بخصوص الحصول على الأبروفال

السلام عليكم


إلى متى ونظام الجامعة في الأبروفال عقيم لهذه الدرجة

انهد حيلي وأنا طالع الجبل ونازل على المسجل وطالع ونازل وكل واحد يقول التسجيل عند
الثاني.

حالتي كالتالي :

معاد قبولي هذا الترم وكما هو معلوم لدى البعض أن حسابك الجامعي يعطل وما تقدر تدخل عليه
الا إذا زرت الـ ITC عشان تفعل الحساب .
طبعاً حتى يفعلون الحساب بياخذ فترة طويلة تصل ليوم كامل وكذا تطير عليك السكاشن وتضطر تعيد الجدول مرة ثانية

سويت الجدول مرة ثانية لكن ما قدرت أنزل مادة تخصص لأن مافيه الا سكشن واحد مفتوح ويتعارض
مع مادة ثانية أساسية .
والمادة الثانية مافيها الا سكشن واحد مفتوح وأنا مسجل فيه .

رحت قسمي وطلبت منهم أبروفال عشان أسجل المادة وقالوا اروح للمسجل هو يتصرف .
رحت للمسجل وقعدوا يحاولون يخربون بالجدول عشان يقدرون يسجلون كل المواد وما ضبط
معهم .
قالوا لي أرجع لقسمي وأطلب أبروفال

رجعت لقسمي وطلبت منهم ورفضوا قالوا رح لإدارة المادة الثانية الأساسية هم يعطونك أبروفال.
رحت للإدارة الثانية ورفضوا بحكم المادة المتبقية مقدمة من قسمي والمفروض يوفرونها لي
حتى لو السكشن مقفل .


الزبدة أنا الآن طفشت من ذا الوضع الي سببه قسم الـ ITC من الأساس لأنه يعطّل الحساب
وما يعيد التنشيط الا بطلب (المفترض بمجرد إعادة القبول يتم إعادة تفعيل الحساب مباشرة)


بكرة آخر يوم للتسجيل والله يستر لا يخلص وأنا ما قدرت أضيف المادة .


حسبي الله ونعم الوكيل

 

والله يا أخوي وشدعوه هذا الي صار معي

وأرسلت اليوم إيميل للشيرمان عشان يعطيني أبروفال ورد أنه موجود سكشن مفتوح
مع العلم اني شارح كل شي وأسباب عدم استطاعتي لتسجيل هذا السكشن المفتوح ومرفق
له صور من الجدول وصور جميع السكاشن المفتوحة لجميع الكلاسات الي نزلتها عشان
يتأكد.

بعد ما رد علي، أرسلت إيميل ثاني للمسجل وشرحت حالتي وردوا علي انه لازم امرهم مرة
ثانية .
يعني بالله عليك هذا موب عبط.
أحس موظفي المسجل ماخذين دورات "كيف تتخلص من المراجعين خلال 30 ثانية"
المشكلة ماعندهم شغل باقي الترم، بس أول اسبوع !!


مافيه تنسيق واضح بين إدارات الجامعة المختلفة وزحلقة طلاب على كيف كيفك
يدخل مكتب المسجل 10 طلاب عندهم مشاكل فالتسجيل ويطلعون كلهم مع بعض بسبب
أن أحد الموظفين وجههم لإدارات ثانية بس عشان موب فاضي لهم ويجربون حظهم
ويمكن يرجعون وما يكون فيه ويبتلش موظف ثاني بهم .


الي قد كانت عنده مراجعة في أمانة مدينة الرياض، ترى الوضع فالجامعة نفسه بالضبط
إن لم يكن أسوء .


الله يعين عليهم بكرة وإن شاء الله تنحل .