الموضوع الرسمي لطلاب السنة التحضيرية (اوريات 2017)

طيب كي اسألهم .. ايميل او لهم رقم ..؟؟ ي ليت تفيدني اخوي ..

 

تفضل

[email protected]
تويتر : @kfupm_Admission
هاتف : 8602901
..
وقت دوامهم من الساعة 7:30 الى 12:00
ومن 1:00 الى 4:00
حاليًا راسلهم بتويتر ولو ماردوا عليك اتصل لهم بكرا

 

مالها دخل متى تخلص الاوريا ،، انتو اوريات 2017 السنه الي دخلت فيها الجامعه .. ثاني شيء حسن الفاظك ي اورريا

 

السلام عليكم ورحمة الله وبركاته ،،،

بالنسبة للدبل ميجر بعد التحضيري، ابغى اختار هندسة بترول ان شاء الله مع تخصص قريب منه.

1- متى يكون بامكاني اختيار تخصصين ؟ وهل هناك معدل معين ؟
2- وش التخصصات اللي اقدر اختارها الى جانب هندسة البترول؟
3- فيه اختبارات بالليل ؟

شكرا لكم

 

وعليكم السلام ورحمة الله وبركاته

1. يفضّل إنك تبدأ بالإجراءات بدري ، خصوصا إنها تطول اشوي. حسب اللي أعرفه ما تقدر تقدّم على دبل ميجر إلا لما تخلص ترم في الفريشمان ؛ لأن المعدل مطلوب ضمن الإجراءات.
2. ما قد سمعت أحد أخذ دبل ميجر بتروليوم مع تخصص ثاني. ما أدري هل تخصص علوم الأرض قريب منه وممكن تاخذه معه أو لا ، هذه ما عندي فكرة عنها.
3. الاختبارات اللي في وسط الاسبوع دائما تكون من الساعة 5 المساء وطالع ، بينما الاختبارات اللي في الويكند تكون الصباح أو الظهر. طبعا انجلش التحضيري استثناء ، حسب ما اتذكر كانوا يختبرون في وقت المحاضرات.

 

مشكور يا بش مهندس

لكن بالنسبة للفقرة الاولى المعدل المطلوب بالفرشمان فوق 3.8 عشان آخذ الدبلميجر ؟
ومع مين اتواصل ؟

 

لا شدعوة ، رحت بعيد في المعدل . هم يبون على الاقل معدل 3 من 4 مع بعض المتطلبات. هذا اللي لاحظته في بعض الاقسام مثل الفيزكس.
الاقسام اللي تعطي دبل ميجر مع تخصصات ثانية -أو ماينر مثل الماث- يكون فيها دكتور مختص بهالموضوع ، أعتقد التواصل يكون معه.

 

يعطيك العافية . تعال خاص

 

^ شاسع

حلو تفكيرك بس يمكن تتغير نظرتك بعد ماتبدأ تدرس بالجامعة، انصحك ماتستعجل بهالأمور وبالتوفيق لك

 

انا اتمنى ادرس هندسة بترول هو بمعنى الكلمة يعبر عن ميولي ولكنه ماله مستقبل . فنضطر للدبل ميجر وياريت يكون معه اقتصاد او محاسبة عشان نرفع امكانية القبول الوظيفي بعد ما كرشوني ارامكو cpc . و الحمد لله الرياضيات و الكيمياء كويسة معاي لكن المشكلة العظمى لدي الانجليزي ودخلت ستيب اكلت 56%

 

^

الانجليزي ماراح تكون عائق كبير، راح تبدأ من البداية وكل الكورسات انجليزي لهذا راح تتحسن غصبًا عنك ..
والميجر الثاني اللي راح تختاره لازم يكون قريب من تخصص هندسة البترول لانك بالنهاية ماتبي تجلس بالجامعة عشر سنوات
لازم المواد تتعادل وتبقى لك مواد معينة تخلصها وتنهي التخصص الثاني

والدنيا ارزاق عمومًا، المهم انك تقرأ التخصصات الثانية اكثر وتتعمق في التخصصات وتسأل طلاب خريجين، وموظفين عن التخصص
وفي النهاية معك سنتين تقريبًا تحدد التخصص اللي يناسبك لهذا ماتستعجل

وموفق.

