وإلى الآن يعانون، لكن في المقابل أعرف ناس أيضاً غامروا وطلعوا قد التحدي ومعدلاتهم ممتازة

القرار لك، أنت أدرى بنفسك

 

كانت عندي 15 ساعة
نصيحة اذا ما عندك خلفية لا تنزلهم سوا ، واذا ما تبي الصيف وملزم على الثلاثي نزلهم كلهم 101 ؛ لأن الماث والفيزكس 101 أسهل وممكن تمشي أمورك مع الكيمستري

غير كذا ، تأخر ولا تعدم معدلك

 

كلام جميل
الثلاثي نفس القنبلة الموقوتة ، إذا تجيب العيد فيهم يطيح المعدل بقوة ، أو على الاقل تضطر تحذف ترم وتبدأ من جديد وأنت متأخر

أتوقع عدد قليل اللي يرتفع معدلهم اذا نزلوا الثلاثي

 

الله لا يعيد الترم الي نزلت فيه الثلاثي

 

الحين وش اسهل لي في الفرشمان بالنسبه للترم الاول
اني اكنسل فيزياء او كيمياء ؟ وهل اذا اخذت وحده منهم مع البقيه بيكون سهلات ان شاء الله

بالنسبه للترم الثاني اكنسل ايش بالضبط ؟

 

^^

 

It depends on your major. If your are planning to change your major and you are required to have a 2.5 GPA , it is recommended to take : the following courses in the first semester :
Term 161
Math 101
Chem101( it is easier than Phys101 )
English 101
PE101
IAS111

14 HRS


Term 162
Math102
Phys101
ics103
pe102
ias101

14 HRS

Term 163
Phys 102
English 102


Note
If your major is Chemical Engineering : Chem102 usually is not offered in the summer session ,so try to take it in 162

sorry for writing in English but ,I do not have Arabic keyboard

 

يعني الكيمياء احسن لي من الفيزياء بالنسبه ل 161 واسهل ؟

بالنسبه للصيفي ما كأنه ضغط شوي 7 ساعات > لو باخذ صيفي باخذ عالاقل 5 ، ماده 3 , ماده 2 ساعات
بس مدري اذا phys 102 و ENGL 102 سهلات.. اذا الاثنين سهلات ويمديها اجيب قريدات كويسه فيها مضبوط.

بالنسبه للتخصص والله مدري لين الحين بالضبط وش بدخل بس يمكن اول شيء صناعيه ثم ميكانيكيه

 

طيب عطني رايك في الخطه ذي

Term 161

Math 101
Phys 101
ENGL 101
PE 101
IAS 101

HRS 14

Term 162

Math 102
Chem 101
ENGL 102
PE 102
IAS 111

HRS 14

Summer 163

Phys 102
ICS 103

HRS : 7
بس ودي اقلل ساعات الصيفي شويات اخليها 5 .

وعندي حاجه ترا ما ادري وش افضل لي من ناحية سهولة المواد من ناحية الفيزيكس والكيمستري يعني مدري اي ترم اخليهم . فيه شباب يقولون الفيزكس الترم الاول كويس وخل الثاني في الصيف . والكيمستري ترم ثاني فا مدري وش افضل بما انك جربتهم . فا ودي توزعها مضبوط وتكون سهله شوي لاني مابضغط نفسي بداية الجبل عشان المعدل وبعدها ازيد شوي شوي

 

ما انصحك تمشي على هذي الخطة ^^^
الانجلش في الصيف يكون اسهل & غلطان انك تخلي لابين في الصيف phys 102 &ics

الخطة الي في ردي الاول افضل لك .. لكن نصيحة اذا مب مطلوب منك معدل للتحويل فنزل فزكس 101 بدل كيمستري في 161 .. خصوصا لو كنت ناوي تنزل شي من السفمور في 163


&
لو تفتح موضوع منفصل يكون افضل ...

 

بدل الـICS بـانجلش 102 لانه الـICS دسم مقارنة بالانجلش خصوصا بالصيف

أنا الآن منزل فزكس 102 و انجلش 102 و أقدر أقولك مقدور عليها... توزيع المياجر ممتاز و أيضًا الفاينلات ممتاز... ممكن تصدف معك اختبار ريدينج/رايتينج مع كويز فيزياء بس عادي سهلات

بالنسبة لتوزيع الكمستري و الفزكس 101-102
برأيي
كمستري - 161
فزكس 101 - 162
فزكس 102 - 163

الفزكس ورا بعض لانهم يعتمدون على بعض نوعًا ما... فزين تدخل 102 و أنت متذكر 101

 

+ تهرب من الاوريات اللي يجون فاضين في الترم الثاني ويطيرون آفرج الكيمستري ، مثل ما حصل في 152

 

+ تهرب من طلاب أرامكو بالصيف ههههههههههههه

 

لا معليك ما بنزل شيء من السمفور انا هدفي اخلص الفرشمان في سنه وصيف عشان اريح نفسي شويات في الترم العادي لان الخطه حقت الجامعه شوي كرف يعني ببدا كل سنه بوقتها ماني مستعجل . فا مدري وش اسوي بذات ان كل واحذ يعطيني راي

 

يعني تنصحني نفس الخطه الي قالها شدعوه ؟