اوريا؟ ضروري تدخل للفائدة

الموضوع في 'ساحة السنة التحضيرية' بواسطة SHAWQ, بتاريخ ‏1 سبتمبر 2021.

  1. SHAWQ

    SHAWQ عضو

    انضم:
    ‏29 أغسطس 2013
    المشاركات:
    24
    التخصص:
    ME
    الجامعة:
    KFUPM
    سنة التخرج:
    2018
    التقييمات:
    +9 / 0 / -0
    من تخرجت في ٢٠١٨ وانا ناوي اكتب نصائح من تجربتي في الجامعة لعل وعسى احد يستفيد ، ولكن للانشغال بالوظيفة والحياة تأخرالموضوع :)


    للطلاب والطالبات المستجدين:

    • اول نقطة لازم تحطها في بالك إن ماقبل الجامعة من ثانوية وتحصيلي وقدرات اصبح من الماضي ، فلا تغتر انك كنت الاول على الدفعة او درجتك فالقياس ١٠٠ ، شتان بين المرحلتين ، فكم من طلاب كانو الاوائل على الدفعة خرجوا من الباب الخلفي ، وآخرين انضموا للجامعة عن طريق التحويل من كلية المجتمع وتراهم متفوقين بمراتب الشرف!
    • نجي لموضوع اللغة والتوفل ، راح اختصر الموضوع هنا واقول لكم إني كنت 0 في اللغة قبل الجامعة ، دخلت مستوى 00 وتخطيت الصعاب واجتهدت وعديت التوفل ، فلا احد يحبط من مستواه الحالي في اللغة لأن كل شي بالاجتهاد يصبح سهل. اهم شي انك ماتسمع كلام المحبطين (التوفل مستحيل ، التوفل صعب ، ذاكرت وماعديت ، … الخ). لازم تعرف نقاط قوتك وايش افضل طريقة تناسبك للتعلم ، مثلا شخص يتعلم عن طريق القراءة ، آخر يتعلم بالمشاهدة ، وآخر عن طريق الاستماع، الزبدة حاول تتعرف على نقاط ضعفك واشتغل عليها وصدقني كل شي راح يعدي.
    • اللي يدخل الجامعة وينبسط انه عدى اللغة وصار جدوله خفيف :) تعال ابيك بكلمة راس ،، انتبه انتبه انتبه من الفخ اللي وقعوا فيهكثير قبلك ، اكثر اللي يحس ان عنده وقت وجدوله فاضي يصير مرتااح ويأجل المذاكرة وياخد الموضوع فلة ووناسة ، بعدين قبل اختبار الماث تلقاه ضاايع لأن ماكان متابع أول بأول. وخوينا اللي عنده انجلش تلاقيه متابع كل شي اول بأول وعنده حس مسؤولية من الضغط اللي عليه.
    • المااث وما ادراك ما الماث ، نفس كلام البداية ، انسى مستواك الدراسي ، راح تبدأ من الصفر حبة حبة ، الموضوع يحتاج تعود شوي وان الواحد يغير طريقة المذاكرة اللي اعتاد عليها ، لو كنت اذكى شخص اذا ماتذاكر وتتدرب على المسائل اول بأول فانت احتمالكبير تاخذ F ، ولو كان ذكاؤك متواضع بس تجتهد وتحل اكبر قدر من المسائل ابشر ب A+ ، عليكم بالكتااااااب وامثلته ، حل اكبر قدر ممكن من المسائل وقت المذاكرة ، كذا ماراح تتوتر فالاختبار وبيكون عندك ثقة في نفسك.
    • بما ان الحين انتو طلاب جامعة ، انسو عذر (الدكتور سيء، الدكتور ظلمني، الافرج مرتفع) ، كل مواد الجامعة موجودة ليها شروحات كافية في اليوتيوب وبكل اللغات ، واذا كنت تعلقها في الدكتور معناته انك ماشي وتبي C.
    • نقطة مهمة جدا جدا جدا وقاعدة عامة في الحياة ، اللي تماشيهم راح تصير مثلهم ، تجلس مع دافور راح تتحمس وتنافس على مراتب الشرف ، تجلس مع ( عدّي ولو بالدّي ) راح تاخد F وانت تضحك :) ،، الزبدة انك تتباعد عن الناس السلبية حتى لو كانوا أصدقاؤك لأن مستقبلك أهم ، صاحب الناس الايجابية والطموحة وراح تصير منهم.