 

عندي مجموعة من الأسئلة أتمنى الاجابة بالأرقام

1-هل المسبح في السنة التحضيرية غريق وهل عادي ألبس فنيلة ولا ممنوع

2-أبغا أحد يشرح لي الميجر بشكل مفصل بالله

3-هل حصة السباحة كلها تدريب واختبار ولا يوم يخليك عادي تتسبح براحتك ؟

 

1. المسبح طبعا فيه تدرج ، فيه جزء عادي وجزء عميق. بالنسبة للبس ما عندي فكرة عنه.
2. الميجر أو Major Exam ، فمن اسمه تعرف إنه اختبار كبير (يجي عليه ١٥٪‏ أو ٢٠٪‏ من الدرجة الكاملة في المادة) ، ويكون وقته في أغلب الحالات -إلا ما ندر- خارج وقت المحاضرات ، يعني في الليل وسط الاسبوع أو في الويكند. ما أدري هل فيه شيء محدد تبي تسأل عنه.
3. حسب ما أتذكر يكون فيه شرح وتطبيق عشان تتدرب ، الاختبار يكون في نهاية برنامج السباحة ، تقريبا البرنامج ياخذ ١٢ حصة (٦ أسابيع) ، في نهايته يختبرك في المسبح.

الزبدة أنا ما أدري ليش مركزين على PE 002 بالذات ، ترى المادة في الترم الثاني مو الأول

 

1- إلبس اللي تبيه و اللي يريحك ماحد يقولك شي

لاحظت؟ ههههههههههههههههههههههههههههههههههه

أوريات ياخي

 

شباب وش هو الاكل اللي بمطعم الجامعة؟؟؟

 

الأكل بالمطعم موزع على ثلاث وجبات

فطور و غداء و عشاء

و بكل وجبة في كثير من الأصناف لا أستطيع حصرها بـ رد واحد

لكن مطعم الجامعة مو مصدر الطعام الوحيد بالجامعة... في مول الجامعة في المطاعم اللي حول الجامعة في طلبات التوصيل

الطلاب يفضلون مطعم الجامعة أحيانًا لأنه سعره ممتاز جدًا... يعني تاخذ وجبة مشبعة جدًا بمبلغ 5 ريال مثلًا

 

يعني يمكن يكون الغداء رز ودجاج مثلا ب 5 ريال بس ؟

معليش تراني اوريا خالص

 

راح يجيك إيميل بداية الترم فيه أسعار الوجبات ووش تشتمل عليه الوجبة من أصناف.
طبعا كل صنف يسوون منه طبقين أو ثلاثة في اليوم ، وأنت تختار اللي تبيه.

 

1-اختبار تحديد المستوى في اللغة الإنجليزية كيف طريقته وهل راح يكون بالحاسب ولا ع الورق

2-ذحين في الماث والانقاش كم مرة يخليك المدرس تطلع تشرح وهل يخليك تسوي عرض بوربوينت ولا ع السبورة ؟

 

اختبار تحديد المستوى على قسمين:
١. ورقي: يكون جزء منه اختيار من متعدد ، وجزء تحريري (writing)
٢. شفهي: تجي في وقت محدد وتجلس مع مدرس من مدرسين التحضيرية ويجلس يسألك أسئلة ، في الغالب سواليف.

بالنسبة لسالفة تطلع تشرح وما أدري وش ، هذه ممكن نادرة الحدوث وإن حصلت فتكون تصرف شخصي من الدكتور نفسه ، إلا لو كان فيه برزنتيشن مقرر في المادة -وهذا في الانجليزي- بتعرفه أول ما تبدأ. لاحظت ان مواد الانجليزي ما فيها باوربوينت ، تقريبا إلى انجلش ١٠١ ما فيه استخدام للباوربوينت