اي معلومة بخصوص مستشفى الدمام التخصصي؟

و عليكم السلام

والله دقوا علي قبل ثلاث اسابيع لكن و الله مارحت لهم

ولا عندي اي معلومات عنهم

الله يوفقك ان شاء الله

 

والله ما عندي خبر عنهم لكن معلومه عامه عن المستشفى من أرقى و أفضل المستشفيات بالمملكه وإداريا قوي جدا وصارم فلذلك تلقاه مرتب وكل واحد عارف وش له وش عليه ..

 

انا سويت معهم مقابله العام الماضي مع رئيسه القسم بنت سعوديه وواحد ثاني سعودي وكان يسألني اسئله غريبه مره احس انه مايبغاني كل ماجاوب يقاطعني وغير السؤال او يزيد عليه بعكس رائيستهم كانت تسال اسئله نوعا ما دقيقه لكن ماتقاطعني وانا اجاوب ... طبعا هم محترميين لكن ماردو على بعد المقابله بالرغم انو قالتي ابشر برد زيين منا وانت عجبتنا كثثير وكانو يبون مبرمج محترف يشيلهم ويبون سعودي... بعد مرور شهرين راجعت الموارد البشريه قالو لي سبب عدم التوظيف انو الوظيفه الي حاطينها يبون خبره 7 سنوات وانت خبرتك سنه لذا مانقدر ندخلك بالسيستم ونوظفك ( بطريق غير مباشر ) ماعندك واسطه تمشييك


لكن المستشفى مره زي ماقالو الاخوان مرتب وبيئه عمله زيينه لكنه مزعج من ناحيه الاختلاط ( انا بنسبه لي ماحب الاختلاط )

بنسبه للرواتب هو على بند التشغيل الذاتي وراتب المهندسيين والجامعيين ماتقل عن 9 او 10 الالف
موفقيين

 

شباب يا ليت يعرف كيف طريقة دوامهم متى يبدأ ومتى ينتهي ؟
وكيف نظام الترقيات والتطوير ؟

انا سمعت مستشفى الملك فيصل التخصصي اللي بالرياض البكج للمهندس الفريش حول 16 الف مدري هالكلام صدق او لا ؟

 

دقوا عليّ وسحبت عليهم .. لأن الشخص اللي كلمني حرام يكون في HR

عموما .. هم دارين إني شغال في مستشفى الهيئة الملكية بالجبيل ، وإتصل علي أحد الإخوان وأصر على حضوري للمقابلة .. وفي المقابل أصريت أنا على طلب معين وما نفذوه .. فسحبت عليهم

لكن يا ليت أخوي تعطينا نبذة عن المقابلة اللي سووها معاك .. للإستفادة

 

دوامهم حسب ماعرف انو من 8 الى 4 العصر و الراتب حسب hr هم الي يحددون الراتب وهم يتصلون عليك ويتفاوضون معك هذا كلامهم لي..... Hr حقهم مليان نسوان والصراحه ماعندهم ثقافه عاليه انا لما رحت اراجعهم كلمت وحده من الي يتصلون على العالم ويقولن لهم تعالو مقابله ...احس انها ماعندها خبره حطينها بس استقبال وضحيه او فريسه تصريف علشان تصرف العالم مايبونك تراجع المدرا .... احس انو ال hr حقهم يحتاج الى تطوير و والدعوه فوضى نوعا ما.... يعني كلامهم لي غير منطقي اذا السيستم مايدخلني ليش سويتو لي مقابله وجعتو راسي من البدايه .. اول مره بحياتي اشوف سبب عدم التوظيف انو الموارد البشريه رافضينك الي اعرفه انو القسم الي يسوي المقابله هو اللي يحدد توظيف ام عدم توظيف ؟؟ وذا النظام مايسمح يدخلني اجل من البدايه ماتكلمني وحده من الموراد البشريه وتقولي تعال مقابله

لكن الي بدايته كذا معناها خراط .... مكان مؤقت خذ خبره واسحب.. بنسبه للراتب هذا الي سمعته كراتب تقديري.... ماعندي معلومات اكييده

الله يوفقك

 

^
^

يعطيك العافيه ع التفصيل