    • التفوق الدراسي مطلب مهم جدا وإن شاء الله يفتح لك أبواب الرزق والوظيفة ، ولكن جانب soft skills مهم مثل المعدل الدراسي! وقتك في الجامعة هو وقت تبني فيه شخصيتك ومهاراتك الحياتية ، مهارات التواصل والالقاء والاقناع والتفاوض والقيادة والانضباط… والقائمة تطول. احرص على تنمية هده المهارات بالمشاركة في الاندية الطلابية والادوار القيادية مهما صغرت. بكرا لما تتخرج وتسوي مقابلة راح يقيموا شخصيتك وطريقة حديثك ومهاراتك بإلإضافة لمعدلك الدراسي.
    • طبعا ماننسى الجانب الترفيهي ، رحلتك في الجامعة طويلة فلاتجعلها دراسة فقط، مارس هواياتك واكتشف امكانياتك، والا اذا ركزت فقط على الدراسة ماقدر اقول الا (الله يصبرك).
    • التخصص وما ادراك ما التخصص، من القرارات اللي بتتعايش معاها طيلة حياتك، فاحرص ان يكون اختيارك نابع من معرفة وليس تبعية، راح تشوف مثلا اغلب الناس يدخلو هندسة، اسأل نفسك هل انا مناسب لهذا التخصص؟ هل راح ابدع في هذا التخصص؟بكرا اذا تخرجت ايش راح اشتغل؟ مستعد اروح اشتغل رقوق او في البحر او تحت الشمس؟ لو ابغى تخصص يضمن لي شغل مكتبي؟هل انا مهاراتي في الماث تؤهلني اني ادخل هندسة؟ هل صحيح ان الهندسة هي افضل شي وباقي التخصصات زي مانسمع(أدبي)؟!! طبعا مو صحيح ، تخرجنا ونشوف خريجين الادارة في ارقى الشركات والمناصب. الزبدة انك لازم تختار التخصص عن قناعة وبحث واطّلاع ، يوجد ملتقيات للتعريف عن التخصصات فاحرص انك تستفيد منها. اسأل عن جميع التخصصات فلعلك تكون غافل عن مجال معين وهو مناسب لك.
    • بتسمع كثير (هذا الدكتور مايعطي A+ ، هذا الدكتور صعب ، … الخ) ، حط في بالك ان كل مواد الجامعة في طلاب ياخذوا A+ فاحرص انك تكون منهم! وللمعلومة في طلاب يتخرجوا بمعدل 4/4 واتمنى انك تكون عزيزي القارئ من ضمن هذه المجموعة.
    • حط لنفسك هدف عالي ، لو حطيت هدف تعدي ب C فهناك احتمال تاخد D ، ولكن اذا كان هدفك دائما A+ و فل مارك فحتى لونقصت راح تاخذ A او B+ في أسوأ الحالات.
    • في تجربة جميلة في الجامعة فاحرص على انك تمر بها ، برنامج التبادل الطلابي ، تتاح لك فرصة تدرس سمستر خارج المملكة في امريكا او غيرها ، طبعا مايحتاج نقول ان لازم تكون متفوق لتقبل في البرنامج.

    في النهاية اتمنى اني ماطولت عليكم ، واتمنى هذي السطور تفيدكم في مشواركم الحافل ، تمنياتي بالتوفيق للجميع.
     
جاري تحميل الصفحة...
مواضيع شبيهة - اوريا؟ ضروري تدخل للفائدة
  1. Eng. Mohammad A. A
    الردود:
    4
    المشاهدات:
    1,615
  2. حاتم الشمري
    الردود:
    0
    المشاهدات:
    698
  3. GX.R
    الردود:
    4
    المشاهدات:
    1,917
  4. أحمد العتيبي
    الردود:
    2
    المشاهدات:
    2,526
  5. To be better
    الردود:
    5
    المشاهدات:
    4,733
  6. Mr pedro
    الردود:
    5
    المشاهدات:
    10,888
  7. Elmagnifeco
    الردود:
    1
    المشاهدات:
    588
  8. Yousif555
    الردود:
    3
    المشاهدات:
    3,730
  9. ENG. Malik
    الردود:
    67
    المشاهدات:
    35,396
  10. ABU ALI 20
    الردود:
    3
    المشاهدات:
    1,364

مشاركة هذه الصفحة