بتخرج بعد 5 شهور، متى اقدم على الشركات؟

اللي يقدر يفيدنا يا شباب لاهنتوا

 

غالبا بروسيس التوظيف ياخذ اكثر من شهرين، فلذلك قدم من الان، ووضح لهم حالتك اذا ترشحت للمقابلة، حصلت لي والوضع عادي

المعدل تكتب معدلك الحالي،
وبالنسبة لوثيقة التخرج، فلا تقدم لأي جهة تطلبها، غالبا بيجيك رفض على طول، فلذلك مالك الا تصبر

انصحك تبحث في مواقع التوظيف زي لنكد ان، بتحصل اعلانات كثير، جهز رسالة مناسبة توضح فيها اهتمامك وترفق معها السي في وباذن الله حيتواصلوا معك خلال اسابيع قليلة اذا مو ايام،

بالتوفيق

 

للأسف قليل من الشركات التي توفر خاصية التقديم للطلاب الموشكين على التخرج ولكن أنصحك بأنشاء حساب في LinkedIn والتواصل مع موظفين ال Recruitment أغلبهم مسوين حسابات هناك وأشرح لهم وضعك واكيد راح يتفهمون وضعك اذا عندهم إمكانية.
تذكر هذا الشيء اللطيف "تزيد حظوظك كلما بينت له بأنك ستكون فخور بالعمل معهم"

بالتوفيق ان شاء الله

 

قدم على الشركات الكبيرة مثل شملبرجير ، ارامكو ، بيكرهيوز ، او اي برنامج يكون لحديثي التخرج لأن مثل ماقالوا الشباب إجرائات التوظيف تأخذ وقت
اما الشركات الصغيرة ومن تجربة شخصية فما عندها وقت تنتظرك عشان تتخرج ونفس الوقت إجرائاتها بالكثير تأخذ شهر شهرين وبعضهم اقل.
فأنت مع بداية السمستر الأخير لك في الجامعة ابتدي في التقديم وبخصوص المعدل ، خل المعدل الي تتوقع تخرج فيه وبشكل عام هو اكيد بيكون قريب من معدلك الحالي فماراح يفرق كثير.

الشي الأهم لاتكتب في cv انك مابعد تتخرج او متوقع تخرجك ، بس اكتب تاريخ التخرج.
لأن لما تكتب متوقع تخرجك راح يتم استبعادك عند فرز المتقدمين في اغلب الشركات .

عشان على الأقل توصل لمرحلة المقابلة او الاتصال من الشركة ،

وفي المقابلة او لو اتصلوا عليك وسألوك قولهم انك بتتخرج بعد فترة قصيرة،

 

انا قدمت بتاريخ 11/2016 وتخرجي كان 02/2017 (وقت استلام الوثيقه) وجاني اتصال طارئ من شركه وقالو نبيك الحين ضروري هالكلام كان 12/2016 قلت لهم باقي ما تخرجت للحين COOP قالو طيب متى تخلص التطبيق قلت 29/12/2016 قالو خلاص باشر العمل 03/01/2017 وفعلآ باشرت قبل استلم الوثيقه الحمد لله لكن الوظيفه سعوده بححت وجالسه تهدمني الى الان