الوظائف الحكومية للمهندس

وزارة الاسكان ومدينة الملك عبدالعزيز والبلدية والمواصلات والمياه ويمكن الزراعة
هذي اللي اعرفها

 

عموما قدم على الديوان (جدارة) وانسى .. لين يتصلون عليك حتى لو بعد سنوات

 

مهندس اي تخصص

 

قدم على جدارة, ما راح تقدر تحدد جهة العمل لكن تقدر تحدد المدينه ولك أكثر من رغبه,


اذا انت واحد ودك ترتاح وتداوم 6 ساعات وتطلع على كيفك فالوظيفه بتعجبك. تتعين على المرتبة السابعه والدرجه الثالثه اساسي 7740 وعادة يعطون المهندسين وال it بد 25% بالاضافه الى 600 او 700 بدل نقل

يعني يصفالك حول ال9500 اذا كنت فريش

 

7740 هذا راتب كامل يشمل كل شي من وين جايب ٩٥٠٠

بعدين مافي دوام ٦ ساعات ومافي شي علي كيفك تروح وتجي

من ٧:٣٠ الي ٢:٣٠ هذا الدوام

 

السلام عليكم ورحمة الله
السيدThe Genius المحترم..
انا بعيد عن السعودية اكثرمن ثلاث سنوات واعذرني على استفساري.
((عموما قدم على الديوان (جدارة) وانسى .. لين يتصلون عليك حتى لو بعد سنوات))
1.هل المقصود بديوان هنا الديوان الملكي؟
واذا هم المقصودين ورا مايقفلو وزارة الخدمة المدنية!
2.تقول لن يتصلو عليك حتى بعد سنوات..ماتحسنت الاحوال ولا السالفة خرجين الهندسة كثير والطلب محدود ام ماذا بحق اسم الله؟

 

بهدوء يا عزيزي, أنا أعرف أكثر من واحد تخصصهم IT تحديدا علوم حاسب يشتغلون في جامعة الملك فيصل بالأحساء :

واحد منهم يعمل Systems Analyst ويعطونه بدل حاسب 25%

والثاني Computer operator ويعطونه بدل حاسب 20%


وشخص آخر تخصصه Computer Engineering يعمل في وزارة العدل بالرياض ويعطونه بدل حاسب 25 % أيضا. وما أعتقد ان المهندسين يقلون عن ال IT وكما سمعت ان لهم نفس البدل لكن بمسمى مختلف.


أما بالنسبه للعمل والروحه والجيه, ما أقول الا الله يخلف عليك, ما قد رحنا دائره حكوميه الا والموظفين مشرفين بعد الساعه 8, وعلى الساعه 12 ونص يمر عياله من المدارس يوصلهم البيت وآخر الدوام يجي يوقع, هذا في الأغلب الا في حالات نادره جدا جدا والكل يعرف هذا شئ.


يا رجال نسيبي والله متسدح في البيت لأنه رئيس قسم, ثلاث أرباع شغله بالتلفون, يمرهم على الساعه 10 ويطلع بعد ما يصلي الظهر, هذا وهو يعتبر في أحد أهم الدوائر الحكوميه وأكثرها حساسيه وسع صدرك يا رجال

 

الديوان المقصود به ديوان الخدمه المدنيه (اللي هي وزارة الخدمه المدنيه)

بالنسبه للتوظيف على حسب, بين فتره وفتره يعلنون عن الوظائف ويطلبون من المتقدمين تحديث البيانات, الآن جداره مركز على الوظائف التعليميه (المعلمين والمعلمات) أكثر من الوظائف الاداريه.


عموما هناك طريقه أخرى للتقديم على الوظائف الحكوميه, حيث ان بعض الدوائر الحكوميه تعلن عن وظائفها بنفسها بدون الرجوع الى جداره , اللي اعرفه من هالدوائر :

- جميع الجامعات السعوديه بلا اسثناء

- وزارة العدل

- ديوان المظالم

- هيئة الرقابة والتحقيق

- وزارة الصحية (نظام التشغيل الذاتي, يعني عن طريق شركه وتتبع التأمينات وليس مؤسسة التقاعد).

بالاضافه الى بعض الدوائر الاخرى التي لا تحضرني حاليا