الهيئة الملكية ( أكاديمي ) .. شركات

بس فرق بالكرف والدوووووام

 

صراحة ما أشوف أي شي مغري في الرابط اللي حطيته! بدلات الجامعات الحكومية أفضل كمان مكتوب أنك بتوقع عقد لمدة عامين يعني مافي أمان وظيفي

 

الرابط مخصص للأجانب يا عزيزي, ركز يتكلم عن الضرائب و تجديد العقد و جلب العائله.


عموما لو قلت لي جامعه أخرى أقولك فكر, لأن رواتبهم مب لهناك.

الهيئة الأساسي جيد جدا و ياخذون بدلات مشابهه لجامعات التعليم العالي وأراها فرصه مناسبه اذا عاجبتك الجبيل ومرتاح فيها.

 

حياك الله يا أخي .. أخوك طالب في الكلية على وجه التخرج ..

أولاً خلني أعطيك معلومات شاملة عن طبيعة داومك وآلية ابتعاثك لتكملة الدراسة ..

الدوام راح يكون مختلف تماماً عن المعيد الي يكون في جامعات التعليم العالي من ناحية الكرف والراحة والابتعاث ..



الفرق انه بالتعليم العالي اول ما تتوظف كمعيد عادةً ما تطول حتى تبتعث ودوامك يكون مريح ومجرد ما تجيب قبول من الخارج تبتعث ..
الكلية دوامك راح يكون اتعب وعندنا معيد كان يشتكي من هالنقطة وازيدك من الشعر بيت الدكاترة يتضايقوون كثير من هالنقطة و لسان حالهم يقول يا عالم اأنا دكتور .


في الابتعاث الهيئة شروطها متعبة ويعقدونك حتى تطلع ..
أحد الشروط تقول لا بد يكون القبول من جامعات top100 بحيث التعليم العالي أيسر بكثيررر
.

الكلية همها الأول جدولك ركز عليه وباقي الأمور تأتي من بعده وهذا يتعب الدكاترة عندنا كثير خاصة الي وده يسوي بحوث ما عنده وقت من الضغط ..


الراتب بالتأكيد الكلية افضل ولا مجال للمقارنة ..اساسي التعليم العالي حول 7500 مع البدلات يوصل 12000 الا شوي
الهيئة الاساسي حول 10000 ومع البدلات يوصل 16000 الا شوي واذا كنت مهندس يكون اكثر شوي لانه يفرق بالبدلات ..


ميزة لما تكون معيد في الكلية خلال 10 سنوات ان شاء الله تستلم بيت ملك لك ..

هذه معلومات لعلها تفيدك و أسأل الله أن يكتب لك الخيرة وتحت أمرك لو احتجت شيء ..



ولا هنت يا الغالي لو تفيدني من أيجامعة متخرج ومعدلك الله يسعدك ولو على الخاص..​

 

على طاري الرابط فعلاً يتكلم عن الأجانب وليس السعوديين ..

 

السلام عليكم

مهندس كهربجي... شوف انت وش تحب واستخر وتوكل على الله... المادة والفلوس مو كل شي الدنيا...

مميزات الهيئة كمعيد...
1. ابتعاث ماستر ودكتوراه والخدمة محسوبة فترة ابتعاثك
2. صحيح أنها تعب اكثر من الجامعات بس تظل أخف من الشركات بكثير
3. اجازات على كيفك
4. بيت ملك بعد خدمة 4 او 5 سنوات بنصف سعره يعني مو اكثر من 500 ألف راح تدفع لهم واقساط ميسرة
5. انت داخل نظام التأمينات الاجتماعية كأنك موظف شركة وليس مؤسسة التقاعد نفس نظام الحكومة

مميزات مهندس سابك...
1. نظام بونص جديد راح يطبق وممكن تاخذ 7 رواتب اذا خذيت اوت ستاندنيق
2. فرصة اكمال ماستر اداري بأي كلية أو جامعة بحيث تكون مساعدة لك مع خبرتك في الترقية الوظيفية
3. دورات خارجية كل سنة
4. نظام تقاعد سابك مميز تاخذ 45 راتب بعد خدمة 25 سنة وغير البكج اللي ممكن تطلع فيه
5. اذا في حديد ممكن ييجك بيت في 10 سنوات او اقل مدري وتسدده بقيمته الاصلية


الصراحة بالنسبة لي الاثنين ممتازين لكن شوف انت وش تحب وش ترتاح له واجمع معلومات اكثر من مدرسين الهيئة ومن مهندسين حديد اللي صار لهم فوق 10 سنوات... واستخر على شي تحب تشتغله ومثل ماقلت لك المادة مو كل شي

وربي يوفقك

 

ممكن طريقة التقديم لو سمحت

 

السلام عليكم ورحمة الله وبركاته ..

يا غالي طمنا اش سار عليك .. اتوقع من ذيك الايام الى الان تكونخلصت الدكتوراة لو انك شاد حيلك .. او باقيلك شوية وتخلص

 

للامانة انها مهتم في القطاع الاكاديمي وعاجبني .. عنددي كذا سؤال واستفسار