السلام عليكم ورحمة الله وبركاته صبحكم الله بالخير اجزم بان كل طالب في الجامعة يريد من الجامعة ان تحقق او تطور او تعدل شيء ما والاغلبية لايجد من يشتكي له بعد الله الا لاخوانه في المنتدى بينما البعض يفضل السكوت لانه يدري مهما تكلم وقال لن تنفذ الجامعة طلباته من وجهة نظري سبب عدم قبول طلبات هؤلاء الطلاب هو انهم يشتكون في المكان الغير مناسب (المنتدى) في المنتدى هناك شكاوى من قبل عدة سنوات ولا زال الطلاب يشتكوا منها الى اليوم على سبيل المثال لا الحصر(التلفزيون,دورات المياة اكرمكم الله,...........)h: والسبب هو كما ذكرت سابقا ان الشكوى تشكا في المكان غير الصحيح(المنتدى) لذلك نريد انشاء هاشتاق في تويتر بالعنوان اعلاه او اي عنوان اخر يجسد معاناة طلاب البترول مع حل هذه المشاكل وكما نعرف جميعا بان الهاشتاق يراه الكل الطالب والمدير والوزير وبذلك باذن الله ان الجامعة تتحرك وتوجد حلول والهاشتاق لجميع المشاكل وعلى رأسه تأخر مكافأة هذا الشهر ونريد من جميع الطلاب التفاعل والمشاركة وشكراا
المنتدى أقرب للمسؤولين من تويتر وكثير من الناس يستخدم تويتر عشان يسوي ضغط خارجي ممكن يخليه في وضع قوي حتى لو ما كان معاه الحق. وقبل المنتدى وقبل تويتر المفروض التواصل مع القنوات اللي توفرها إدارات الجامعة. الكتابة عالمنتدى أو تويتر بهدف حل المشكلة أعتبرها مقبولة في حالتين: - تبغا تتأكد انك مو الوحيد اللي يعاني من المشكلة وتبغا تعرف إذا أحد الطلاب عنده حل. - أتواصلت مع الإدارة ومحد أعطاك وجه أو مشكلتك مع الإدارة نفسها.
تعتقد اننا لو نشتكي او نقدم طلب عند المسؤول ان طلبنا بيتحقق ؟ على الاقل في المنتدى تكثر الاصوات وتصير فضيحة اذا ما عطاك المسؤول وجه . ياخي عندنا الحمام وانتم بكرامة فاض مرتين ذا الترم ، كلمت الصيانة على المره الاولى ولا صار اي شي ، المره الثانية علق السيفون عقب انقطاع المويه ومع السدد فاض وغرق نصف الدور الارضي ، مع ان الحمام في الدور الثاني ! يفترض ان يكون فيه قسم للشكاوي والاقتراحات يتابعه جميع ادارات الجامعه وتكون المعاملة او الشكوى قابلة للقراءة من قبل الجميع مثل chromium bug tracker .
والله أشوف حركة تويتر مالها داعي إلا في حالة تواصلك مع المسؤول المباشر ،أو رأس الهرم (مدير الجامعة) وما عطوك وجه . أرسلت من lg-d855 بإستخدام تاباتلك
مكتب المدير مفتوح من 12-1, و ما راح يقصر. واحد اشتكى له سوء سماعات مسجد الزبير, بعد يومين الا وهي مصلحة.
انا كونت قناعة ان الجامعة ماهي حولك خصوصا في الخدمات لذلك مهما اشتكيت فماراح تشوف نتيجة وان شفت نتيجة فهي مؤقتة لاخراسك فقط
تبي امر المدير واقوله طال عمرك حمامنا فايض يبي له سباك ؟ ما كل المشاكل توجه للمدير . اليوم فاض للمره الثالثه وانتم بكرامه ، المره الأولى ما عندهم نية يجون ، الثانية كانت مأساوية وغرق نص الدور ، والثالثة الله يستر منها .
مدير الجامعة متعاون ويتقبل شكاوي الطلاب وكثير من المشاكل انحلت لما وصلت له الشكاوي لكن المنطق يفرض انه هذي المشاكل تنحل بدون مايتدخل المدير ويوجه الإدارة المسؤولة ... ولا اذا كان كل المشاكل يحلها مدير الجامعة ف وش الفايدة من رؤساء الأقسام والمشرفين . الشكاوي في كل الدوائر الحكومية لها تسلسل و آخر خيار للمشكتي يكون هو المدير .. لكن في الجامعة للأسف بعض الأقسام وبالرغم من المشكلة توصل للمدير ويوجهم لكن مافي تغيير مثلا قسم الصيانة طبعا فيه اقسام متعاونة مثلا ادارة الحركة و إدارة البيئة والصحة والسلامة. على العموم ما اتوقع تويتر راح يحل هذي المشاكل المتكررة ... اما بخصوص المكافأة هذي اول مرة من 4 سنوات تتأخر