الهندسة المعمارية بعد التخرج

يابن الحلال .. لسى باقي لك 3 سنوات .. ومن هنا ل 3 سنوات اشياء كثير تتغير بسوق العمل .. ما احد يقدر يتوقع كيف الطلب على تخصصك بيكون بعد 3 سنوات " اللي اقصده .. قد يكون تخصصك مطلوب بكثره في هذي الفتره وبعد 3 سنوات يقل الطلب .. او العكس ! "

خلك مطلع على سوق العمل من خلال يوم المهنه ويوم التوظيف .. الجامعه جابت لك سوق العمل لين مكانك !
روح واسأل بنفسك !

بالتوفيق لك في حياتك الجامعيه وحياتك العمليه بعد التخرج !

 

مكاتب الاستشارات الهندسية و شركات المقاولات كلها تحتاج مهندس معماري

 

،

أخوي انت تقول قرأت عن عروض عمل لجميع التخصصات إلا تخصصك
طيب إذا قرأت عن عرض عمل لـ " مهندس مدني " فتأكد أن الشركة توظف مهندس معماري
وغالبية الشركات إلا من رحم ربي لاتفرق بين المهندس المدني والمعماري
وتوظف المهندس المعماري كـ مهندس مدني وتعطيه مهام المدني
على الرغم إن إلمام المعماري في الانشاءات ليس بحجم إلمام المهندس المدني

بالتوفيق ​

 

السلام عليكم
انا مهندس معماري خريج الملك فيصل 5 سنوات خبره
طبعا سوقنا ما هو بطال .... ويعتمد على المدينه اللي انت فيها
بس لازم تعرف ان اللي كنت تدرسه في الجامعه ما يجي 15% من عملك
مثلا في الجامعه في كرف استوديو تصميم design بس برا اغلب التصميم
في الشركات والمكاتب الهندسيه يسويه اجنبي...

اختصر لك مجالاتك والشركات اللي ممكن تلاقي فرصك فيها
-انت ممكن تلاقي فرص اكبر في construction اشراف اعمال الموقع
مثل استلام مواد،تشييك اعمال موقع من طوب،لاياسه،بويه، ابواب ، نوافذ ....الخ

-فيه برضوه العمل على shop drawings اذا انت استشاري تراجع اعمال المقاول في انتاج مخططات الورشه
plan ,section,elevation,detail door-windows-skylight-,washrooms,stairs........الخ
اذا انت مقاول انت اللي ترسمها ويكون معك فريق عمل متكامل

-ممكن تصير معماري في قسم حساب الكميات وهذه بصراحه تقتل تعبك في الجامعه الا اذا شديت حيلك
ودخلت في العقود وكان معك واحد خبره تشتغل وتستفيد منه لان تساعدك في ادارة المشاريع

-اذا انت ما لك في وجع الراس والحر والروحه والجيه عندك ... رسام معماري او 3D visualiser شغلتك انتاج مناظير فقط والقروش فيها زينه مره ومطلوب في جده والرياض بكثره ولا يقل راتبك اساسي عن 14000 حتى لو انت خريج اهم شي عندك خلفيه قويه في الاوتكاد ثلاث ابعاد واهم شي 3دي ماكس

-بالنسبه للتصميم هذه بصراحه ما عمري شفت سعودي في هذا المجال لايش مادري يعتمد عليك انت وفين تبدى
في اي شركة او مجال


الشركات اللي تاخذ معماري
ارامكو
سابك
سعودي اوجيه
سعودكونسلت
زهير فايز
بن لادن -- سنتين فقط خيره تسوى 4 سنوات في اي مكان اخر
البنوك كلها .... الرياض الراجحي الاهلي الانماء البلاد....الخ
الجامعات في قسم ادارة المشاريع
مكتب مشاري النعيم
مكتب الربيعه
مقاول العراب
الهيئة الملكيه

وغيرها الكثير..........

نصيحتي لك كرس اول 5 سنوات من عملك في مجال الconstrcution اشتغل في الميدان مثل المراقب المعماري تتعب بس والله ان تشوف فائدتها بشكل ما تتصور​

​